* ಇಂಡೊ-ಪೆಸಿಫಿಕ್ ರಾಷ್ಟ್ರಗಳ ಸಾರ್ವಭೌಮತೆಯನ್ನು ರಕ್ಷಿಸಲು ಮತ್ತು ಈ ಪ್ರದೇಶಕಿರುವ ಬೆದರಿಕೆಗಳನ್ನು 'ಕ್ವಾಡ್‌' ನ ಸದಸ್ಯ ರಾಷ್ಟ್ರಗಳ ನಾಯಕರು ಒಗ್ಗಟ್ಟಿನಿಂದ ಎದುರಿಸಲು ಸಿದ್ಧವಾಗಿದ್ದಾರೆ ಎಂದು ಈ ಸಭೆಯ ಮೂಲಕ ತಿಳಿಸಲಾಗಿದೆ. 

* ಪ್ರಸ್ತುತ ಭಾರತ, ಅಮೆರಿಕ, ಆಸ್ಟ್ರೇಲಿಯಾ ಮತ್ತು ಜಪಾನ್‌ ದೇಶಗಳು 'ಕ್ವಾಡ್‌'ನ ಸದಸ್ಯ ರಾಷ್ಟ್ರಗಳಾಗಿವೆ.

* ಇತ್ತೀಚಿಗೆ ಆಸ್ಟ್ರೇಲಿಯಾದ ಮೆಲ್ಬರ್ನ್‌ನಲ್ಲಿ ಜರುಗಿದ ಕ್ವಾಡ್‌ ಸಭೆಯಲ್ಲಿ ಕ್ವಾಡ್‌'ನ ಸದಸ್ಯ ರಾಷ್ಟ್ರಗಳ ವಿದೇಶಾಂಗ ಸಚಿವರಾಗಿರುವ ಎಸ್‌.ಜೈಶಂಕರ್‌, ಆಯಂಟೊನಿ ಬ್ಲಿಂಕೆನ್, ಮರೈಸ್ ಪೇನ್ ಮತ್ತು ಯೊಶಿಮಸಾ ಹಯಾಶಿ ಈ ವಿಷಯಗಳ ಬಗ್ಗೆ ಚರ್ಚಿಸಿದ್ದಾರೆ. ಅಷ್ಟೇ ಅಲ್ಲದೇ ಇಂಡೊ-ಪೆಸಿಫಿಕ್‌ ಪ್ರದೇಶದಲ್ಲಿನ ರಾಷ್ಟ್ರಗಳ ಸಾರ್ವಭೌಮತೆ ರಕ್ಷಣೆ, ಹಾಗೂ ಮುಕ್ತ ವಾತಾವರಣ ನಿರ್ಮಿಸುವದಕ್ಕೆ ಈ ನಾಲ್ಕು ರಾಷ್ಟ್ರಗಳು ಬೆಂಬಲ ನೀಡುವುದಾಗಿ ತಿಳಿಸಿವೆ. 

* 'ಕ್ವಾಡ್‌ ಸದಸ್ಯ ರಾಷ್ಟ್ರಗಳ ಜೊತೆಗೆ ದ್ವಿಪಕ್ಷೀಯ ಸಂಬಂಧ ಮತ್ತಷ್ಟು ಗಟ್ಟಿಯಾಗಿದೆ. ಸದಸ್ಯ ರಾಷ್ಟ್ರಗಳ ಕಾರ್ಯತಂತ್ರಗಳು, ಪರಸ್ಪರ ಸಹಕಾರದಿಂದ ಈ ಕ್ವಾಡ್‌ ಸಂಘಟನೆಯು ಇನ್ನುಬಲಿಷ್ಠವಾಗಲಿದೆ ಎಂದು ಸಚಿವ ಜೈಶಂಕರ್‌ ಅವರು ತಿಳಿಸಿದ್ದಾರೆ. ಚೀನಾ ದೇಶವು ಈ ಪ್ರದೇಶದಲ್ಲಿ ತನ್ನ ಶಕ್ತಿಯನ್ನು ಮತ್ತಷ್ಟು ಬಲಿಸ್ತಗೊಳಿಸಲು ಪ್ರಯತ್ನಿಸುತ್ತಿರುವ ಹಿನ್ನಲೆಯಿಂದಾಗಿ ಕ್ವಾಡ್‌ ನಾಯಕರು ಈ ಸಭೆಯ ಮುಖಾಂತರ ಚೀನಾ ದೇಶಕ್ಕೆ ಸಂದೇಶವನ್ನು ನೀಡಿದ್ದಾರೆ.

* ಭಾರತ-ಆಸ್ಟ್ರೇಲಿಯಾ ವಿದೇಶಾಂಗ ಸಚಿವರ ಸಭೆಯು ಇದೇ ಫೆಬ್ರುವರಿ.12 ರಂದು ನಡೆಯಲಿದೆ.

ಈ ಸಭೆಯಲ್ಲಿ ಉಭಯ ದೇಶಗಳು ರಕ್ಷಣೆ ಹಾಗೂ ಭದ್ರತಾ ವಿಷಯ ಹಾಗೂ ಬಾಂಧವ್ಯದ ಬಗ್ಗೆ ಚರ್ಚಿಸಲಿವೆ ಎಂದಿದ್ದಾರೆ.

