* ‘ಅಭಿವೃದ್ಧಿ ಹೊಂದಿದ ಭಾರತ ಮತ್ತು ಭಾರತ - ಪ್ರಜಾಪ್ರಭುತ್ವದ ಮಾತೃಪ್ರಧಾನ’ ಎಂಬ ವಿಷಯದೊಂದಿಗೆ, ಇಂದು ಕರ್ತವ್ಯ ಪಥದಲ್ಲಿ ನಡೆಯುತ್ತಿರುವ 75 ನೇ ಗಣರಾಜ್ಯೋತ್ಸವ ಪರೇಡ್ ಮಹಿಳಾ ಕೇಂದ್ರಿತವಾಗಿ ನಡೆಯುತ್ತಿದೆ.
* ರಾಷ್ಟ್ರ ರಾಜಧಾನಿ ನವದೆಹಲಿಯಲ್ಲಿ 75ನೇ ಗಣರಾಜ್ಯೋತ್ಸವ ಪ್ರಯುಕ್ತ ರಾಷ್ಟ್ರಪತಿ ದೌಪದಿ ಮುರ್ಮು ಅವರು 2ನೇ ಬಾರಿ ಧ್ವಜಾರೋಹಣ ನೆರವೇರಿಸಿ, 21 ಸುತ್ತು ಗನ್ ಸೆಲ್ಯೂಟ್ ಜತೆಗೆ ಭೂ, ವಾಯು, ನೌಕಾಸೇನೆಗಳಿಂದ ಗೌರವ ವಂದನೆ ಸ್ವೀಕರಿಸಿದರು.
* ಕರ್ತವ್ಯ ಪಥದಲ್ಲಿ ನಡೆದ ಪಥಸಂಚಲನದಲ್ಲಿ ಮೊದಲ ಬಾರಿಗೆ ಹಲವಾರು ತುಕಡಿ ಮತ್ತು ಅರೆಸೇನಾ ಪಡೆಗಳನ್ನು ಮಹಿಳೆಯರು ಮುನ್ನಡೆಸಿದ್ದು ನಾರಿಯರ ಸಬಲೀಕರಣದ ಶಕ್ತಿ ಅನಾವರಣವಾಗಿದೆ. 
* ಸ್ವದೇಶಿ ನಿರ್ಮಿತ ಶಸ್ತ್ರಾಸ್ತ್ರಗಳು, ಕ್ಷಿಪಣಿಗಳು, ಡೋನ್ ಜಾಮರ್‌ಗಳ ಮೂಲಕ ಭದ್ರತಾ ಪಡೆಗಳು ಭಾರತದ ಶಕ್ತಿಯನ್ನು ಜಗತ್ತಿಗೆ ಪ್ರದರ್ಶಿಸಿದವು. ಹೆಲಿಕಾಪ್ಟರ್‌ಗಳು ಪ್ರೇಕ್ಷಕರ ಮೇಲೆ ಪುಷ್ಪವೃಷ್ಟಿ ನಡೆಸಿದವು. ಫ್ರೆಂಚ್ ಸೇನಾ ತಂಡದಿಂದಲೂ ಮಾರ್ಚ್‌ಪಾಸ್ಟ್ ಹಾಗೂ ಬ್ಯಾಂಡ್ ಪ್ರದರ್ಶನ ನಡೆಯಿತು.
* ಫ್ರಾನ್ಸ್ ಅಧ್ಯಕ್ಷ ಇಮ್ಯಾನುಯೆಲ್ ಮ್ಯಾಕ್ರನ್ ಮುಖ್ಯ ಅತಿಥಿಯಾಗಿ ಆಗಮಿಸಿದ್ದರು. ಪ್ರಧಾನಿ ನರೇಂದ್ರ ಮೋದಿ ಅವರು ಉಪರಾಷ್ಟ್ರಪತಿ, ಕೇಂದ್ರ ಸಚಿವರು, ದೇಶ ಹಾಗೂ ವಿದೇಶ ಈ ಗಣ್ಯರು ಭಾಗಿಯಾಗಿದ್ದರು. 
* 90 ನಿಮಿಷಗಳ ಕಾಲ ನಡೆದ ಪರೇಡ್‌ನಲ್ಲಿ 16 ರಾಜ್ಯ, 4 ಕೇಂದ್ರಾಡಳಿತ ಪ್ರದೇಶ, 9 ಸಚಿವಾಲಯಗಳು ಹಾಗೂ ವಿವಿಧ ಸಂಸ್ಥೆಗಳ 25 ಸ್ತಬ್ಧಚಿತ್ರಗಳನ್ನು ಪ್ರದರ್ಶನ ಮಾಡಲಾಯಿತು. ಇತರ ರಾಜ್ಯಗಳಿಗೂ ಅವಕಾಶ ಒದಗಿಸುವ ನಿಟ್ಟಿನಲ್ಲಿ ಈ ಬಾರಿ ಕರ್ನಾಟಕದ ಸ್ತಬ್ಧಚಿತ್ರಕ್ಕೆ ಅವಕಾಶವಿರಲಿಲ್ಲ. 
