ನಮಸ್ಕಾರ ಸ್ನೇಹಿತರೆ, KPSCVaani ಗೆ ಸ್ವಾಗತ! ಬೆಂಗಳೂರಿನಲ್ಲಿ ಉನ್ನತ ಮಟ್ಟದ ಉದ್ಯೋಗವನ್ನು ಹುಡುಕುತ್ತಿರುವ ಪದವೀಧರರು ಹಾಗೂ ವೈದ್ಯಕೀಯ ವೃತ್ತಿಪರರಿಗೆ ಇಲ್ಲೊಂದು ಸುವರ್ಣ ಅವಕಾಶವಿದೆ.

ಬೆಂಗಳೂರಿನಲ್ಲಿರುವ ಪ್ರಸಿದ್ಧ ರಾಷ್ಟ್ರೀಯ ಮಾನಸಿಕ ಆರೋಗ್ಯ ಮತ್ತು ನರವಿಜ್ಞಾನ ಸಂಸ್ಥೆಯು (NIMHANS) ಗುತ್ತಿಗೆ ಆಧಾರದ ಮೇಲೆ ವಿವಿಧ ಹುದ್ದೆಗಳನ್ನು ಭರ್ತಿ ಮಾಡಲು ನೇರ ಸಂದರ್ಶನಕ್ಕೆ (Walk-in Selection) ಅಧಿಸೂಚನೆ ಹೊರಡಿಸಿದೆ. ಈ ಕುರಿತಾದ ಸಂಪೂರ್ಣ ಮಾಹಿತಿ ಇಲ್ಲಿದೆ.

ಹುದ್ದೆಗಳ ಸಂಕ್ಷಿಪ್ತ ವಿವರ (Job Highlights)

• ಸಂಸ್ಥೆ: ನಿಮ್ಹಾನ್ಸ್ (NIMHANS), ಬೆಂಗಳೂರು.
• ಯೋಜನೆಯ ಹೆಸರು: "PrecinNor: Promoting Bidirectional Precision Psychiatry Training in India and Norway".
• ಹುದ್ದೆಗಳ ಸಂಖ್ಯೆ: ಒಟ್ಟು 02 ಹುದ್ದೆಗಳು.
• ನೇಮಕಾತಿ ವಿಧಾನ: ನೇರ ಸಂದರ್ಶನ ಮತ್ತು ಲಿಖಿತ ಪರೀಕ್ಷೆ (Walk-in-cum-Written Test).

ವಿದ್ಯಾರ್ಹತೆ : 
1. ಪ್ರಾಜೆಕ್ಟ್ ಕೋ-ಆರ್ಡಿನೇಟರ್ (Project Coordinator)

• ಒಟ್ಟು ಹುದ್ದೆಗಳು: 01 (ಒಂದು).
• ಶೈಕ್ಷಣಿಕ ವಿದ್ಯಾರ್ಹತೆ: ವಿಜ್ಞಾನ, ವಾಣಿಜ್ಯ, ಕಲೆ ಅಥವಾ ಕಂಪ್ಯೂಟರ್ ಸೈನ್ಸ್ ವಿಭಾಗದಲ್ಲಿ ಬ್ಯಾಚುಲರ್ಸ್/ಮಾಸ್ಟರ್ಸ್/BTech/MTech ಪದವಿ ಪಡೆದಿರಬೇಕು.
• ಅನುಭವ: ಇಂಗ್ಲಿಷ್ನಲ್ಲಿ ಉತ್ತಮ ಸಂವಹನ ಕೌಶಲ್ಯ ಹೊಂದಿರಬೇಕು ಹಾಗೂ ಎಂಎಸ್ ಆಫೀಸ್ (Word/Excel/PowerPoint) ಸೇರಿದಂತೆ ಉತ್ತಮ ಕಂಪ್ಯೂಟರ್ ಜ್ಞಾನವಿರಬೇಕು. ಆಡಳಿತಾತ್ಮಕ ಅಥವಾ ಸಂಶೋಧನಾ ಕಚೇರಿ ಕೆಲಸದಲ್ಲಿ 2 ವರ್ಷಗಳ ಅನುಭವ ಇರುವವರಿಗೆ ಮತ್ತು ಇಂಗ್ಲಿಷ್ ಹಾಗೂ ಕನ್ನಡದಲ್ಲಿ ಉತ್ತಮ ಸಂವಹನ ಕೌಶಲ್ಯ ಹೊಂದಿರುವವರಿಗೆ ಆದ್ಯತೆ ನೀಡಲಾಗುವುದು.
• ವೇತನ: ತಿಂಗಳಿಗೆ ರೂ. 35,000/- (ಏಕೀಕೃತ ವೇತನ).
• ಗರಿಷ್ಠ ವಯೋಮಿತಿ: 35 ವರ್ಷಗಳು.

