Job Description: * ಕರ್ನಾಟಕ ರಾಜ್ಯ ಸರ್ಕಾರವು ‘ಗೀಗ್ ಕೆಲಸಗಾರರ (ಸಾಮಾಜಿಕ ಭದ್ರತೆ ಮತ್ತು ಕ್ಷೇಮಾಭಿವೃದ್ಧಿ) ಕಾಯ್ದೆ–2025’ ಅನ್ನು ಜಾರಿಗೆ ತಂದು ದೇಶದಲ್ಲಿ ಗೀಗ್ ಕೆಲಸಗಾರರ ಹಕ್ಕುಗಳ ರಕ್ಷಣೆಯಲ್ಲಿ ಮೊದಲ ರಾಜ್ಯ ಎನ್ನಿಸಿಕೊಂಡಿದೆ. ಗೀಗ್–ಪ್ಲಾಟ್‌ಫಾರ್ಮ್ ಆಧಾರಿತ ಉದ್ಯೋಗಗಳು ಇತ್ತೀಚಿನ ವರ್ಷಗಳಲ್ಲಿ ವೇಗವಾಗಿ ಹೆಚ್ಚುತ್ತಿರುವ ಸಂದರ್ಭದಲ್ಲಿ, ಈ ಕ್ಷೇತ್ರದ ಕೆಲಸಗಾರರಿಗೆ ಗಟ್ಟಿಮೂಲದ ಭದ್ರತೆಯನ್ನು ನೀಡುವ ರೀತಿಯಲ್ಲಿ ಸರ್ಕಾರ ಮಹತ್ವದ ಹೆಜ್ಜೆ ಇಟ್ಟಿದೆ.* ಆಹಾರ ತಲುಪಿಸುವವರು, ಕ್ಯಾಬ್ ಚಾಲಕರು, ಡೆಲಿವರಿ ಬಾಯ್‌ಗಳು, ಆನ್‌ಲೈನ್‌ ಸೇವೆಗಳ ಮೂಲಕ ಕೆಲಸ ಮಾಡುವವರು, ಅಂದರೆ ಒಂದೇ ಸಂಸ್ಥೆಯ ಶಾಶ್ವತ ನೌಕರರಲ್ಲದವರು ಗೀಗ್ ಕೆಲಸಗಾರರು. ಇವರಿಗೆ ನಿಯಮಿತ ವೇತನ ಅಥವಾ ರಾಜಕೀಯ ಭದ್ರತೆ ಸಾಮಾನ್ಯವಾಗಿ ಇರುವುದಿಲ್ಲ.* ಈ ಹೊಸ ಕಾಯ್ದೆಯ ಮೂಲಕ ಕರ್ನಾಟಕ ಸರ್ಕಾರವು ಗೀಗ್ ಕೆಲಸಗಾರರಿಗೆ —ಸಾಮಾಜಿಕ ಭದ್ರತೆ, ಕ್ಷೇಮಾಭಿವೃದ್ಧಿ ಯೋಜನೆಗಳು, ಸರ್ಕಾರಿ ಕಲ್ಯಾಣ ಯೋಜನೆಗಳ ಸೌಲಭ್ಯ, ಸುರಕ್ಷತಾ ಕ್ರಮಗಳು, ಆರ್ಥಿಕ ನೆರವು, ವಿಮೆ ಮತ್ತು ಪಿಂಚಣಿ ಸೌಲಭ್ಯ ಇತ್ಯಾದಿಗಳನ್ನು ಒದಗಿಸುವ ಗುರಿ ಹೊಂದಿದೆ.* ಕಳೆದ ಹಲವು ವರ್ಷಗಳಿಂದ ಗೀಗ್ ಕೆಲಸಗಾರರು ಹಲವು ಸವಾಲುಗಳನ್ನು ಎದುರಿಸುತ್ತಿದ್ದರು - ಅನಿಶ್ಚಿತ ಆದಾಯ, ಅಪಘಾತ ಭದ್ರತೆ ಇಲ್ಲದೆ ಕೆಲಸ, ಆರೋಗ್ಯ ವಿಮೆ ಕೊರತೆ, ಕೆಲಸದ ಅವಧಿಯ ಅನಿಯಮಿತತೆ, ಕಂಪನಿಗಳ ಮೇಲ್ವಿಚಾರಣೆ ಕೊರತೆ ಈ ಕಾಯ್ದೆಯ ಮೂಲಕ ಈ ಸಮಸ್ಯೆಗಳಿಗೆ ಪರಿಹಾರ ಕಂಡುಕೊಳ್ಳುವ ಪ್ರಯತ್ನವಾಗಿದೆ.* ಈ ಕಾಯ್ದೆ ಜಾರಿಗೆ ಬಂದ ನಂತರ: ಸರ್ಕಾರ ಮತ್ತು ಪ್ಲಾಟ್‌ಫಾರ್ಮ್‌ ಕಂಪನಿಗಳು ಗೀಗ್ ಕೆಲಸಗಾರರ ಮಾಹಿತಿಯನ್ನು ಆನ್‌ಲೈನ್ ಡೇಟಾಬೇಸ್ ಮೂಲಕ ಸಂಗ್ರಹಿಸಲಿವೆ.ಕೆಲಸಗಾರರಿಗಾಗಿ ವಿಶೇಷ ಸಾಮಾಜಿಕ ಭದ್ರತಾ ನಿಧಿ ರಚಿಸಲಾಗುತ್ತದೆ. ಅಸಂಘಟಿತ ಕೆಲಸಗಾರರನ್ನು ಸಂಘಟಿಸಲು ಸರ್ಕಾರ ನೆರವಾಗಲಿದೆ. ಕೇಂದ್ರ ಮತ್ತು ರಾಜ್ಯ ಕಲ್ಯಾಣ ಯೋಜನೆಗಳನ್ನು ಈ ಕೆಲಸಗಾರರಿಗೆ ನೇರವಾಗಿ ವಿಸ್ತರಿಸಲಾಗುತ್ತದೆ.* ದೇಶದಲ್ಲಿ ಗೀಗ್ ಕೆಲಸಗಾರರ ಸಾಮಾಜಿಕ ಭದ್ರತೆಯನ್ನು ಕಾನೂನಿನ ಮೂಲಕ ಜಾರಿಗೊಳಿಸಿದ ಮೊದಲ ರಾಜ್ಯ — ಕರ್ನಾಟಕ.
