* ವಿಶ್ವ ಪ್ಯಾರಾ ಅಥ್ಲೆಟಿಕ್ಸ್ ಚಾಂಪಿಯನ್‌ಷಿಪ್‌ನಲ್ಲಿ ಭಾರತವು ದಾಖಲೆಬದ್ಧ 22 ಪದಕಗಳನ್ನು ಗೆದ್ದು 10ನೇ ಸ್ಥಾನ ಪಡೆದಿದೆ.* ಭಾರತವು 6 ಚಿನ್ನ, 9 ಬೆಳ್ಳಿ ಮತ್ತು 7 ಕಂಚಿನ ಪದಕಗಳನ್ನು ಗಳಿಸಿತು. ಬ್ರೆಜಿಲ್‌, ಚೀನಾ ಮತ್ತು ಇರಾನ್ ಕ್ರಮವಾಗಿ ಮೊದಲ ಮೂರು ಸ್ಥಾನಗಳನ್ನು ಪಡೆದವು.* ಬಳಲಿಕೆ ಮತ್ತು ಬೆನ್ನುನೋವಿನ ನಡುವೆಯೂ ಭಾರತದ ಸಿಮ್ರನ್ ಶರ್ಮಾ ಅವರು ಮಹಿಳೆಯರ 200 ಮೀ. (ಟಿ12) ಓಟದಲ್ಲಿ ಬೆಳ್ಳಿ ಪದಕ ಗೆದ್ದರು. ಈ ಮೂಲಕ ಅವರು ವಿಶ್ವಮಟ್ಟದಲ್ಲಿ ತಮ್ಮ ಮೂರನೇ ಪದಕವನ್ನು ಗಳಿಸಿದರು.* ಮಹಿಳೆಯರ 100 ಮೀ. (ಟಿ35) ಓಟದಲ್ಲಿ ಪ್ರೀತಿ ಪಾಲ್‌ ಗಟ್ಟಿ ಮನೋಬಲ ತೋರಿಸಿ ಬೆಳ್ಳಿ ಪದಕ ಪಡೆದರು, ಸ್ಟಾರ್ಟರ್‌ ಪಿಸ್ತೂಲ್ ದೋಷದಿಂದ ಓಟವನ್ನು ಎರಡು ಬಾರಿ ಪ್ರಾರಂಭಿಸಬೇಕಾದ ಸವಾಲುಗಳ ನಡುವೆಯೂ ಅವರು ಸಾಧನೆ ಮಾಡಿದರು.* ಪ್ಯಾರಿಸ್‌ ಪ್ಯಾರಾಲಿಂಪಿಕ್ಸ್‌ ಚಿನ್ನ ವಿಜೇತ ನವದೀಪ್‌ ಸಿಂಗ್‌ ಎಫ್‌41 ಜಾವೆಲಿನ್‌ ಸ್ಪರ್ಧೆಯಲ್ಲಿ ಬೆಳ್ಳಿ ಪದಕ ಪಡೆದರು. ಇರಾನ್‌ನ ಸದೆಗ್ ಬಿಯೆತ್‌ ಸಯಾ ಚಿನ್ನ ಗೆದ್ದರು.* ಪುರುಷರ 200 ಮೀ. (ಟಿ44) ಓಟದಲ್ಲಿ ಸಂದೀಪ್‌ 23.60 ಸೆಕೆಂಡ್‌ಗಳಲ್ಲಿ ಓಡಿ ಕಂಚಿನ ಪದಕ ಪಡೆದರು.
