Trump deadline to open Hormuz

ಪ್ರಚಲಿತ ಘಟನೆಗಳು

ಹರ್ಮುಜ್ ಜಲಸಂಧಿ ಬಿಕ್ಕಟ್ಟು: ಇರಾನ್‌ಗೆ ಟ್ರಂಪ್ 48 ಗಂಟೆಗಳ ಗಡುವು!

Authored by: Akshata Halli Date: 23 ಮಾರ್ಚ್ 2026

➤ ಪಶ್ಚಿಮ ಏಷ್ಯಾದಲ್ಲಿ ಯುದ್ಧದ ಭೀತಿ ತಾರಕಕ್ಕೇರಿದೆ. ಇರಾನ್‌ನ ಹರ್ಮುಜ್ ಜಲಸಂಧಿ (Strait of Hormuz) ದಿಗ್ಬಂಧನ ಮತ್ತು ಇಸ್ರೇಲ್ ಮೇಲಿನ ದಾಳಿಯ ಹಿನ್ನೆಲೆಯಲ್ಲಿ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಇರಾನ್‌ಗೆ ಕಠಿಣ ಎಚ್ಚರಿಕೆ ನೀಡಿದ್ದಾರೆ.
- ಟ್ರಂಪ್ ಎಚ್ಚರಿಕೆ: ಹರ್ಮುಜ್ ಜಲಸಂಧಿಯನ್ನು ಸಂಪೂರ್ಣವಾಗಿ ಮುಕ್ತಗೊಳಿಸಲು ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಇರಾನ್‌ಗೆ 48 ಗಂಟೆಗಳ ಕಾಲಾವಕಾಶ ನೀಡಿದ್ದಾರೆ. ಒಂದು ವೇಳೆ ಜಲಸಂಧಿ ತೆರೆಯದಿದ್ದರೆ ಇರಾನ್‌ನ ವಿದ್ಯುತ್ ಸ್ಥಾವರಗಳನ್ನು ನಾಶಪಡಿಸುವುದಾಗಿ ಬೆದರಿಕೆ ಹಾಕಿದ್ದಾರೆ.
- ಇರಾನ್ ಪ್ರತಿಕ್ರಿಯೆ: ಇರಾನ್‌ನ ವೈರಿ ರಾಷ್ಟ್ರಗಳನ್ನು ಹೊರತುಪಡಿಸಿ ಉಳಿದೆಲ್ಲಾ ಹಡಗುಗಳ ಸಂಚಾರಕ್ಕೆ ಜಲಸಂಧಿ ಮುಕ್ತವಾಗಿದೆ ಎಂದು ಇರಾನ್‌ನ ಐಎಂಒ (IMO) ಪ್ರತಿನಿಧಿ ಅಲಿ ಮೌಸವಿ ತಿಳಿಸಿದ್ದಾರೆ.
- ಇಸ್ರೇಲ್‌ನ 'ಲಿಟಲ್ ಇಂಡಿಯಾ' ಮೇಲೆ ದಾಳಿ: ದಕ್ಷಿಣ ಇಸ್ರೇಲ್‌ನ ಭಾರತೀಯರು ಹೆಚ್ಚಾಗಿ ವಾಸಿಸುವ ಡಿಮೋನಾ (Dimona) ಪಟ್ಟಣದ ಮೇಲೆ ಇರಾನ್ ಕ್ಷಿಪಣಿ ದಾಳಿ ನಡೆಸಿದ್ದು, 47 ಜನರು ಗಾಯಗೊಂಡಿದ್ದಾರೆ.
- ಯುದ್ಧಕ್ಕೆ ಬ್ರಿಟನ್ ಎಂಟ್ರಿ: ಹಿಂದೂ ಮಹಾಸಾಗರದ ಅಮೆರಿಕ-ಬ್ರಿಟನ್ ಜಂಟಿ ಸೇನಾ ನೆಲೆ ಮೇಲೆ ಇರಾನ್ ದಾಳಿ ಮಾಡಿದ ಬೆನ್ನಲ್ಲೇ, ಬ್ರಿಟನ್ ತನ್ನ ಶಕ್ತಿಶಾಲಿ ಎಚ್‌ಎಂಎಸ್ ಆನ್ಸನ್ (HMS Anson) ಪರಮಾಣು ಜಲಾಂತರ್ಗಾಮಿಯನ್ನು ಅರಬ್ಬಿ ಸಮುದ್ರದಲ್ಲಿ ನಿಯೋಜಿಸಿದೆ.
➤ ಹರ್ಮುಜ್ ಜಲಸಂಧಿಯ ಮಹತ್ವ: ಹರ್ಮುಜ್ ಜಲಸಂಧಿಯು ಜಗತ್ತಿನ ಅತ್ಯಂತ ಪ್ರಮುಖ ತೈಲ ಸಾಗಾಣಿಕಾ ಮಾರ್ಗವಾಗಿದೆ. ವಿಶ್ವದ ಒಟ್ಟು ತೈಲ ಬಳಕೆಯ ಸುಮಾರು 20% ಕ್ಕೂ ಹೆಚ್ಚು ಭಾಗ ಈ ಕಿರಿದಾದ ಜಲಸಂಧಿಯ ಮೂಲಕವೇ ಸಾಗುತ್ತದೆ. ಇದು ಪರ್ಷಿಯನ್ ಕೊಲ್ಲಿ ಮತ್ತು ಓಮನ್ ಕೊಲ್ಲಿಯನ್ನು ಸಂಪರ್ಕಿಸುತ್ತದೆ.
➤ ಬ್ರಿಟನ್‌ನ 'ಎಚ್‌ಎಂಎಸ್ ಆನ್ಸನ್' ಸಾಮರ್ಥ್ಯ: ಬ್ರಿಟನ್ ನಿಯೋಜಿಸಿರುವ ಈ ಜಲಾಂತರ್ಗಾಮಿ ಅತ್ಯಂತ ಆಧುನಿಕವಾಗಿದ್ದು, ಈ ಕೆಳಗಿನ ಶಸ್ತ್ರಾಸ್ತ್ರಗಳನ್ನು ಹೊಂದಿದೆ:
- ಟೊಮಾಹಾಕ್ ಬ್ಲಾಕ್ IV ಕ್ಷಿಪಣಿಗಳು: ಇವು 1,600 ಕಿ.ಮೀ ದೂರದ ಗುರಿಯನ್ನು ನಿಖರವಾಗಿ ಧ್ವಂಸ ಮಾಡಬಲ್ಲವು.
- ಸ್ಪಿಯರ್‌ಫಿಶ್ ಟಾರ್ಪಿಡೊ: ಶತ್ರು ಹಡಗುಗಳನ್ನು ನೀರಿನಡಿಯಲ್ಲೇ ಹೊಡೆದುರುಳಿಸುವ ಸಾಮರ್ಥ್ಯ ಹೊಂದಿದೆ.

Take Quiz

Loading..!

ಪ್ರಚಲಿತ ಘಟನೆಗಳು