* ಶ್ರೀಲಂಕಾದ ರಂಗಿರಿ ದಂಬುಲ್ಲಾ ಅಂತಾರಾಷ್ಟ್ರೀಯ ಮೈದಾನದಲ್ಲಿ ಜುಲೈ 28 ರಂದು ನಡೆದ ಮಹಿಳಾ ಟಿ 20 ಏಷ್ಯಾಕಪ್ ಕ್ರಿಕೆಟ್ ಟೂರ್ನಿಯ ಪಂದ್ಯದಲ್ಲಿ ಶ್ರೀಲಂಕಾ ತಂಡ ಭಾರತ ವಿರುದ್ಧ 8 ವಿಕೆಟ್‌ಗಳ ಜಯ ಸಾಧಿಸಿದೆ.
* ಟಾಸ್​ ಗೆದ್ದು ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡ ಭಾರತ ತಂಡ, ಸ್ಮೃತಿ ಮಂದಾನ (69), ರೋಡ್ರಿಗಾಸ್​, ರಿಚಾ ಘೋಷ್ ಹೊರತುಪಡಿಸಿ ಯಾವೊಬ್ಬ ಬ್ಯಾಟರ್​ಗಳು ಉತ್ತಮ ಪ್ರದರ್ಶನ ತೋರಲು ಸಾಧ್ಯವಾಗಲಿಲ್ಲ.
* ಶ್ರೀಲಂಕಾ ಪರ ಬ್ಯಾಟ್ ಮಾಡಿದ ಚಾಮರಿ ಅಟಪಟ್ಟು 43 ಎಸೆತಗಳಲ್ಲಿ  61 ರನ್​ ಗಳಿಸಿದರೇ, ಹರ್ಷಿತಾ ಸಮರವಿಕ್ರಮ 51 ಎಸೆತಗಳಲ್ಲಿ 69 ರನ್ ಹಾಗೂ ಕವಿಶಾ ದಿಲ್ಹಾರಿ 16 ಎಸೆತಗಳಲ್ಲಿ 30 ರನ್ ಗಳಿಸಿ ಅಜೇಯ ಇನಿಂಗ್ಸ್ ಆಡಿ ತಂಡದ ಗೆಲುವಿನಲ್ಲಿ ಪ್ರಮುಖ ಮಾತ್ರ ವಹಿಸಿದರು.
* ​ಆರಂಭಿಕರಾಗಿ ಕಣಕ್ಕಿಳಿದಿದ್ದ ಸ್ಮೃತಿ ಮಂದಾನ 47 ಎಸೆತಗಳಲ್ಲಿ ಆಕರ್ಷಕ ಅರ್ಧಶತಕ ಪೂರೈಸಿದರು. ಮಧ್ಯಮ ಕ್ರಮಾಂಕದಲ್ಲಿ ರೋಡ್ರಿಗಾಸ್​ 29, ರಿಚಾ ಘೋಷ್​ 30 ರನ್​ಗಳ ಕೊಡುಗೆ ನೀಡಿದರು. ಉಳಿದಂತೆ ಶೆಫಾಲಿ (16), ಉಮಾ ಚೆಟ್ರಿ (9), ಹರ್ಮನ್​ಪ್ರೀತ್​ ಕೌರ್ (11), ಪೂಜಾ ವಸ್ತ್ರಾಕರ್​ (5), ರಾಧ ಯಾದವ್​ (1) ಹೇಳಿಕೊಳ್ಳವಂತಹ ಪ್ರದರ್ಶನ ತೋರಲಿಲ್ಲ. ಬೌಲಿಂಗ್​ನಲ್ಲಿ ಶ್ರೀಲಂಕಾ ಪರ ಕವಿಶಾ ದಿಲ್ಹಾರಿ 2 ವಿಕೆಟ್​ ಪಡೆದು ಮಿಂಚಿದರು.
* ಭಾರತ ಮಹಿಳೆಯರಿಗೆ 9 ಆವೃತ್ತಿಗಳಲ್ಲಿ ಇದು ಫೈನಲ್‌ನಲ್ಲಿ  ಎದುರಾದ ಎರಡನೇ ಸೋಲು. 2018ರ ಆವೃತ್ತಿಯಲ್ಲಿ ಮೊದಲ ಸಲ ಬಾಂಗ್ಲಾದೇಶ ಎದುರು ಫೈನಲ್‌ನಲ್ಲಿ ಸೋತಿತ್ತು. ಭಾರತ ಈ ಟೂರ್ನಿಯಲ್ಲಿ ಏಳು ಬಾರಿ ಚಾಂಪಿಯನ್ ಆಗಿದೆ.