ಕರ್ನಾಟಕ ರಾಜ್ಯ ಅಗ್ನಿಶಾಮಕ ಮತ್ತು ತುರ್ತು ಸೇವೆಗಳ ಇಲಾಖೆಯು (KSFES) ಮಹಿಳಾ ಸಬಲೀಕರಣದ ನಿಟ್ಟಿನಲ್ಲಿ ಮಹತ್ವದ ಹಾಗೂ ಐತಿಹಾಸಿಕ ಹೆಜ್ಜೆಯನ್ನಿಟ್ಟಿದೆ. ಇದುವರೆಗೂ ಕೇವಲ ಪುರುಷರಿಗೆ ಮಾತ್ರ ಸೀಮಿತವಾಗಿದ್ದ ಅಗ್ನಿಶಾಮಕ ಕಾರ್ಯಾಚರಣೆ ವಿಭಾಗದಲ್ಲಿ ಇದೇ ಮೊದಲ ಬಾರಿಗೆ ಮಹಿಳೆಯರ ನೇಮಕಾತಿಗೆ ಇಲಾಖೆ ಸಕಲ ಸಿದ್ಧತೆ ನಡೆಸಿದೆ.

ಸರ್ಕಾರಿ ಉದ್ಯೋಗದ ಕನಸು ಕಾಣುತ್ತಿರುವ, ಅದರಲ್ಲೂ ಸಮವಸ್ತ್ರ ಧರಿಸುವ ಸೇವೆಗೆ ಸೇರಬೇಕೆಂಬ ಹಂಬಲ ಹೊಂದಿರುವ ರಾಜ್ಯದ ಮಹಿಳಾ ಆಕಾಂಕ್ಷಿಗಳಿಗೆ ಇದೊಂದು ಅತ್ಯಂತ ಸಿಹಿ ಸುದ್ದಿಯಾಗಿದೆ.

'ಫೈರ್‌ ಮೆನ್‌' ಪದಕ್ಕೆ ಗುಡ್ ಬೈ; ಇನ್ಮುಂದೆ ಎಲ್ಲರೂ 'ಫೈರ್ ಫೈಟರ್‌'!
ಈವರೆಗೂ ಇಲಾಖೆಯಲ್ಲಿ ಬೆಂಕಿ ನಂದಿಸುವ ಸಿಬ್ಬಂದಿಯನ್ನು 'ಫೈರ್ ಮೆನ್' (Fireman) ಎಂದು ಕರೆಯಲಾಗುತ್ತಿತ್ತು. ಆದರೆ, ಈ ಪದವು ಕೇವಲ ಪುರುಷರನ್ನು ಮಾತ್ರ ಪ್ರತಿನಿಧಿಸುತ್ತದೆ. ಇದೀಗ ಮಹಿಳೆಯರೂ ಈ ಪಡೆಗೆ ಸೇರ್ಪಡೆಯಾಗುತ್ತಿರುವುದರಿಂದ, ಲಿಂಗ ತಟಸ್ಥತೆ (Gender Neutrality) ಕಾಯ್ದುಕೊಳ್ಳುವ ಉದ್ದೇಶದಿಂದ 'ಫೈರ್ ಮೆನ್' ಹುದ್ದೆಯ ಹೆಸರನ್ನು 'ಫೈರ್ ಫೈಟರ್' (Firefighter) ಎಂದು ಅಧಿಕೃತವಾಗಿ ಬದಲಾಯಿಸಲಾಗಿದೆ.

KPSCvaani ಯಿಂದ ಉಪಯುಕ್ತವಾದ ಪ್ರತಿ ದಿನದ ಪ್ರಚಲಿತ ಘಟನೆಗಳಿಗಾಗಿ ಕೂಡಲೇ ಇಲ್ಲಿ ಕ್ಲಿಕ್ ಮಾಡಿ

ಈ ನಿರ್ಧಾರದ ಪ್ರಮುಖ ಅಂಶಗಳು:

• ಲಿಂಗ ಸಮಾನತೆಗೆ ಒತ್ತು: ಪುರುಷರಷ್ಟೇ ಸರಿಸಮಾನವಾಗಿ ಮಹಿಳೆಯರೂ ಕೂಡ ಸಾಹಸಮಯ ಹಾಗೂ ಅಪಾಯಕಾರಿ ಸಂದರ್ಭಗಳಲ್ಲಿ ಕಾರ್ಯನಿರ್ವಹಿಸಲು ಸಮರ್ಥರು ಎಂಬುದನ್ನು ಈ ನಿರ್ಧಾರ ಸಾಬೀತುಪಡಿಸಿದೆ.


• ಶಬ್ದಕೋಶದಲ್ಲಿ ಬದಲಾವಣೆ: ಕೇವಲ 'ಫೈರ್ ಮೆನ್' ಮಾತ್ರವಲ್ಲದೆ, ಇಲಾಖೆಯ ನಿಯಮಾವಳಿಗಳಲ್ಲಿರುವ ಇತರ ಲಿಂಗ-ಸೂಚಕ ಪದಗಳನ್ನು ಬದಲಾಯಿಸಿ, ಎಲ್ಲರಿಗೂ ಅನ್ವಯವಾಗುವ ಸಾಮಾನ್ಯ ಪದಗಳನ್ನು ಬಳಸಲು ಇಲಾಖೆ ಮುಂದಾಗಿದೆ.

