Job Description: ➤ ದೇಶದ ಅತ್ಯಂತ ಹಳೆಯ ಪರ್ವತ ಶ್ರೇಣಿಗಳಲ್ಲಿ ಒಂದಾದ ಅರಾವಳಿ ಶ್ರೇಣಿಯ (Aravalli Range) ವ್ಯಾಖ್ಯಾನ ಮತ್ತು ಗಡಿ ಗುರುತಿಸುವಿಕೆಗೆ ಸಂಬಂಧಿಸಿದಂತೆ ಎದ್ದಿರುವ ಗಂಭೀರ ಗೊಂದಲಗಳನ್ನು ಬಗೆಹರಿಸಲು ಸುಪ್ರೀಂ ಕೋರ್ಟ್ ಮಹತ್ವದ ನಿರ್ಧಾರ ಕೈಗೊಂಡಿದೆ. ಕೇಂದ್ರ ಪರಿಸರ ಸಚಿವಾಲಯದ ವರದಿಯನ್ನು ಸ್ವತಂತ್ರವಾಗಿ ಪರಿಶೀಲಿಸಲು 5 ಸದಸ್ಯರ ಉನ್ನತ ಮಟ್ಟದ ತಜ್ಞರ ಸಮಿತಿಯನ್ನು ರಚಿಸಿ ಸುಪ್ರೀಂ ಕೋರ್ಟ್ ಆದೇಶ ಹೊರಡಿಸಿದೆ.➤ ಸಮಿತಿಯ ಪ್ರಮುಖ ಅಂಶಗಳು:- ಪೀಠದ ನೇತೃತ್ವ: ನ್ಯಾಯಮೂರ್ತಿ ಸೂರ್ಯಕಾಂತ್ ನೇತೃತ್ವದ ಸುಪ್ರೀಂ ಕೋರ್ಟ್ ಪೀಠವು ಈ ಆದೇಶವನ್ನು ನೀಡಿದೆ.- ಸಮಿತಿಯ ಅಧ್ಯಕ್ಷರು: ಭಾರತೀಯ ಅರಣ್ಯ ಸಂಶೋಧನೆ ಮತ್ತು ಶಿಕ್ಷಣ ಮಂಡಳಿಯ (ICFRE) ಮಹಾನಿರ್ದೇಶಕಿಯಾಗಿರುವ ಕಾಂಚನ್ ದೇವಿ.- ವರದಿ ಸಲ್ಲಿಕೆಗೆ ಗಡುವು: ಸಮಿತಿಯು 2026ರ ಆಗಸ್ಟ್ 31 ರೊಳಗೆ ತನ್ನ ಸಮಗ್ರ ವರದಿಯನ್ನು ಸಲ್ಲಿಸಬೇಕಾಗಿದೆ. ಸುಪ್ರೀಂ ಕೋರ್ಟ್ ಈ ವಿಷಯದ ಮುಂದಿನ ವಿಚಾರಣೆಯನ್ನು ಸೆಪ್ಟೆಂಬರ್ ತಿಂಗಳಲ್ಲಿ ನಡೆಸಲಿದೆ. ➤ ಸಮಿತಿಯಲ್ಲಿರುವ ಪ್ರಮುಖ ತಜ್ಞರು: ಕಾಂಚನ್ ದೇವಿ (ಅಧ್ಯಕ್ಷರು) - ಮಹಾನಿರ್ದೇಶಕಿ, ICFRE. ಡಾ. ಸುಭಾಷ್ ಅಶುತೋಷ್ - ಮಾಜಿ ಮಹಾನಿರ್ದೇಶಕರು, ಭಾರತೀಯ ಅರಣ್ಯ ಸಮೀಕ್ಷೆ (FSI). ಡಾ. ರಾಜೇಂದ್ರ ಕುಮಾರ್ ಶರ್ಮಾ - ಮಾಜಿ ನಿರ್ದೇಶಕರು, ಭಾರತೀಯ ಭೂವೈಜ್ಞಾನಿಕ ಸಮೀಕ್ಷೆ (GSI). ಪ್ರೊ. ಜಗದೀಶ್ ಕೃಷ್ಣಸ್ವಾಮಿ (ವಿಶೇಷ ಆಹ್ವಾನಿತರು) - ಬೆಂಗಳೂರಿನ ಪರಿಸರ ತಜ್ಞರು. ➤ ವಿವಾದ: ಕೇಂದ್ರ ಪರಿಸರ ಸಚಿವಾಲಯದ ಹಿಂದಿನ ವರದಿಯಲ್ಲಿ ಅರಾವಳಿ ಬೆಟ್ಟಗಳನ್ನು ಗುರುತಿಸಲು "100 ಮೀಟರ್ ಎತ್ತರ ಮತ್ತು 500 ಮೀಟರ್ ಅಂತರ" ಎಂಬ ವಿವಾದಾತ್ಮಕ ಮಾನದಂಡವನ್ನು ಬಳಸಲಾಗಿತ್ತು. ಈ ಮಾನದಂಡವನ್ನು ಅನ್ವಯಿಸಿದರೆ, ರಾಜಸ್ಥಾನದಲ್ಲಿರುವ ಒಟ್ಟು 12,081 ಅರಾವಳಿ ಬೆಟ್ಟಗಳ ಪೈಕಿ ಕೇವಲ 1,048 ಬೆಟ್ಟಗಳು ಮಾತ್ರ 'ಅರಾವಳಿ ಶ್ರೇಣಿ' ವ್ಯಾಪ್ತಿಗೆ ಒಳಪಡುತ್ತಿದ್ದವು. ಉಳಿದ ಬೆಟ್ಟಗಳು ಕಾನೂನು ರಕ್ಷಣೆಯಿಂದ ಹೊರಗುಳಿದು, ಗಣಿಗಾರಿಕೆ (Mining Mafia) ಮತ್ತು ರಿಯಲ್ ಎಸ್ಟೇಟ್ ದಂಧೆಗೆ ಬಲಿಯಾಗುವ ಆತಂಕ ಎದುರಾಗಿತ್ತು. ➤ ಈ ಗಂಭೀರ ಲೋಪವನ್ನು ಸರಿಪಡಿಸಲು ಪರಿಸರವಾದಿಗಳು ಮತ್ತು ಎನ್‌ಜಿಒಗಳು ಕೋರ್ಟ್ ಮೆಟ್ಟಿಲೇರಿದ್ದವು. ಪ್ರಸ್ತುತ ಹೊಸ ಸಮಿತಿಯು ಸಾರ್ವಜನಿಕರು, ಪರಿಸರವಾದಿಗಳು, ಗಣಿಗಾರಿಕೆ ಗುತ್ತಿಗೆದಾರರು ಮತ್ತು ಸ್ಥಳೀಯ ಗ್ರಾಮಸ್ಥರಿಂದ ಆಕ್ಷೇಪಣೆ ಹಾಗೂ ಸಲಹೆಗಳನ್ನು ಸ್ವೀಕರಿಸಿ ಹೊಸ ವರದಿ ತಯಾರಿಸಲಿದೆ.
