Job Description: ➤ ಕೇಂದ್ರ ಸಚಿವ ಸಂಪುಟವು ಭಾರತದ ಕ್ರೀಡಾ ಕ್ಷೇತ್ರದಲ್ಲಿ ಮಹತ್ತರ ಕ್ರಾಂತಿಗೆ ನಾಂದಿ ಹಾಡುವ ನಿಟ್ಟಿನಲ್ಲಿ ₹36,441 ಕೋಟಿ ವೆಚ್ಚದ ಬೃಹತ್ ಕ್ರೀಡಾ ಉತ್ತೇಜನ ಯೋಜನೆಗೆ ಅನುಮೋದನೆ ನೀಡಿದೆ. ➤ ಬಜೆಟ್ ವಿಭಜನೆ ಮತ್ತು ಕಾಲಮಿತಿ: ಕೇಂದ್ರ ಕ್ರೀಡಾ ಸಚಿವಾಲಯದ ಅಡಿಯಲ್ಲಿ ಈ ಯೋಜನೆಯನ್ನು ಮುಂದಿನ 5 ವರ್ಷಗಳಿಗೆ (2026-31) ಜಾರಿಗೊಳಿಸಲಾಗುತ್ತಿದೆ. ಖೇಲೋ ಇಂಡಿಯಾ (Khelo India Scheme): ಕ್ರೀಡಾ ಮೂಲಸೌಕರ್ಯ, ಮೂಲಭೂತ ಹಂತದ (Grassroots) ಪ್ರತಿಭೆಗಳ ಶೋಧ ಮತ್ತು ತರಬೇತಿಗೆ ₹29,054 ಕೋಟಿ ಮೀಸಲಿಡಲಾಗಿದೆ. (ಇದು ಹಿಂದಿನ ಯೋಜನೆಯ ಆಯವ್ಯಯಕ್ಕಿಂತ ಸುಮಾರು 8 ಪಟ್ಟು ಹೆಚ್ಚು). ರಾಷ್ಟ್ರೀಯ ಕ್ರೀಡಾ ಒಕ್ಕೂಟಗಳಿಗೆ ನೆರವು (ANSF): ಕ್ರೀಡಾಪಟುಗಳ ತರಬೇತಿ, ವಿದೇಶಿ ತರಬೇತುದಾರರ ನೇಮಕ, ಆಧುನಿಕ ಉಪಕರಣಗಳು ಮತ್ತು ಅಂತಾರಾಷ್ಟ್ರೀಯ ಪಂದ್ಯಾವಳಿಗಳಲ್ಲಿ ಭಾಗವಹಿಸಲು ₹7,387 ಕೋಟಿ ಒದಗಿಸಲಾಗಿದೆ. ➤ ಶಾಲಾ ಹಂತದ ಹೊಸ ಕ್ರೀಡಾ ಉಪಕ್ರಮಗಳು: ಶಾಲಾ ಶಿಕ್ಷಣದೊಂದಿಗೆ ಕ್ರೀಡೆಯನ್ನು ಸಂಯೋಜಿಸಲು ಮತ್ತು ಆರಂಭಿಕ ಹಂತದಲ್ಲೇ ಪ್ರತಿಭೆಗಳನ್ನು ಗುರುತಿಸಲು ಎರಡು ಹೊಸ ಯೋಜನೆಗಳನ್ನು ಪ್ರಾರಂಭಿಸಲಾಗಿದೆ: ಖೇಲೋ ಇಂಡಿಯಾ ಫೀಡರ್ ಸ್ಕೂಲ್ಸ್ (KIFS): ಆರಂಭಿಕ ಹಂತದಲ್ಲೇ ಕ್ರೀಡಾ ಪ್ರತಿಭೆಗಳನ್ನು ಗುರುತಿಸುವುದು. ಖೇಲೋ ಇಂಡಿಯಾ ಉತ್ಕೃಷ್ಟ ವಿದ್ಯಾಲಯಗಳು (KIUV): ರಾಷ್ಟ್ರೀಯ ಶಿಕ್ಷಣ ನೀತಿ (NEP 2020) ಗೆ ಅನುಗುಣವಾಗಿ ಸಾಮಾನ್ಯ ಶಿಕ್ಷಣದೊಂದಿಗೆ ಕ್ರೀಡಾ ತರಬೇತಿಯನ್ನು ನೀಡುವ ಮಾದರಿ ಶಾಲೆಗಳು. ➤ 'Emerging Khelo India Athletes (E-KIAs)' ವರ್ಗ: ಪ್ರಸ್ತುತ ಚಾಲ್ತಿಯಲ್ಲಿರುವ ಖೇಲೋ ಇಂಡಿಯಾ ಅಥ್ಲೀಟ್ ವ್ಯವಸ್ಥೆಯ ಜೊತೆಗೆ E-KIAs ಎಂಬ ಹೊಸ ವಿಭಾಗವನ್ನು ಸೇರಿಸಲಾಗಿದೆ. ಇದರಿಂದಾಗಿ ತರಬೇತಿ ಹಾಗೂ ವೈಜ್ಞಾನಿಕ ಬೆಂಬಲ ಪಡೆಯುವ ಯುವ ಕ್ರೀಡಾಪಟುಗಳ ಸಂಖ್ಯೆ 10 ಪಟ್ಟು ಹೆಚ್ಚಾಗಲಿದೆ. ➤ ಏಕೀಕೃತ ಡಿಜಿಟಲ್ ಕ್ರೀಡಾ ವೇದಿಕೆ: ಪಾರದರ್ಶಕ ಆಡಳಿತ ಮತ್ತು ದತ್ತಾಂಶ ಆಧಾರಿತ ಕ್ರೀಡಾಪಟುಗಳ ಪ್ರಗತಿಗಾಗಿ ಡಿಜಿಟಲ್ ವೇದಿಕೆಯನ್ನು ರೂಪಿಸಲಾಗುತ್ತಿದೆ. ಕ್ರೀಡಾಪಟುಗಳ ಡೇಟಾಬೇಸ್, ಮೂಲಸೌಕರ್ಯಗಳ ಲಭ್ಯತೆ. ಫಿಟ್ ಇಂಡಿಯಾ (Fit India) ಭಾಗವಹಿಸುವಿಕೆ ಮತ್ತು ಆನ್‌ಲೈನ್ ಟ್ಯಾಲೆಂಟ್ ಅಸೆಸ್‌ಮೆಂಟ್. ➤ ವಿಶೇಷ ಆದ್ಯತೆಯ ಕ್ಷೇತ್ರಗಳು: ಮಹಿಳಾ ಮತ್ತು ಪ್ಯಾರಾ-ಅಥ್ಲೀಟ್‌ಗಳಿಗೆ ಹೆಚ್ಚಿನ ಪ್ರಾತಿನಿಧ್ಯ. ದೇಶೀಯ/ಪರಂಪರಾಗತ ಕ್ರೀಡೆಗಳಿಗೆ (Indigenous Sports) ಪ್ರೋತ್ಸಾಹ ಹಾಗೂ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಗುರುತಿಸುವಿಕೆ. ಗ್ಲೋಬಲ್ ಸೌತ್ (Global South) ದೇಶಗಳೊಂದಿಗೆ ಕ್ರೀಡಾ ಸಹಕಾರ.