ಮಹಿಳಾ ಅಭ್ಯರ್ಥಿಗಳಿಗೆ ಹೊಸ ಅವಕಾಶಗಳ ಬಾಗಿಲು
ಇಲ್ಲಿಯವರೆಗೆ ಅಗ್ನಿಶಾಮಕ ಇಲಾಖೆಯಲ್ಲಿ ಮಹಿಳೆಯರು ಕೇವಲ ಕಚೇರಿ ಕೆಲಸಗಳಿಗೆ ಅಥವಾ ತಾಂತ್ರಿಕ ವಿಭಾಗಗಳಿಗೆ ಮಾತ್ರ ಸೀಮಿತವಾಗಿದ್ದರು. ಆದರೆ ಹೊಸ ನಿಯಮಾವಳಿಗಳ ಅನ್ವಯ, ಮಹಿಳೆಯರು ನೇರವಾಗಿ ಬೆಂಕಿ ನಂದಿಸುವ, ವಿಪತ್ತು ನಿರ್ವಹಣೆ ಮಾಡುವ ಮತ್ತು ಜೀವ ರಕ್ಷಿಸುವ ಮುಂಚೂಣಿ ಕಾರ್ಯಾಚರಣೆಗಳಲ್ಲಿ (Frontline Operations) ಪಾಲ್ಗೊಳ್ಳಲಿದ್ದಾರೆ. ಮುಂದೆ ಬರಲಿರುವ ಅಗ್ನಿಶಾಮಕ ಇಲಾಖೆ ನೇಮಕಾತಿಗಳಲ್ಲಿ ಇನ್ನು ಶೇಕಡಾ 10% ನಷ್ಟು ಹುದ್ದೆಗಳನ್ನು ಮಹಿಳಾ ಅಭ್ಯರ್ಥಿಗಳಿಗೆ ಮೀಸಲಿಡುವ ಕುರಿತು ಇನ್ನಷ್ಟೇ ಅಧಿಕೃತ ಆದೇಶ ಬರಬೇಕಿದೆ.

ನೇಮಕಾತಿ ಪ್ರಕ್ರಿಯೆ ಮತ್ತು ಸಿದ್ಧತೆ ಹೇಗಿರಲಿದೆ?
KPSC ಹಾಗೂ ಪೊಲೀಸ್ ಇಲಾಖೆಯ ಪರೀಕ್ಷೆಗಳಿಗೆ ತಯಾರಿ ನಡೆಸುತ್ತಿರುವ ಅಭ್ಯರ್ಥಿಗಳು ಈ ಕೆಳಗಿನ ಅಂಶಗಳನ್ನು ಗಮನದಲ್ಲಿಟ್ಟುಕೊಳ್ಳಬೇಕು:



KPSCVaani ಓದುಗರಿಗೆ ಕಿವಿಮಾತು
ಪೊಲೀಸ್ ಕಾನ್ಸ್‌ಟೇಬಲ್ (PC), ಪಿಎಸ್‌ಐ (PSI), ಮತ್ತು ಅರಣ್ಯ ಇಲಾಖೆಯ ಹುದ್ದೆಗಳಿಗೆ ತಯಾರಿ ನಡೆಸುತ್ತಿರುವ ಮಹಿಳಾ ಅಭ್ಯರ್ಥಿಗಳಿಗೆ ಇದೊಂದು ಸುವರ್ಣಾವಕಾಶ. ದೈಹಿಕ ಸಾಮರ್ಥ್ಯದ ಜೊತೆಗೆ ಲಿಖಿತ ಪರೀಕ್ಷೆಗೂ ಇಂದಿನಿಂದಲೇ ಸಿದ್ಧತೆ ಆರಂಭಿಸಿ. ಮುಂಬರುವ ದಿನಗಳಲ್ಲಿ ಅಗ್ನಿಶಾಮಕ ಇಲಾಖೆಯಿಂದ ಅಧಿಕೃತ ಅಧಿಸೂಚನೆ (Notification) ಹೊರಬೀಳುವ ನಿರೀಕ್ಷೆಯಿದೆ.
ರಾಜ್ಯ ಸರ್ಕಾರದ ಈ ಪ್ರಗತಿಪರ ಹೆಜ್ಜೆಯು ಮುಂದಿನ ಪೀಳಿಗೆಯ ಅದೆಷ್ಟೋ ಹೆಣ್ಣುಮಕ್ಕಳಿಗೆ ಸ್ಫೂರ್ತಿಯಾಗಲಿದೆ ಎಂಬುದರಲ್ಲಿ ಎರಡು ಮಾತಿಲ್ಲ.

ಪರೀಕ್ಷಾ ತಯಾರಿಗಾಗಿ ಪುಸ್ತಕಗಳನ್ನು ಖರೀದಿಸಲು ಇಲ್ಲಿ ಕ್ಲಿಕ್ ಮಾಡಿ