ಕರ್ನಾಟಕ ಪರೀಕ್ಷಾ ಪ್ರಾಧಿಕಾರವು (KEA) ಫೆಬ್ರವರಿ 21 ಮತ್ತು 22, 2026 ರಂದು ನಡೆಸಲಿರುವ ವಿವಿಧ ಇಲಾಖೆಗಳ ನೇಮಕಾತಿ ಪರೀಕ್ಷೆಯ ವೇಳಾಪಟ್ಟಿ ಮತ್ತು ಬೆಲ್ ಸಮಯದ ಸಂಪೂರ್ಣ ಮಾಹಿತಿಯನ್ನು ಬಿಡುಗಡೆ ಮಾಡಿದೆ. ಅಭ್ಯರ್ಥಿಗಳು ಪರೀಕ್ಷಾ ಕೊಠಡಿಯಲ್ಲಿ ಪಾಲಿಸಬೇಕಾದ ಕಟ್ಟುನಿಟ್ಟಿನ ನಿಯಮಗಳ ವಿವರ ಇಲ್ಲಿದೆ.

KEA ವತಿಯಿಂದ ನಡೆಸಲಾಗುವ ಈ ಸ್ಪರ್ಧಾತ್ಮಕ ಪರೀಕ್ಷೆಗಳು ಎರಡು ದಿನಗಳ ಕಾಲ ನಡೆಯಲಿವೆ:

- ಪರೀಕ್ಷಾ ದಿನಾಂಕ

21-02-2026 (ಶನಿವಾರ) - ಮಧ್ಯಾಹ್ನ 3.00 ರಿಂದ 5.00 - ನಿರ್ದಿಷ್ಟ ಪತ್ರಿಕೆ-2 

22-02-2026 (ಭಾನುವಾರ) - ಬೆಳಿಗ್ಗೆ 10.30 ರಿಂದ 12.30 - ಪತ್ರಿಕೆ-1 

22-02-2026 (ಭಾನುವಾರ) - ಮಧ್ಯಾಹ್ನ 2.30 ರಿಂದ 4.30 - ಪತ್ರಿಕೆ-2 

ಪರೀಕ್ಷಾ ಕೇಂದ್ರದಲ್ಲಿ ಪ್ರತಿ ಚಟುವಟಿಕೆಗೂ ನಿಗದಿತ ಬೆಲ್ ಸಮಯವನ್ನು ನಿಗದಿಪಡಿಸಲಾಗಿದೆ:
1ನೇ ಬೆಲ್ (ಪ್ರವೇಶ):ಪರೀಕ್ಷೆ ಆರಂಭಕ್ಕೆ 30-60 ನಿಮಿಷಗಳ ಮೊದಲು ಈ ಬೆಲ್ ಆಗುತ್ತದೆ.ಅಭ್ಯರ್ಥಿಗಳು ಪ್ರವೇಶ ಪತ್ರ ಮತ್ತು ಗುರುತಿನ ಚೀಟಿ ತೋರಿಸಿ ಕೊಠಡಿ ಪ್ರವೇಶಿಸಬಹುದು.
2ನೇ ಬೆಲ್ (OMR ವಿತರಣೆ):ಪರೀಕ್ಷೆ ಆರಂಭಕ್ಕೆ 15 ನಿಮಿಷ ಮೊದಲು OMR ಪತ್ರಿಕೆ ನೀಡಲಾಗುತ್ತದೆ.ಈ ಸಮಯದಲ್ಲಿ ಅಭ್ಯರ್ಥಿಗಳು ತಮ್ಮ ಹೆಸರು ಮತ್ತು ನೋಂದಣಿ ಸಂಖ್ಯೆಯನ್ನು ಎಚ್ಚರಿಕೆಯಿಂದ ಭರ್ತಿ ಮಾಡಬೇಕು.
ಪ್ರಶ್ನೆ ಪತ್ರಿಕೆ ವಿತರಣೆ:ಪರೀಕ್ಷೆ ಆರಂಭಕ್ಕೆ 5 ನಿಮಿಷ ಮೊದಲು ಪ್ರಶ್ನೆ ಪತ್ರಿಕೆ ನೀಡಲಾಗುತ್ತದೆ.ಆದರೆ 3ನೇ ಬೆಲ್ ಆಗುವವರೆಗೂ ಇದನ್ನು ಓದಲು ಅಥವಾ ಉತ್ತರಿಸಲು ಅವಕಾಶವಿರುವುದಿಲ್ಲ.
3ನೇ ಬೆಲ್ (ಪರೀಕ್ಷೆ ಆರಂಭ):ಅಭ್ಯರ್ಥಿಗಳು ಉತ್ತರಿಸಲು ಆರಂಭಿಸಬಹುದು.ಈ ಬೆಲ್ ಆದ ನಂತರ ಪರೀಕ್ಷಾ ಕೇಂದ್ರದ ಒಳಗೆ ಪ್ರವೇಶಿಸಲು ಅಥವಾ ಹೊರಗೆ ಹೋಗಲು ಅವಕಾಶವಿಲ್ಲ.
4ನೇ ಮತ್ತು 5ನೇ ಬೆಲ್ (ಎಚ್ಚರಿಕೆ):ಕ್ರಮವಾಗಿ ಒಂದು ಗಂಟೆ ಮುಗಿದಾಗ ಮತ್ತು ಪರೀಕ್ಷೆ ಮುಗಿಯಲು 30 ನಿಮಿಷ ಬಾಕಿ ಇದ್ದಾಗ ಎಚ್ಚರಿಕೆ ಬೆಲ್ ನೀಡಲಾಗುತ್ತದೆ.
6ನೇ ಬೆಲ್ (ಕೊನೆಯ ಎಚ್ಚರಿಕೆ):ಪರೀಕ್ಷೆ ಮುಗಿಯಲು ಕೇವಲ 5 ನಿಮಿಷ ಬಾಕಿ ಇದೆ ಎಂಬ ಸೂಚನೆ ಇದು.
7ನೇ ಬೆಲ್ (ಪರೀಕ್ಷೆ ಮುಕ್ತಾಯ):ಅಭ್ಯರ್ಥಿಗಳು ಬರೆಯುವುದನ್ನು ತಕ್ಷಣ ನಿಲ್ಲಿಸಬೇಕು.
8ನೇ ಬೆಲ್ (ಸಂಗ್ರಹಣೆ):ಕೊಠಡಿ ಮೇಲ್ವಿಚಾರಕರು ಅಭ್ಯರ್ಥಿಗಳಿಂದ OMR ಪತ್ರಿಕೆಗಳನ್ನು ಪಡೆದುಕೊಳ್ಳುತ್ತಾರೆ.