* ಭಾರತ ಮತ್ತು ಫ್ರಾನ್ಸ್ ಸಂಬಂಧ ಬಲಪಡಿಸುವ ನಿಟ್ಟಿನಲ್ಲಿ ಇಮ್ಯಾನುಯೆಲ್ ಮ್ಯಾಕ್ಷನ್, 2030ರ ವೇಳೆಗೆ 30,000 ಕ್ಕೂ ಅಧಿಕ ಭಾರತೀಯ ವಿದ್ಯಾರ್ಥಿಗಳಿಗೆ ‫        ಫ್ರಾನ್ಸ್‌ನಲ್ಲಿ ಉನ್ನತ ವ್ಯಾಸಂಗ ಮಾಡಲು ವೀಸಾ ವಿತರಿಸಲಾಗುವುದು.
* ಭಾರತೀಯ ವಾಯುಪಡೆಯ ವಿಮಾನಗಳ ಜೊತೆಗೆ, ಮಲ್ಟಿ ರೋಲ್ ಟ್ಯಾಂಕರ್ ಟ್ರಾನ್ಸ್‌ಪೋರ್ಟ್ (MRTT) ವಿಮಾನ ಮತ್ತು ಫ್ರೆಂಚ್ ವಾಯುಪಡೆಯ ಎರಡು ರಫೇಲ್ ಫೈಟರ್ ಜೆಟ್‌ಗಳು ಫ್ಲೈ-ಪಾಸ್ಟ್‌ನಲ್ಲಿ ಭಾಗವಹಿಸಲಿವೆ. ಈ ಬಾರಿ ಗಣರಾಜ್ಯೋತ್ಸವದ ಮುಖ್ಯ ಅತಿಥಿಯಾಗಿ ಫ್ರೆಂಚ್ ಅಧ್ಯಕ್ಷ ಎಮ್ಯಾನುಯೆಲ್ ಮ್ಯಾಕ್ರನ್ ಆಗಮಿಸಿದ್ದಾರೆ.
* ಕರ್ತವ್ಯ ಪಥದಲ್ಲಿ 265 ಮಹಿಳೆಯರು ಬೈಕ್‌ನಲ್ಲಿ ಮೈನವಿರೇಳಿಸುವ ವಿವಿಧ ಸಾಹಸಗಳನ್ನು ಪ್ರದರ್ಶಿಸಿದರು. ಸಾಂಪ್ರದಾಯಿಕ ಮಿಲಿಟರಿ ಬ್ಯಾಂಡ್ ಬದಲಾಗಿ 100ಕ್ಕೂ ಅಧಿಕ ಸ್ತ್ರೀಯರು ಶಂಖ, ನಾದ ಸ್ವರ ಸೇರಿ ವಿವಿಧ ಭಾರತೀಯ ಸಂಗೀತ ವಾದ್ಯಗಳನ್ನು ನುಡಿಸಿದರು.
*  15 ಪೈಲಟ್‌ಗಳು ಪ್ರೈ ಫಾಸ್ಟ್ ನಲ್ಲಿ ಪಾಲ್ಗೊಂಡು ಆಗಸದಲ್ಲಿ ಸ್ತ್ರೀಶಕ್ತಿ ಪ್ರದರ್ಶಿಸಿದರು. ಕೇಂದ್ರ ಸಶಸ್ತ್ರ ಪೊಲೀಸ್ ಪಡೆಯ ಮಹಿಳಾ ಸಿಬ್ಬಂದಿ ಏಕತೆ ಸಂದೇಶ ಸಾರಿದರು. ನಂತರ ಸಿಆರ್‌ಪಿಎಫ್, ಬಿಎಸ್‌ಎಫ್ ಮತ್ತು ಎಸ್‌ಎಸ್‌ಬಿ ಸಿಬ್ಬಂದಿ ಯೋಗ ಹಾಗೂ ಸಿಟಿ ಅಮನ್‌ದೀಪ್ ಕೌರ್ ಜತೆಗೆ ಇತರ 25 ಮಹಿಳೆಯರು ಸರ್ವತ್ರ ಸುರಕ್ಷಾ ಸಾಹಸ ಪ್ರದರ್ಶಿಸಿದರು. 
* ಅಗ್ನಿವೀರರ ತಂಡ "ನಾರಿಶಕ್ತಿ ಮತ್ತು "ಸ್ವದೇಶೀಕರಣದ ಮೂಲಕ ಸಾಗರಗಳಲ್ಲಿ ನೌಕಾ ಶಕ್ತಿ' ಎಂಬ ಥೀಮ್‌ನಡಿ ಹೆಜ್ಜೆ ಹಾಕಿತು.
* ನೆಲ, ವಾಯು, ಸಮುದ್ರ, ಸೈಬರ್ ಮತ್ತು ಬಾಹ್ಯಾಕಾಶದಲ್ಲಿ ರಕ್ಷಣ ಕವಚವಾಗಿ ದೇಶವನ್ನು ರಕ್ಷಿಸುತ್ತಿರುವ ಮಹಿಳಾ ಶಕ್ತಿ ಎಂಬ ಧೀಮ್‌ನಲ್ಲಿ ರಕ್ಷಣ ಸಂಶೋಧನೆ ಮತ್ತು ಅಭಿವೃದ್ಧಿ ಸಂಸ್ಥೆ(ಡಿಆರ್‌ಡಿಒ) ಸ್ತಬ್ಧಚಿತ್ರ ರೂಪಿಸಿತ್ತು.