* ಚೀನಾ ದೇಶದ ಏಳಿಗೆಯನ್ನು ತಡೆಯುವ ಸಲುವಾಗಿಯೇ ಅಮೆರಿಕ, ಭಾರತ, ಜಪಾನ್‌ ಹಾಗೂ ಆಸ್ಟ್ರೇಲಿಯಾ 'ಕ್ವಾಡ್‌'ನ್ನು ನಿರ್ಮಿಸಿಕೊಂಡಿವೆ ಎಂದು ಚೀನಾ ಆರೋಪಿಸಿದೆ. ಅಷ್ಟೇ ಅಲ್ಲದೇ 'ಅಂತರರಾಷ್ಟ್ರೀಯ ಒಪ್ಪಂದ ಮತ್ತು ಸಹಕಾರವನ್ನು ದುರ್ಬಲಗೊಳಿಸುವ ನಿಟ್ಟಿನಲ್ಲಿ ಈ ಕ್ವಾಡ್ ಸಭೆಯನ್ನು ನಡೆಸಲಾಗಿದೆ ಎಂದು ಚೀನಾ ರಾಷ್ಟ್ರದ ವಿದೇಶಾಂಗ ಸಚಿವಾಲಯದ ವಕ್ತಾರರಾಗಿರುವ ಝಾವೊ ಲಿಜಿಯಾನ್ ಸುದ್ದಿಗೋಷ್ಠಿಯಲ್ಲಿ ಹೇಳಿಕೆ ನೀಡಿದ್ದಾರೆ.

* ಕ್ವಾಡ್ರಿಲ್ಯಾಟರಲ್ ಸೆಕ್ಯುರಿಟಿ ಡೈಲಾಗ್ (QSD) ಇದನ್ನು ಸಾಮಾನ್ಯವಾಗಿ ಕ್ವಾಡ್ ಎನ್ನಲಾಗುತ್ತದೆ. ಇದೊಂದು ಅಮೇರಿಕಾ, ಭಾರತ, ಜಪಾನ್ ಹಾಗೂ ಆಸ್ಟ್ರೇಲಿಯಾ ನಡುವಿನ ಕಾರ್ಯತಂತ್ರದ ಭದ್ರತಾ ಸಂವಾದವಾಗಿದೆ, ಈ ಸಭೆಯನ್ನು ಸದಸ್ಯ ರಾಷ್ಟ್ರಗಳ ನಡುವಿನ ಮಾತುಕತೆಗಳಿಂದ ನಿರ್ವಹಿಸಲಾಗುತ್ತದೆ. ಈ ಸಂವಾದವನ್ನು ಈ ಹಿಂದೆ 2007 ರಲ್ಲಿ ಜಪಾನಿನ ಪ್ರಧಾನಿ ಶಿಂಜೋ ಅಬೆ ಅವರು U.S. ಉಪಾಧ್ಯಕ್ಷ ಡಿಕ್ ಚೆನಿ, ಆಸ್ಟ್ರೇಲಿಯಾದ ಪ್ರಧಾನ ಮಂತ್ರಿ ಜಾನ್ ಹೊವಾರ್ಡ್ ಮತ್ತು ಭಾರತದ ಪ್ರಧಾನ ಮಂತ್ರಿ ಮನಮೋಹನ್ ಸಿಂಗ್ ಅವರ ಬೆಂಬಲದೊಂದಿಗೆ ಆರಂಭಿಸಲಾಗಿದೆ. ಈ ಸಂವಾದವು ಹೆಚ್ಚಿರುವ ಚೀನಾದ ಆರ್ಥಿಕ ಹಾಗೂ ಮಿಲಿಟರಿ ಆಕ್ರಮಣಕ್ಕೆ ಪ್ರತಿಕ್ರಿಯೆಯಾಗಿ ರಾಜತಾಂತ್ರಿಕ ಜೊತೆಗೆ ಮಿಲಿಟರಿ ವ್ಯವಸ್ಥೆಯನ್ನು ವ್ಯಾಪಕವಾಗಿ ವೀಕ್ಷಿಸಲಾಗುತ್ತದೆ ಎಂದಿದ್ದಾರೆ. 

* 2021 ರ ಮಾರ್ಚ್ ನಲ್ಲಿ 'ದಿ ಸ್ಪಿರಿಟ್ ಆಫ್ ದಿ ಕ್ವಾಡ್' ಎಂಬ ಜಂಟಿ ಹೇಳಿಕೆಯ ಜೊತೆಯಲ್ಲಿ, ಕ್ವಾಡ್ ಸದಸ್ಯರು ಉಚಿತ ಹಾಗೂ ಮುಕ್ತ ಇಂಡೋ-ಪೆಸಿಫಿಕ್‌ಗಾಗಿ ಹಂಚಿಕೆಯ ದೃಷ್ಟಿ ಮತ್ತು 'ಪೂರ್ವ ಹಾಗೂ ದಕ್ಷಿಣ ಚೀನಾ ಸಮುದ್ರಗಳಲ್ಲಿ ನಿಯಮ-ಆಧಾರಿತ ಕಡಲ ಆದೇಶವನ್ನು ವಿಸ್ತಾರವಾಗಿ ವಿವರಿಸಿದ್ದಾರೆ.