* ಜಾಗತಿಕ ನಾಗರಿಕ ಸಮಾಜವಾದ ಟ್ರಾನ್ಸ್‌ಪರೆನ್ಸಿ ಇಂಟರ್‌ನ್ಯಾಷನಲ್ ಬಿಡುಗಡೆ ಮಾಡಿದ 2023ನೇ ಸಾಲಿನ ವಾರ್ಷಿಕ ಸೂಚ್ಯಂಕವಾದ ಭ್ರಷ್ಟಾಚಾರ ಗ್ರಹಿಕೆ ಸೂಚ್ಯಂಕ (ಸಿಪಿಐ) ಪಟ್ಟಿಯಲ್ಲಿ ಭಾರತಕ್ಕೆ 93ನೇ ಸ್ಥಾನದಲ್ಲಿದೆ. 
* 180 ದೇಶಗಳ ಪೈಕಿ ಭಾರತ, ಮಾಲ್ಡೀವ್ಸ್, ಕಝಾಕಿಸ್ತಾನ್ ಮತ್ತು ಲೆಸೊಥೋ ಸೇರಿದಂತೆ ಐದು ದೇಶಗಳು 93 ನೇ ಸ್ಥಾನ ಹಂಚಿಕೊಂಡಿದೆ. 2022 ರಲ್ಲಿ, ಭಾರತವು 85 ನೇ ಸ್ಥಾನದಲ್ಲಿತ್ತು.
* ಒಟ್ಟು 100 ಅಂಕಗಳ ಪೈಕಿ ಭಾರತವು ಒಟ್ಟಾರೆಯಾಗಿ 40 ಅಂಕಗಳನ್ನು ಪಡೆದಿದೆ.
* ತಜ್ಞರು ಮತ್ತು ಉದ್ದಿಮೆದಾರರು ಕಂಡಂತೆ 180 ದೇಶಗಳ ಸಾರ್ವಜನಿಕ ವಲ - ಯದ ಭ್ರಷ್ಟಾಚಾರದ ಗ್ರಹಿಕೆಯ ಮಟ್ಟವನ್ನು ಸೂಚ್ಯಂಕ ತಿಳಿಸುತ್ತದೆ. ಸೂಚ್ಯಂಕದಲ್ಲಿ = ಸೊನ್ನೆಯಿಂದ 100 ರವರೆಗಿನ ಮಾಪನ ಬಳಸಲಾಗಿದ್ದು, ಸೊನ್ನೆ ಅಂಕ ಪಡೆದ " ದೇಶ ಅತ್ಯಂತ ಭ್ರಷ್ಟ ಎಂದು, 100 ಅಂಕ ಪಡೆದ ರಾಷ್ಟ್ರ ಭ್ರಷ್ಟಾಚಾರರಹಿತವೆಂದು ಹೇಳಲಾಗುತ್ತದೆ.
* ಭಾರತದ ಅಂಕಗಳಲ್ಲಿ ಸಣ್ಣ ಪ್ರಮಾಣದ ಏರಿಳಿತ ಕಂಡುಬಂದಿದ್ದು, ಮಹತ್ವದ ಬದಲಾವಣೆಯ ಬಗ್ಗೆ ಯಾವ ತೀರ್ಮಾನಕ್ಕೂ ಬರಲಾಗುತ್ತಿಲ್ಲ. ಆದರೂ, ದೇಶದಲ್ಲಿ ಚುನಾವಣೆ ಸಮೀಪಿಸುತ್ತಿರುವ ಹೊತ್ತಿನಲ್ಲಿ ದೂರಸಂಪರ್ಕ ಮಸೂದೆಯಂಥ ಕ್ರಮಗಳ ಮೂಲಕ ಜನರ ಮೂಲಭೂತ ಹಕ್ಕುಗಳಿಗೆ ಬೆದರಿಕೆಯೊಡ್ಡಿ ಮುಕ್ತ ವಾತಾವರಣಕ್ಕೆ ಧಕ್ಕೆ ತರಲಾಗುತ್ತಿದೆ ಎಂದು ವರದಿ ಉಲ್ಲೇಖಿಸಿದೆ.
* ದಕ್ಷಿಣ ಏಷ್ಯಾದ ರಾಷ್ಟ್ರಗಳ ಪೈಕಿ ಪಾಕಿಸ್ತಾನ ಮತ್ತು ಶ್ರೀಲಂಕಾ ತಮ್ಮ ರಾಜಕೀಯ ಅಸ್ಥಿರತೆ ಮತ್ತು ಸಾಲದ ಕಾರಣದಿಂದಾಗಿ ಕ್ರಮವಾಗಿ 133 ಮತ್ತು 115ನೇ ಸ್ಥಾನ . ಪಡೆದಿವೆ. ಬಾಂಗ್ಲಾ ದೇಶ 149 ಸ್ಥಾನ ಪಡೆದಿದ್ದರೆ, 37 ಲಕ್ಷ ಭ್ರಷ್ಟ ಅಧಿಕಾರಿಗಳ ವಿರುದ್ಧ ಕಠಿಣ ಕ್ರಮ ಜರುಗಿಸಿ ಸುದ್ದಿಯಾಗಿದ್ದ ಚೀನಾ 76ನೇ ಸ್ಥಾನ ಪಡೆದಿದೆ.