* ವಿವಿಧ ವಿಭಾಗಗಳಲ್ಲಿ ಪ್ರಶಸ್ತಿ ಪುರಸ್ಕೃತ ನಗರಗಳ ಪಟ್ಟಿಯನ್ನು ಕೇಂದ್ರದ ವಸತಿ ಹಾಗೂ ನಗರ ವ್ಯವಹಾರಗಳ ಸಚಿವಾಲಯವು ಇದೀಗ ಬಿಡುಗಡೆ ಮಾಡಿದೆ. 
* ಕೇಂದ್ರದ ವಸತಿ ಹಾಗೂ ನಗರ ವ್ಯವಹಾರಗಳ ಸಚಿವಾಲಯ ನೀಡುವ 2022ನೇ ಸಾಲಿನ 'ಅತ್ಯುತ್ತಮ ರಾಷ್ಟ್ರೀಯ ಸ್ಮಾರ್ಟ್‌ ಸಿಟಿ ಪ್ರಶಸ್ತಿ'ಗೆ ಮಧ್ಯಪ್ರದೇಶದ ಇಂದೋರ್ ಆಯ್ಕೆಯಾಗಿದ್ದು. ದೇಶದಲ್ಲೇ 2ನೇ ಸ್ಮಾರ್ಟ್‌ ಸಿಟಿ ಎಂಬ ಹೆಗ್ಗಳಿಕೆಗೆ ಗುಜರಾತ್‌ನ ಸೂರತ್‌ ಮತ್ತು 3ನೇ ಸ್ಥಾನವನ್ನು ಉತ್ತರಪ್ರದೇಶದ ಆಗ್ರಾ ಪಡೆದಿದುಕೊಂಡಿವೆ. 
* ಕರ್ನಾಟಕದ ಮೂರು ನಗರಗಳು ಪ್ರಶಸ್ತಿಗೆ ಪಾತ್ರವಾಗಿವೆ. 
- ನಗರ ಪರಿಸರ ವಿಭಾಗದಲ್ಲಿ ಶಿವಮೊಗ್ಗ ನಗರವು (ಕನ್ಸರ್ವೆನ್ಸಿಗಳ ಅಭಿವೃದ್ಧಿ) ಪ್ರಶಸ್ತಿಗೆ ಆಯ್ಕೆಯಾಗಿದೆ.
- ಇನ್ನೋವೇಟಿಂಗ್‌ ಇಂಡಿಯಾ ಪ್ರಶಸ್ತಿಗೆ (ನವೀನ ಕಲ್ಪನೆ ಪ್ರಶಸ್ತಿ) ಹುಬ್ಬಳ್ಳಿ-ಧಾರವಾಡ ಭಾಜನವಾಗಿದೆ. 
-  ದಕ್ಷಿಣ ವಲಯದಲ್ಲಿ ಝೋನಲ್‌ ಬೆಸ್ಟ್‌ ಸ್ಮಾರ್ಟ್‌ ಸಿಟಿ ಪ್ರಶಸ್ತಿಗೆ ಬೆಳಗಾವಿ ಆಯ್ಕೆಯಾಗಿದೆ.
* ಸ್ಮಾರ್ಟ್‌ ಸಿಟಿ ಮಿಷನ್‌ ಅಡಿಯಲ್ಲಿ ವಿಶಿಷ್ಟ ಅಭಿವೃದ್ಧಿ ಕಾಮಗಾರಿಗಳನ್ನು ಜಾರಿ ಮಾಡಿದ ಹಿನ್ನೆಲೆಯಲ್ಲಿ ಮಧ್ಯಪ್ರದೇಶಕ್ಕೆ 'ಬೆಸ್ಟ್‌ ಸ್ಟೇಟ್‌ ಅವಾರ್ಡ್‌' (ಉತ್ತಮ ರಾಜ್ಯ) ಸಿಕ್ಕಿದೆ. 2022ರ ಸ್ವಚ್ಛ ಸರ್ವೇಕ್ಷಣ ಯೋಜನೆ ಅಡಿಯಲ್ಲಿ ಸ್ವಚ್ಛ ರಾಜ್ಯ ಎಂಬ ಹೆಗ್ಗಳಿಕೆಗೆ ಮಧ್ಯಪ್ರದೇಶ ಪಾತ್ರವಾಗಿತ್ತು. ಉತ್ತಮ ರಾಜ್ಯಗಳ ಪಟ್ಟಿಯಲ್ಲಿ ತಮಿಳುನಾಡು 2ನೇ ಸ್ಥಾನ, ರಾಜಸ್ಥಾನ ಮತ್ತು ಉತ್ತರಪ್ರದೇಶ 3ನೇ ಸ್ಥಾನವನ್ನು ಹಂಚಿಕೊಂಡಿವೆ.
* ಕೇಂದ್ರಾಡಳಿತ ಪ್ರದೇಶಗಳ ಪೈಕಿ 'ಬೆಸ್ಟ್‌ ಯೂನಿಯನ್‌ ಟೆರಿಟರಿ' ಪ್ರಶಸ್ತಿಯನ್ನು ಚಂಡೀಗಢ ಪಡೆದುಕೊಂಡಿದೆ.