ಆಳ್ವಾಸ್ ಪ್ರಗತಿ ಬೃಹತ್ ಉದ್ಯೋಗ ಮೇಳ 2026: 24,000ಕ್ಕೂ ಹೆಚ್ಚು ಹುದ್ದೆಗಳು, 329ಕ್ಕೂ ಹೆಚ್ಚು ಕಂಪನಿಗಳು ಭಾಗಿ!

ಉದ್ಯೋಗಾಕಾಂಕ್ಷಿಗಳಿಗೆ ದಕ್ಷಿಣ ಕನ್ನಡ ಜಿಲ್ಲೆಯಿಂದ ಪ್ರಮುಖ ಸಿಹಿಸುದ್ದಿ ಒಂದಿದೆ! ಮೂಡುಬಿದಿರೆಯ ಪ್ರಸಿದ್ಧ ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನದ ವತಿಯಿಂದ ನಡೆಸಲಾಗುವ 16ನೇ ಆವೃತ್ತಿಯ ಬೃಹತ್ ಉದ್ಯೋಗ ಮೇಳ 'ಆಳ್ವಾಸ್ ಪ್ರಗತಿ-2026' ಗೆ ದಿನಾಂಕ ನಿಗದಿಯಾಗಿದೆ.

ಈ ಬೃಹತ್ ಉದ್ಯೋಗ ಮೇಳವು ಆಗಸ್ಟ್ 7 ಮತ್ತು 8 ರಂದು ಮೂಡುಬಿದಿರೆಯ ವಿದ್ಯಾ ಗಿರಿ ಆವರಣದಲ್ಲಿ ನಡೆಯಲಿದ್ದು, ಬರೋಬ್ಬರಿ 24,000ಕ್ಕೂ ಹೆಚ್ಚು ಉದ್ಯೋಗಾವಕಾಶಗಳು ಲಭ್ಯವಿರಲಿವೆ ಎಂದು ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನದ ಟ್ರಸ್ಟಿ ವಿವೇಕ್ ಆಳ್ವ ಅವರು ಪತ್ರಿಕಾಗೋಷ್ಠಿಯಲ್ಲಿ ತಿಳಿಸಿದ್ದಾರೆ.

ಆಳ್ವಾಸ್ ಪ್ರಗತಿ ಉದ್ಯೋಗ ಮೇಳ: ಮುಖ್ಯಾಂಶಗಳು (Quick Highlights)
ಉದ್ಯೋಗ ಮೇಳದ ಹೆಸರು : ಆಳ್ವಾಸ್ ಪ್ರಗತಿ (16ನೇ ಆವೃತ್ತಿ)
ಆಯೋಜಕರು : ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನ, ಮೂಡುಬಿದಿರೆ
ಮೇಳ ನಡೆಯುವ ದಿನಾಂಕಗಳು : ಆಗಸ್ಟ್ 7 ಮತ್ತು 8ಸ್ಥಳ : ವಿದ್ಯಾಗಿರಿ ಆವರಣ, ಮೂಡುಬಿದಿರೆ (ದಕ್ಷಿಣ ಕನ್ನಡ)
ಒಟ್ಟು ಲಭ್ಯವಿರುವ ಉದ್ಯೋಗಗಳು : 24,000+ ಹುದ್ದೆಗಳು
ಭಾಗವಹಿಸುತ್ತಿರುವ ಕಂಪನಿಗಳು : 329ಕ್ಕೂ ಹೆಚ್ಚು ಪ್ರಮುಖ ಸಂಸ್ಥೆಗಳು
ಅರ್ಹತೆ : SSLC, PUC, ITI, Diploma, BE/B.Tech, Degree, PG, MBA, MSW ಇತ್ಯಾದಿ



