Job Description: * 2023 ನೇ ಸಾಲಿನ ಇಂದಿರಾ ಗಾಂಧಿ ಶಾಂತಿ ಪ್ರಶಸ್ತಿಗೆ ಡೇನಿಯಲ್ ಬ್ಯಾರೇನ್ ಬೊಯಿಮ್ ಮತ್ತು ಫೆಲಸ್ತೀನ್ನ ಶಾಂತಿ ಕಾರ್ಯಕರ್ತ ಅಲಿ ಅಬು ಅವ್ವಾದ್ ಅವರನ್ನು ಆಯ್ಕೆ ಮಾಡಲಾಗಿದೆ.* ಇಸ್ರೇಲ್-ಫೆಲೆಸ್ತೀನ್ ನಡುವಿನ ಅಹಿಂಸಾತ್ಮಕ ಪರಿಹಾರವನ್ನು ಕಂಡುಕೊಳ್ಳುವ ನಿಟ್ಟಿನಲ್ಲಿ ಪ್ರಯತ್ನಗಳಿಗಾಗಿ ಅರ್ಜೆಂಟಿನಾ ಸಂಜಾತ ಖ್ಯಾತ ಪಿಯಾನೋ ವಾದಕ ಹಾಗೂ ವಾದ್ಯಗೋಷ್ಠಿಗಳ ನಿರ್ವಾಹಕ ಡೇನಿಯಲ್ ಬ್ಯಾರೇನ್ ಬೊಯಿಮ್ ಮತ್ತು ಫೆಲಸ್ತೀನ್ನ ಶಾಂತಿ ಕಾರ್ಯಕರ್ತ ಅಲಿ ಅಬು ಅವ್ವಾದ್ ಅವರನ್ನು ಶಾಂತಿ, ನಿಶ್ಶಸ್ತ್ರೀಕರಣ ಮತ್ತು ಅಭಿವೃದ್ಧಿಗಾಗಿ ನೀಡುವ ಇಂದಿರಾ ಗಾಂಧಿ ಪ್ರಶಸ್ತಿಗೆ ಜಂಟಿಯಾಗಿ ಆಯ್ಕೆ ಮಾಡಲಾಗಿದೆ ಎಂದು ಇಂದಿರಾ ಗಾಂಧಿ ಸ್ಮಾರಕ ಟ್ರಸ್ಟ್ ತಿಳಿಸಿದೆ.* ಪಿಯಾನೋ ವಾದನದ ಜೊತೆಗೆ ವಿಶ್ವದ ಕೆಲವು ಪ್ರಮುಖ ವಾದ್ಯಗೋಷ್ಠಿಗಳನ್ನು ನಿರ್ವಹಿಸುವ ಮೂಲಕ ಖ್ಯಾತಿಯನ್ನು ಪಡೆದಿರುವ ಬ್ಯಾರೇನ್ ಬೊಯಿಮ್ ಅವರು ಸಂಗೀತ ಕ್ಷೇತ್ರದಲ್ಲಿ ಸಾಧನೆಗಳ ಜೊತೆಗೆ ಪಶ್ಚಿಮ ಏಶ್ಯಾದಲ್ಲಿ ಸಾಮರಸ್ಯವನ್ನು ಬೆಸೆಯಲು ತನ್ನ ಸಂಗೀತವನ್ನು ಸಾಧನವನ್ನಾಗಿ ಮಾಡಿಕೊಂಡು ನಿರಂತರವಾಗಿ ಶ್ರಮಿಸುತ್ತಿದ್ದಾರೆ. * ಫೆಲೆಸ್ತೀನಿ ವಿದ್ವಾಂಸ ಎಡ್ವರ್ಡ್ ಸೈದ್ ಅವರೊಂದಿಗಿ ಗೆಳೆತನ ಮತ್ತು ಸಹಭಾಗಿತ್ವವು ಪರಸ್ಪರ ಗೌರವ ಮತ್ತು ಮಾತುಕತೆಯ ಮೂಲಕ ಇಸ್ರೇಲ್-ಫೆಲೆಸ್ತೀನ್ ಬಿಕ್ಕಟ್ಟಿಗೆ ಶಾಂತಿಯುತ ಪರಿಹಾರವನ್ನು ಕಂಡುಕೊಳ್ಳುವ ಅವರ ಪರಿಕಲ್ಪನೆಗೆ ರೂಪ ನೀಡಿತ್ತು.
