* ಕೇಂದ್ರ ಶಿಕ್ಷಣ ಸಚಿವ ಧರ್ಮೇಂದ್ರ ಪ್ರಧಾನ್ ಅವರು  ರಾಷ್ಟ್ರೀಯ ಶೈಕ್ಷಣಿಕ ಸಂಶೋಧನಾ ಮತ್ತು ತರಬೇತಿ ಮಂಡಳಿಗೆ(ಎನ್‌ ಸಿಇಆರ್ ಟಿ)  'ಡೀಮ್ಡ್ ವಿಶ್ವವಿದ್ಯಾಲಯ'ದ ಸ್ಥಾನಮಾನ ನೀಡಲಾಗಿದೆ ಎಂದು ಸೆಪ್ಟೆಂಬರ್ 1 ರಂದು ತಿಳಿಸಿದ್ದಾರೆ.
* 'ಎನ್‌ಸಿಇಆರ್‌ಟಿ' 63ನೇ ಸಂಸ್ಥಾಪನಾ ದಿನದ ಕಾರ್ಯಕ್ರಮದಲ್ಲಿ ಭಾಗವಹಿಸಿದ ಧರ್ಮೇಂದ್ರ ಪ್ರಧಾನ್ ಅವರು ಈ ಬಗ್ಗೆ ಮಾಹಿತಿ ನೀಡಿದ್ದಾರೆ. ಉನ್ನತ ಮಟ್ಟದ ಶಿಕ್ಷಣ ನೀಡುವ ನಿಟ್ಟಿನಲ್ಲಿ'ಎನ್ ಸಿಇಆರ್‌ಟಿ' ಹಲವಾರು ಕಾರ್ಯಕ್ರಮಗಳನ್ನು ಕೈಗೊಳ್ಳಲಿದೆ .
* 'ಎನ್ ಸಿಇಆರ್‌ಟಿ' ಪಠ್ಯಕ್ರಮದ ಅಭಿವೃದ್ಧಿ ಬೋಧನೆಯ ಕಲಿಕಾ ಸಾಮಗ್ರಿಗಳ ಅಭಿವೃದ್ಧಿ ಸಂಶೋಧನೆ ಸೇರಿದಂತೆ ವಿವಿಧ ಶೈಕ್ಷಣಿಕ ಚಟುವಟಿಕೆಗಳು ಹಾಗೂ ಕಾರ್ಯಕ್ರಮಗಳನ್ನು ಕೈಗೊಳ್ಳಲಿದೆ .
* 'ಎನ್‌ಸಿಇಆರ್‌ಟಿ'ಗೆ  'ಡೀಮ್ಡ್ ವಿವಿ' ಸ್ಥಾನಮಾನದಿಂದ ಇತರ ವಿಶ್ವವಿದ್ಯಾಲಯಗಳಂತೆಯೇ ಉನ್ನತ ಮಟ್ಟದ ಶೈಕ್ಷಣಿಕ ಮನ್ನಣೆ ಹಾಗೂ 'ಯುಜಿಸಿ'ಯಿಂದ ಹಣಕಾಸು ನೆರವು ದೊರೆಯಲಿದೆ. ಅಲ್ಲದೆ ಎನ್‌ ಸಿಇಆರ್‌ಟಿಗೆ ಪದವಿ, ಸ್ನಾತಕೋತ್ತರ ಹಾಗೂ ಡಾಕ್ಟರೇಟ್ ಪದವಿ ಕೋರ್ಸ್‌ಗಳನ್ನು ನೀಡಲು ಅವಕಾಶ ದೊರೆತಿದೆ.