ಉದ್ಯೋಗ ಮೇಳದ ಪ್ರಮುಖ ಆಕರ್ಷಣೆಗಳು ಹಾಗೂ ಕ್ಷೇತ್ರವಾರು ವಿವರಣೆ
1. ಎಐ ಆಧಾರಿತ (AI Chatbot) ವಿಶೇಷ ವ್ಯವಸ್ಥೆ
ಈ ಬಾರಿಯ ಉದ್ಯೋಗ ಮೇಳದಲ್ಲಿ ತಂತ್ರಜ್ಞಾನಕ್ಕೆ ಹೆಚ್ಚಿನ ಆದ್ಯತೆ ನೀಡಲಾಗಿದ್ದು, ವಿಶೇಷ ಎಐ (AI) ಆಧರಿತ ಚಾಟ್‌ಬಾಟ್ ವ್ಯವಸ್ಥೆಯನ್ನು ಪರಿಚಯಿಸಲಾಗಿದೆ. ಅಭ್ಯರ್ಥಿಗಳು ತಮ್ಮ ಬಯೋಡೇಟಾ (Resume) ಅಪ್‌ಲೋಡ್ ಮಾಡಿದ ತಕ್ಷಣ, ಅವರ ಶೈಕ್ಷಣಿಕ ಅರ್ಹತೆ ಮತ್ತು ಕೌಶಲ್ಯಕ್ಕೆ ಸೂಕ್ತವಾದ ಉದ್ಯೋಗಾವಕಾಶಗಳನ್ನು ಈ ಎಐ ವ್ಯವಸ್ಥೆಯು ಸ್ವಯಂಚಾಲಿತವಾಗಿ ಗುರುತಿಸಿ ಶಿಫಾರಸು ಮಾಡುತ್ತದೆ.

2. ಗಲ್ಫ್ ರಾಷ್ಟ್ರಗಳಲ್ಲಿ ಉದ್ಯೋಗಾವಕಾಶ (Gulf Jobs)
ಡಿಪ್ಲೊಮಾ (Diploma) ಹಾಗೂ ಐಟಿಐ (ITI) ಪೂರ್ಣಗೊಳಿಸಿದ ಅಭ್ಯರ್ಥಿಗಳಿಗೆ ವಿದೇಶದಲ್ಲಿ ವೃತ್ತಿಜೀವನ ರೂಪಿಸಿಕೊಳ್ಳಲು ಸುವರ್ಣಾವಕಾಶವಿದೆ. 'ಎಕ್ಸ್‌ಪರ್ಟೈಸ್' (Expertise) ಸಂಸ್ಥೆಯು ಗಲ್ಫ್ ರಾಷ್ಟ್ರಗಳಲ್ಲಿ ಲಭ್ಯವಿರುವ ವಿವಿಧ ತಾಂತ್ರಿಕ ಹುದ್ದೆಗಳಿಗೆ ಈ ಮೇಳದ ಮೂಲಕ ನೇರ ನೇಮಕಾತಿ ನಡೆಸಲಿದೆ.

3. ಮಹಿಳಾ ಅಭ್ಯರ್ಥಿಗಳಿಗೆ ವಿಶೇಷ ನೇಮಕಾತಿ ಅಭಿಯಾನ
ಕೋಲಾರದ ಪ್ರಸಿದ್ಧ ಟಾಟಾ ಎಲೆಕ್ಟ್ರಾನಿಕ್ಸ್ ಸಿಸ್ಟಮ್ಸ್ ಸೊಲ್ಯೂಷನ್ಸ್ ಪ್ರೈವೇಟ್ ಲಿಮಿಟೆಡ್ ಸಂಸ್ಥೆಯು ಮಹಿಳಾ ಅಭ್ಯರ್ಥಿಗಳಿಗಾಗಿಯೇ ವಿಶೇಷ ನೇಮಕಾತಿ ಅಭಿಯಾನವನ್ನು (Special Recruitment Drive) ಈ ಉದ್ಯೋಗ ಮೇಳದಲ್ಲಿ ಹಮ್ಮಿಕೊಂಡಿದೆ.

4. ಉತ್ಪಾದನಾ ವಲಯ (Manufacturing Sector)
ಉತ್ಪಾದನಾ ಕ್ಷೇತ್ರದಲ್ಲಿ ಬರೋಬ್ಬರಿ 74 ಕಂಪನಿಗಳು ಭಾಗವಹಿಸುತ್ತಿದ್ದು, 5,877ಕ್ಕೂ ಹೆಚ್ಚು ಉದ್ಯೋಗಾವಕಾಶಗಳನ್ನು ನೀಡುತ್ತಿವೆ.