ಋಣಾತ್ಮಕ ಮೌಲ್ಯಮಾಪನ (Negative Marking): ಪ್ರತಿ ತಪ್ಪು ಉತ್ತರಕ್ಕೆ 1/4 (0.25) ಅಂಕಗಳನ್ನು ಕಳೆಯಲಾಗುತ್ತದೆ.

5ನೇ ಆಯ್ಕೆಯ ಕಡ್ಡಾಯ ಬಳಕೆ: ಯಾವುದೇ ಪ್ರಶ್ನೆಗೆ ಉತ್ತರಿಸದಿದ್ದಲ್ಲಿ ಕಡ್ಡಾಯವಾಗಿ 5ನೇ ವೃತ್ತವನ್ನು (Option 5) ಶೇಡ್ ಮಾಡಬೇಕು. ಯಾವುದೇ ಆಯ್ಕೆಯನ್ನು ಶೇಡ್ ಮಾಡದಿದ್ದರೆ 1/4 ಅಂಕ ಕಡಿತವಾಗುತ್ತದೆ.

ಹೆಚ್ಚುವರಿ ಸಮಯ: ಪರೀಕ್ಷೆ ಮುಗಿದ ನಂತರ 5ನೇ ವೃತ್ತವನ್ನು ಶೇಡ್ ಮಾಡಲು ಹೆಚ್ಚುವರಿಯಾಗಿ 5 ನಿಮಿಷ ಕಾಲಾವಕಾಶ ನೀಡಲಾಗುತ್ತದೆ.

OMR ಪ್ರತಿ: ಪರೀಕ್ಷೆಯ ನಂತರ OMR ಪತ್ರಿಕೆಯ ಕೆಳಭಾಗದ ಹಾಳೆಯನ್ನು (ಅಭ್ಯರ್ಥಿಯ ಪ್ರತಿ) ಅಭ್ಯರ್ಥಿಗಳು ಮನೆಗೆ ತೆಗೆದುಕೊಂಡು ಹೋಗಬಹುದು.

ಪರೀಕ್ಷಾ ಕೊಠಡಿಯಲ್ಲಿ ಗಲಾಟೆ ಮಾಡುವುದು, ನಕಲು ಮಾಡುವುದು, ಮೊಬೈಲ್ ಅಥವಾ ಯಾವುದೇ ಚೀಟಿಗಳನ್ನು ಬಳಸುವುದು ಶಿಕ್ಷಾರ್ಹ ಅಪರಾಧವಾಗಿದೆ. ಇಂತಹ ಅಭ್ಯರ್ಥಿಗಳ ವಿರುದ್ಧ ಅಪರಾಧ ಮೊಕದ್ದಮೆ ಹೂಡಲಾಗುವುದು ಎಂದು KEA ಎಚ್ಚರಿಸಿದೆ.

ಹೆಚ್ಚಿನ ಮಾಹಿತಿಗಾಗಿ: ಅಭ್ಯರ್ಥಿಗಳು ಕರ್ನಾಟಕ ಪರೀಕ್ಷಾ ಪ್ರಾಧಿಕಾರದ ಅಧಿಕೃತ ವೆಬ್‌ಸೈಟ್‌ಗೆ ಭೇಟಿ ನೀಡಬಹುದು.