* 'ಎವರೆಸ್ಟ್ ಮ್ಯಾನ್' ಎಂದೇ ಹೆಸರಾಗಿರುವ ನೇಪಾಳದ 54 ವರ್ಷದ ಪರ್ವತಾರೋಹಿ ಕಾಮಿ ರಿಟಾ ಶೆರ್ಪಾ ಅವರು ವಿಶ್ವದ ಅತಿ ಎತ್ತರದ ಶಿಖರ 'ಮೌಂಟ್‌ ಎವರೆಸ್ಟ್‌' ಅನ್ನು 30ನೇ ಬಾರಿಗೆ ಏರುವ ಮೂಲಕ ಹೊಸ ದಾಖಲೆ ಬರೆದಿದ್ದಾರೆ. 
* ಕೇವಲ ದಿನಗಳ 10 ಹಿಂದ ಅಂದರೆ ಇದೆ ತಿಂಗಳ ಮೇ 12ರಂದು ಎವರೆಸ್ಟ್‌ ಏರಿದ್ದ ಕಾಮಿ ರಿಟಾ ಶೆರ್ಪಾ, ಈಗ ಮತ್ತೆ ಎವರೆಸ್ಟ್‌ ಏರಿ ಹೊಸ ದಾಖಲೆ ಸೃಷ್ಟಿಸಿದ್ದಾರೆ. ಒಂದೇ ತಿಂಗಳಲ್ಲಿ ಎರಡನೇ ಬಾರಿಗೆ ಎವರೆಸ್ಟ್‌ ಏರಿದ ಹೆಗ್ಗಳಿಕೆಗೂ ಕಾಮಿ ರಿಟಾ ಪಾತ್ರರಾಗಿದ್ದಾರೆ. ಶೆರ್ಪಾ ಅವರು ತಮ್ಮ ಹಿಂದಿನ ದಾಖಲೆಯನ್ನು ಕೇವಲ ಹತ್ತು ದಿನಗಳಲ್ಲಿ ತಾವೇ ಮುರಿದಿದ್ದಾರೆ. 
*  71 ವರ್ಷಗಳ ಸಾಗರಮಾತಾ ಚಾರಣ ಇತಿಹಾಸದಲ್ಲಿ, ಜಗತ್ತನ ಅತ್ಯಂತ ಎತ್ತರದ ಪರ್ವತವನ್ನು ಅತಿ ಹೆಚ್ಚು ಬಾರಿ ಹತ್ತಿದ ದಾಖಲೆ ಕಾಮಿ ರಿಟಾ ಪಾಲಾಗಿದೆ. 
* 1994ರಲ್ಲಿ ಮೊದಲ ಬಾರಿಗೆ ಮೌಂಟ್‌ ಎವರೆಸ್ಟ್‌ ಅನ್ನು ಕಾಮಿ ಚಾರಣ ಮಾಡಿದ್ದರು. ಕಳೆದ ವರ್ಷ ಎರಡು ಬಾರಿಗೆ ಚಾರಣಕ್ಕೆ ಯತ್ನಿಸಿ ಯಶಸ್ವಿಯಾಗಿದ್ದರು. ಸೆವೆನ್‌ ಸಮಿಟ್‌ ಟ್ರೆಕ್ಸ್‌ನಲ್ಲಿ ಕಾಮಿ ಅವರು ಪರ್ವತಾರೋಹಿಗಳಿಗೆ ಮಾರ್ಗದರ್ಶಕರಾಗಿ ಹಲವು ವರ್ಷಗಳಿಂದ ಕಾರ್ಯನಿರ್ವಹಿಸುತ್ತಿದ್ದಾರೆ. 1970ರ ಜನವರಿ 17ರಲ್ಲಿ ಜನಿಸಿದ ಕಾಮಿ ರಿಟಾ ಅವರು 1992ರಿಂದ ಪರ್ವತಾರೋಹಣ ಸಾಹಸದಲ್ಲಿ ತೊಡಗಿಸಿಕೊಂಡಿದ್ದಾರೆ. ಎವರೆಸ್ಟ್‌ ಅಲ್ಲದೆಯೇ ಮೌಂಟ್‌ ಕೆ2, ಛೋ ಒಯು, ಲ್ಹೊತ್ಸೆ ಹಾಗೂ ಮನಾಸ್ಲು ಶಿಖರಗಳನ್ನು ಕೂಡ ಅವರು ಏರಿದ್ದಾರೆ.