5. ಐಟಿ ಮತ್ತು ನಾನ್-ಐಟಿ ಕ್ಷೇತ್ರಗಳು (IT & ITES Jobs)
IT/ITES ವಲಯದಿಂದ 35ಕ್ಕೂ ಹೆಚ್ಚು ಕಂಪನಿಗಳು ಆಗಮಿಸುತ್ತಿವೆ. ಇದರಲ್ಲಿ 200ಕ್ಕೂ ಹೆಚ್ಚು ಕೋರ್ ಐಟಿ (Core IT) ಹುದ್ದೆಗಳು ಹಾಗೂ 3,500ಕ್ಕೂ ಹೆಚ್ಚು ನಾನ್-ಐಟಿ (Non-IT) ಉದ್ಯೋಗಾವಕಾಶಗಳು ಲಭ್ಯವಿವೆ.

6. ಮಾನವ ಸಂಪನ್ಮೂಲ (HR) ಹುದ್ದೆಗಳು
MBA, MHRD, MSW ಮತ್ತು BSW ವಿದ್ಯಾರ್ಹತೆ ಹೊಂದಿರುವ ಅಭ್ಯರ್ಥಿಗಳಿಗೆ 70ಕ್ಕೂ ಹೆಚ್ಚು ಪ್ರಮುಖ ಕಂಪನಿಗಳಲ್ಲಿ ಎಚ್‌ಆರ್ (HR) ಹುದ್ದೆಗಳು ಲಭ್ಯವಿವೆ.

 ಯಾವುದೇ ಉದ್ಯೋಗದ ಅಪ್ಡೇಟ್ ಮಿಸ್ ಮಾಡಿಕೊಳ್ಳಬೇಡಿ; ಕ್ಷಣಕ್ಷಣದ ಮಾಹಿತಿಗಾಗಿ 'KPSCVaani' ಆಪ್ ಡೌನ್‌ಲೋಡ್ ಮಾಡಿಕೊಳ್ಳಿ

ಇತರ ಪ್ರಮುಖ ಉದ್ಯೋಗ ವಲಯಗಳು
ಈ ಉದ್ಯೋಗ ಮೇಳದಲ್ಲಿ ಬರೀ ಐಟಿ ಅಥವಾ ಉತ್ಪಾದನಾ ಕ್ಷೇತ್ರ ಮಾತ್ರವಲ್ಲದೆ ವಿವಿಧ ರಂಗಗಳ ಕಂಪನಿಗಳು ಭಾಗವಹಿಸುತ್ತಿವೆ:ಬ್ಯಾಂಕುಗಳು ಮತ್ತು ಹಣಕಾಸು ಸಂಸ್ಥೆಗಳು
1 ಆಸ್ಪತ್ರೆಗಳು ಮತ್ತು ಆರೋಗ್ಯ ವಲಯ
2 ದೂರಸಂಪರ್ಕ (Telecom) ಮತ್ತು ಎಲೆಕ್ಟ್ರಾನಿಕ್ಸ್

3 ರಿಯಲ್ ಎಸ್ಟೇಟ್ ಮತ್ತು ನಿರ್ಮಾಣ ವಲಯ (Construction)

4 ಚಿಲ್ಲರೆ ವ್ಯಾಪಾರ (Retail & Sales)

5 ಮಾಧ್ಯಮ, ಅತಿಥ್ಯ (Hospitality) ಹಾಗೂ ಔಷಧ ತಯಾರಿಕಾ (Pharma) ಸಂಸ್ಥೆಗಳು.

ಉಚಿತ ಪ್ರೀ-ಓರಿಯಂಟೇಶನ್ (Pre-Orientation) ತರಬೇತಿ
ಉದ್ಯೋಗಾಕಾಂಕ್ಷಿಗಳು ಸಂದರ್ಶನ ಎದುರಿಸಲು ಸೂಕ್ತ ತಯಾರಿ ನಡೆಸಲು ಅನುಕೂಲವಾಗುವಂತೆ ಆಳ್ವಾಸ್ ತಜ್ಞರ ತಂಡದಿಂದ ವಿವಿಧ ಪ್ರದೇಶಗಳಲ್ಲಿ ಉಚಿತ ತರಬೇತಿ ಕಾರ್ಯಕ್ರಮ ಆಯೋಜಿಸಲಾಗಿದೆ:
ತರಬೇತಿ ಕೇಂದ್ರಗಳು: ಬಂಟ್ವಾಳ, ಪುತ್ತೂರು, ಕುಂದಾಪುರ, ಸುಬ್ರಹ್ಮಣ್ಯ, ಮೂಡುಬಿದಿರೆ, ಮಂಗಳೂರು, ಕಾಪು ಮತ್ತು ಉಪ್ಪಳ.