Job Description: ➤ ಚೀನಾದ ವಾಣಿಜ್ಯ ಸಚಿವಾಲಯವು (Ministry of Commerce) ಭಾರತದಿಂದ ಆಮದು ಮಾಡಿಕೊಳ್ಳಲಾಗುವ ಸಿಂಗಲ್-ಮೋಡ್ ಆಪ್ಟಿಕಲ್ ಫೈಬರ್ ಮೇಲಿನ ಆಂಟಿ-ಡಂಪಿಂಗ್ ಸುಂಕವನ್ನು ಮತ್ತಷ್ಟು ಐದು ವರ್ಷಗಳ ಕಾಲ ಮುಂದುವರಿಸಲು ನಿರ್ಧರಿಸಿದೆ. ಈ ಪರಿಷ್ಕೃತ ನಿರ್ಧಾರವು ಆಗಸ್ಟ್ 14, 2026 ರಿಂದ ಜಾರಿಗೆ ಬರಲಿದೆ.➤ ಕಳೆದ ಒಂದು ವರ್ಷದ ಹಿಂದೆ (ಆಗಸ್ಟ್ 2025 ರಲ್ಲಿ) ಆರಂಭಿಸಲಾಗಿದ್ದ 'ಸನ್‌ಸೆಟ್ ರಿವ್ಯೂ' (Sunset Review) ತನಿಖೆಯ ನಂತರ ಚೀನಾ ಸರ್ಕಾರ ಈ ನಿರ್ಧಾರಕ್ಕೆ ಬಂದಿದೆ. ಆಂಟಿ-ಡಂಪಿಂಗ್ ಕ್ರಮಗಳನ್ನು ರದ್ದುಗೊಳಿಸಿದರೆ, ಭಾರತೀಯ ಕಂಪನಿಗಳಿಂದ ಕಡಿಮೆ ದರದಲ್ಲಿ ಆಪ್ಟಿಕಲ್ ಫೈಬರ್ ಚೀನಾ ಮಾರುಕಟ್ಟೆಗೆ ಹರಿದುಬಂದು, ಅಲ್ಲಿನ ದೇಶೀಯ ಉದ್ಯಮಕ್ಕೆ ತೀವ್ರ ಹಾನಿಯಾಗಲಿದೆ ಎಂದು ತನಿಖೆಯಲ್ಲಿ ಹೇಳಲಾಗಿದೆ.➤ ಪ್ರಮುಖ ಭಾರತೀಯ ರಫ್ತುದಾರರು ಮತ್ತು ಸುಂಕದ ದರಗಳು (Tax Rates): ಸ್ಟರ್ಲೈಟ್ ಟೆಕ್ನಾಲಜೀಸ್ (Sterlite Technologies): 7.4% ಆಕ್ಟ್ ಆಪ್ಟಿಫೈಬರ್ (Aksh Optifibre): 30.6% ಫಿನೋಲೆಕ್ಸ್ ಕೇಬಲ್ಸ್ (Finolex Cables): 30.6% ಇತರ ಕಂಪನಿಗಳು: 30.6% ವರೆಗೆ ➤ ಹಿನ್ನೆಲೆ: ಮೊದಲ ಬಾರಿಗೆ ಸುಂಕ ವಿಧಿಸಿದ್ದು: ಆಗಸ್ಟ್ 2014 ರಲ್ಲಿ ಚೀನಾ ಪ್ರಥಮ ಬಾರಿಗೆ ಭಾರತೀಯ ಆಪ್ಟಿಕಲ್ ಫೈಬರ್ ಮೇಲೆ ಆಂಟಿ-ಡಂಪಿಂಗ್ ಸುಂಕ ವಿಧಿಸಿತು. ಮೊದಲ ವಿಸ್ತರಣೆ: 2020 ರಲ್ಲಿ ಸುಂಕದ ಅವಧಿಯನ್ನು ಮತ್ತೊಮ್ಮೆ 5 ವರ್ಷಗಳಿಗೆ ವಿಸ್ತರಿಸಲಾಯಿತು. ಪ್ರಸ್ತುತ ನಿರ್ಧಾರ: 2025 ರಲ್ಲಿ ನಡೆಸಿದ 'ಸನ್‌ಸೆಟ್ ರಿವ್ಯೂ' ಆಧಾರದ ಮೇಲೆ, 2026 ರ ಆಗಸ್ಟ್ 14 ರಿಂದ ಅನ್ವಯವಾಗುವಂತೆ ಇನ್ನು 5 ವರ್ಷಗಳ ಕಾಲ (2031 ರವರೆಗೆ) ಸುಂಕವನ್ನು ಮುಂದುವರಿಸಲಾಗಿದೆ.