2. ಕ್ಲಿನಿಕಲ್ ಪೋಸ್ಟ್ಡಾಕ್ಟರಲ್ ಫೆಲೋ (Clinical Postdoctoral Fellow)
(ಈ ಹುದ್ದೆಯು ಸೀನಿಯರ್ ರೆಸಿಡೆಂಟ್-ಸೈಕಿಯಾಟ್ರಿ ಹುದ್ದೆಗೆ ಸಮಾನವಾಗಿರುತ್ತದೆ )

• ಒಟ್ಟು ಹುದ್ದೆಗಳು: 01 (ಒಂದು).
• ಶೈಕ್ಷಣಿಕ ವಿದ್ಯಾರ್ಹತೆ: ಮನೋವೈದ್ಯಶಾಸ್ತ್ರದಲ್ಲಿ (Psychiatry) ಎಂ.ಡಿ (MD) ಅಥವಾ ಡಿ.ಎನ್.ಬಿ (DNB) ಪೂರ್ಣಗೊಳಿಸಿರಬೇಕು.
• ಅನುಭವ: ಮನೋವೈದ್ಯಶಾಸ್ತ್ರದಲ್ಲಿ ಶೈಕ್ಷಣಿಕ, ಕ್ಲಿನಿಕಲ್ ಮತ್ತು ಸಂಶೋಧನಾ ಚಟುವಟಿಕೆಗಳಲ್ಲಿ ಅನುಭವ ಇರುವವರಿಗೆ ಆದ್ಯತೆ ನೀಡಲಾಗುವುದು.
• ವೇತನ: ತಿಂಗಳಿಗೆ ಬರೋಬ್ಬರಿ ರೂ. 1,20,000/- (ಏಕೀಕೃತ ವೇತನ).
• ಗರಿಷ್ಠ ವಯೋಮಿತಿ: 35 ವರ್ಷಗಳು.

ಹೊಸ ನೇಮಕಾತಿಗಳಿಗಾಗಿ ಅಭ್ಯಸಿಸಲು ಹಳೆಯ ಪ್ರಶ್ನೆ ಪತ್ರಿಕೆಗಳನ್ನು ಇಲ್ಲಿ ಡೌನ್ಲೋಡ್ ಮಾಡಿ. 

ನೇರ ಸಂದರ್ಶನದ ವಿವರಗಳು (Walk-in Interview Details)
ಅರ್ಹ ಮತ್ತು ಆಸಕ್ತ ಅಭ್ಯರ್ಥಿಗಳು ತಮ್ಮ ರೆಸ್ಯೂಮ್ (Resume), ಮೂಲ ದಾಖಲೆಗಳು ಹಾಗೂ ಅವುಗಳ ಸ್ವಯಂ ದೃಢೀಕೃತ ಜೆರಾಕ್ಸ್ ಪ್ರತಿಗಳೊಂದಿಗೆ ಈ ಕೆಳಗಿನ ವಿಳಾಸದಲ್ಲಿ ನಡೆಯುವ ನೇರ ಸಂದರ್ಶನಕ್ಕೆ ಹಾಜರಾಗಬಹುದು.
ಸಂದರ್ಶನದ ದಿನಾಂಕ ಮತ್ತು ಸಮಯ: ಏಪ್ರಿಲ್ 29, 2026 ಮಧ್ಯಾಹ್ನ 02:00 ಗಂಟೆಗೆ.
ಸ್ಥಳ: ಬೋರ್ಡ್ ರೂಮ್ ಮತ್ತು ಎಕ್ಸಾಮ್ ಹಾಲ್, 4ನೇ ಮಹಡಿ, NBRC ಕಟ್ಟಡ, ನಿಮ್ಹಾನ್ಸ್ (NIMHANS), ಬೆಂಗಳೂರು - 560029.

ಅಭ್ಯರ್ಥಿಗಳಿಗೆ ಪ್ರಮುಖ ಸೂಚನೆಗಳು (Important Instructions)

• ಅಭ್ಯರ್ಥಿಗಳು ಲಿಖಿತ ಪರೀಕ್ಷೆ/ಸಂದರ್ಶನ ಪ್ರಾರಂಭವಾಗುವ 30 ನಿಮಿಷಗಳ ಮೊದಲು ತಮ್ಮ ಹೆಸರನ್ನು ನೋಂದಾಯಿಸಿಕೊಳ್ಳಬೇಕು.
• ಲಿಖಿತ ಪರೀಕ್ಷೆ ಇರುವಲ್ಲಿ ಸ್ಕಿಲ್ ಟೆಸ್ಟ್/ಸಂದರ್ಶನಕ್ಕೆ ಅರ್ಹತೆ ಪಡೆಯಲು ಅಭ್ಯರ್ಥಿಯು ಕನಿಷ್ಠ 50% ಅಂಕಗಳನ್ನು ಗಳಿಸಬೇಕು. ನೇರ ಸಂದರ್ಶನವಿದ್ದಲ್ಲಿ, ಸಂದರ್ಶನದಲ್ಲಿ ಕನಿಷ್ಠ 50% ಅಂಕಗಳನ್ನು ಗಳಿಸಬೇಕು.
• ಸಂದರ್ಶನಕ್ಕೆ ಹಾಜರಾಗಲು ಯಾವುದೇ ಪ್ರಯಾಣ ಭತ್ಯೆ (TA/DA) ನೀಡಲಾಗುವುದಿಲ್ಲ.