➤ ಹಿಂದೂ ಮಹಾಸಾಗರ ಪ್ರದೇಶದಲ್ಲಿ (Indian Ocean Region - IOR) ತನ್ನ ಕಾವಲು ಮತ್ತು ನಿಗಾ ವ್ಯವಸ್ಥೆಯನ್ನು ಮತ್ತಷ್ಟು ಬಲಪಡಿಸಲು ಭಾರತ ಸರ್ಕಾರದ ರಕ್ಷಣಾ ಸಚಿವಾಲಯವು ಪ್ರಮುಖ ಹೆಜ್ಜೆಯಿಟ್ಟಿದೆ. ಅಮೆರಿಕದ ಪ್ರಸಿದ್ಧ ಏರೋನಾಟಿಕಲ್ ಸಂಸ್ಥೆಯೊಂದಿಗೆ ₹1,943 ಕೋಟಿ ವೆಚ್ಚದಲ್ಲಿMQ-9B 'ಸೀ ಗಾರ್ಡಿಯನ್'ಮಾನವರಹಿತ ವೈಮಾನಿಕ ವಾಹನಗಳನ್ನು (UAV/Drones) ಗುತ್ತಿಗೆ ಆಧಾರದ ಮೇಲೆ ಪಡೆಯಲು ಅಧಿಕೃತ ಒಪ್ಪಂದಕ್ಕೆ ಸಹಿ ಹಾಕಲಾಗಿದೆ.
➤ 'MQ-9B ಸೀ ಗಾರ್ಡಿಯನ್' ಡ್ರೋನ್‌ನ ತಾಂತ್ರಿಕ ವಿಶೇಷತೆಗಳು:

• ಎತ್ತರ ಮತ್ತು ಸಾಮರ್ಥ್ಯ: ಈ ಯುಎವಿಗಳು ಸುಮಾರು 50,000 ಅಡಿಗಳಿಗೂ ಹೆಚ್ಚು ಎತ್ತರದಲ್ಲಿ ಹಾರಾಟ ನಡೆಸಬಲ್ಲವು ಹಾಗೂ ಸತತ 30 ರಿಂದ 40 ಗಂಟೆಗಳ ಕಾಲ ಆಕಾಶದಲ್ಲಿದ್ದು ಕಾರ್ಯಾಚರಣೆ ನಡೆಸುವ ಹೆಲ್ (HALE - High-Altitude Long-Endurance) ಸಾಮರ್ಥ್ಯ ಹೊಂದಿವೆ.
• ಶಸ್ತ್ರಸಜ್ಜಿತ ವ್ಯವಸ್ಥೆ: ಅತ್ಯಾಧುನಿಕ ಸೆನ್ಸರ್‌ಗಳು, ಕಣ್ಣಾವಲು ರಾಡಾರ್‌ಗಳ ಜೊತೆಗೆ ಇವು ನಾಲ್ಕು 'ಹೆಲ್‌ಫೈರ್' (Hellfire) ಕ್ಷಿಪಣಿಗಳು ಹಾಗೂ 450 ಕೆ.ಜಿ ತೂಕದ ಬಾಂಬ್‌ಗಳನ್ನು ಹೊರಬಲ್ಲವು.
• ನಿಯಂತ್ರಣ: ದೂರದಿಂದಲೇ ಉಪಗ್ರಹ ಸಂಪರ್ಕದ (Satellite Communication) ಮೂಲಕ ನಿಯಂತ್ರಿಸಬಹುದಾದ ತಂತ್ರಜ್ಞಾನವನ್ನು ಹೊಂದಿವೆ.
• ತರಬೇತಿ ಮತ್ತು ನಿರ್ವಹಣೆ: ನೌಕಾಪಡೆಯ ಸಿಬ್ಬಂದಿಗೆ ತರಬೇತಿ ನೀಡಲು ಹಾಗೂ ಹಿಂದೂ ಮಹಾಸಾಗರದಲ್ಲಿ ನಿರಂತರ ಕಾವಲು ಕಾಯಲು ಇವುಗಳನ್ನು ಬಳಸಲಾಗುತ್ತದೆ.

➤ ಭಾರತೀಯ ನೌಕಾಪಡೆಗೆ ಇದರ ಪ್ರಾಮುಖ್ಯತೆ:

• ಪೂರ್ವ ಇತಿಹಾಸ: ಭಾರತೀಯ ನೌಕಾಪಡೆಯು 2020ರಲ್ಲೇ ಇಂತಹ ಎರಡು MQ-9B ಡ್ರೋನ್‌ಗಳನ್ನು ಅಮೆರಿಕದಿಂದ ಗುತ್ತಿಗೆ ಆಧಾರದಲ್ಲಿ ಪಡೆದು ತಮಿಳುನಾಡಿನ 'ಐಎನ್‌ಎಸ್ ರಾಜಾಲಿ' (INS Rajali) ನೌಕಾನೆಲೆಯಿಂದ ಯಶಸ್ವಿಯಾಗಿ ಕಾರ್ಯಾಚರಣೆ ನಡೆಸುತ್ತಿದೆ.
• IOR ನಲ್ಲಿ ರಕ್ಷಣೆ: ಹಿಂದೂ ಮಹಾಸಾಗರ ಪ್ರದೇಶದಲ್ಲಿ ಚೀನಾದ ನೌಕಾಪಡೆಯ ಚಟುವಟಿಕೆಗಳು ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ, ಕಡಲ ಗಡಿ ಭದ್ರತೆ (Maritime Domain Awareness) ಹಾಗೂ ಕಣ್ಣಾವಲು (ISR - Intelligence, Surveillance and Reconnaissance) ಹೆಚ್ಚಿಸಲು ಈ ಒಪ್ಪಂದ ನಿರ್ಣಾಯಕವಾಗಿದೆ.