ಸುಧರ್ಶನ್ ಪಟ್ನಾಯಕ್ ವಿಶ್ವದಾಖಲೆ: ಆಪಲ್‌ಗಳಿಂದ ನಿರ್ಮಿತ ಭವ್ಯ ಸಾಂತಾ ಕ್ಲಾಸ್

ಪ್ರಚಲಿತ ಘಟನೆಗಳು

Authored by: Akshata Halli Date: 28 ಡಿಸೆಂಬರ್ 2025

* ಕ್ರಿಸ್‌ಮಸ್ ಸಂಭ್ರಮದಲ್ಲಿ ದೇಶವ್ಯಾಪಿ ಆನಂದ ಹಬ್ಬಿರುವ ಸಂದರ್ಭದಲ್ಲಿ, ಒಡಿಶಾದ ಪುರಿಯ ನಿಲಾದ್ರಿ ಬೀಚ್‌ನಲ್ಲಿ ಖ್ಯಾತ ಮರಳು ಶಿಲ್ಪಿ ಹಾಗೂ ಪದ್ಮಶ್ರೀ ಪುರಸ್ಕೃತ ಸುಧರ್ಶನ್ ಪಟ್ನಾಯಕ್ ಅವರು ವಿಶ್ವ ದಾಖಲೆಸೃಷ್ಟಿಸಿದ್ದಾರೆ. “ವಿಶ್ವದ ಅತಿದೊಡ್ಡ ಆಪಲ್ ಮತ್ತು ಮರಳು ಸಾಂತಾ ಕ್ಲಾಸ್ ಶಿಲ್ಪ” ಎಂಬ ಶೀರ್ಷಿಕೆಯಡಿ ರೂಪುಗೊಂಡ ಈ ವಿಶಿಷ್ಟ ಕಲಾಕೃತಿ, ಹಬ್ಬದ ಸಂಭ್ರಮದ ಜೊತೆಗೆ ಶಾಂತಿ, ಸೌಹಾರ್ದತೆ ಮತ್ತು ಏಕತೆಯ ಸಂದೇಶವನ್ನು ವಿಶ್ವಕ್ಕೆ ನೀಡಿತು.
* ಪುರಿ ಜಿಲ್ಲೆಯ ನಿಲಾದ್ರಿ ಬೀಚ್, ಒಡಿಶಾದಲ್ಲಿ ಗುರುವಾರ ಈ ವಿಶಿಷ್ಟ ಕಲಾಕೃತಿಯನ್ನು ಸಾರ್ವಜನಿಕರಿಗೆ ಅನಾವರಣಗೊಳಿಸಲಾಯಿತು. ಕ್ರಿಸ್‌ಮಸ್ ಹಬ್ಬದ ಸಂಭ್ರಮದ ನಡುವೆ ಪ್ರದರ್ಶಿತವಾದ ಈ ಶಿಲ್ಪವನ್ನು ವಿಶ್ವ ದಾಖಲೆ ಪುಸ್ತಕ (World Records Book of India) ಅಧಿಕೃತವಾಗಿ ಗುರುತಿಸಿ ವಿಶ್ವ ದಾಖಲೆಯಾಗಿ ಘೋಷಿಸಿದೆ.
* ಈ ವಿಶ್ವದಾಖಲೆ ಶಿಲ್ಪವನ್ನು ಪದ್ಮಶ್ರೀ ಪ್ರಶಸ್ತಿ ಪುರಸ್ಕೃತ ಖ್ಯಾತ ಮರಳು ಶಿಲ್ಪಿ ಸುಧರ್ಶನ್ ಪಟ್ನಾಯಕ್ ಅವರು ರೂಪಿಸಿದ್ದು, ಇದರ ವಿಷಯವಾಗಿ ಸಾಂತಾ ಕ್ಲಾಸ್ ಅನ್ನು ಆಯ್ಕೆ ಮಾಡಲಾಗಿದೆ. ವಿಶೇಷತೆಯಾಗಿ, ಈ ಶಿಲ್ಪವನ್ನು 1.5 ಟನ್ ಆಪಲ್‌ಗಳು ಮತ್ತು ಮರಳು ಬಳಸಿ ನಿರ್ಮಿಸಲಾಗಿದೆ.
* ಈ ಭವ್ಯ ಶಿಲ್ಪವು 60 ಅಡಿ ಉದ್ದ, 45 ಅಡಿ ಅಗಲ ಮತ್ತು 22 ಅಡಿ ಎತ್ತರ ಹೊಂದಿದ್ದು, ಗಾತ್ರ ಮತ್ತು ವಿನ್ಯಾಸದ ದೃಷ್ಟಿಯಿಂದ ಪ್ರವಾಸಿಗರ ಗಮನವನ್ನು ಸೆಳೆದಿದೆ. ಕೇವಲ ಹಬ್ಬದ ಸಂಭ್ರಮವಷ್ಟೇ ಅಲ್ಲದೆ, ಈ ಕಲಾಕೃತಿಯ ಮೂಲಕ ವಿಶ್ವ ಶಾಂತಿ ಮತ್ತು ಸೌಹಾರ್ದತೆಯ ಸಂದೇಶವನ್ನು ಸಮಾಜಕ್ಕೆ ಸಾರಲಾಗಿದೆ. ಈ ಸಾಧನೆಯ ಮೂಲಕ ಸುಧರ್ಶನ್ ಪಟ್ನಾಯಕ್ ಮತ್ತೊಂದು ವಿಶ್ವ ದಾಖಲೆಯನ್ನು ತಮ್ಮ ಹೆಸರಿಗೆ ಸೇರಿಸಿಕೊಂಡಿದ್ದಾರೆ.

Take Quiz

Loading..!

ಪ್ರಚಲಿತ ಘಟನೆಗಳು