* ಬ್ರಿಕ್ಸ್ ಮೂಲಕ ಉದಯೋನ್ಮುಖ ಆರ್ಥಿಕತೆಗಳ ನಡುವಿನ ಸಹಕಾರ ಬಲಪಡಿಸಲು ಭಾರತ ಬದ್ಧವಾಗಿದೆ ಎಂದು ಮೋದಿ ತಿಳಿಸಿದರು. ಶಾಂತಿಯುತ, ಸಮಾನ ಮತ್ತು ಪ್ರಜಾಪ್ರಭುತ್ವಾತ್ಮಕ ವಿಶ್ವ ವ್ಯವಸ್ಥೆಗಾಗಿ ಭಾರತ ಶ್ರಮಿಸುತ್ತಿದೆ.
* ಘಾನಾ : ಜುಲೈ 2–3ರಂದು ಅವರು ಘಾನಾ ಭೇಟಿಯ ದೆಸೆಯಿಂದ ಅಧ್ಯಕ್ಷ ಜಾನ್ ಮಹಾಮಾ ಅವರ ಆಹ್ವಾನದ ಮೇರೆಗೆ ಅಲ್ಲಿಗೆ ತೆರಳಿದರು. ಹೂಡಿಕೆ, ಇಂಧನ, ಆರೋಗ್ಯ, ಭದ್ರತೆ ಸೇರಿದಂತೆ ಸಹಕಾರ ಹೆಚ್ಚಿಸುವ ಗುರಿಯಿದೆ. ಅಲ್ಲಿನ ಸಂಸತ್ತಿನಲ್ಲಿ ಅವರು ಭಾಷಣ ಮಾಡುವ ನಿರೀಕ್ಷೆಯೂ ಇದೆ.
* ಟ್ರಿನಿಡಾಡ್‌ ಮತ್ತು ಟೊಬಾಗೊ: ಜುಲೈ 4–5 ರಂದು ಮೋದಿ ಈ ದೇಶಕ್ಕೆ ಭೇಟಿ ನೀಡಿ ಅಧ್ಯಕ್ಷೆ ಕಂಗಲೂ ಮತ್ತು ಪ್ರಧಾನಿ ಬಿಸ್ಸೆಸ್ಸರ್‌ ಅವರನ್ನು ಭೇಟಿಮಾಡಲಿದ್ದಾರೆ. ಈ ಭೇಟಿಯಿಂದ ಐತಿಹಾಸಿಕ ಜನರ ಸಂಪರ್ಕ ಪುನರುಜ್ಜೀವನಗೊಳ್ಳಲಿದೆ.
* ಅರ್ಜೆಂಟೀನಾ: 57 ವರ್ಷಗಳ ಬಳಿಕ ಭಾರತದ ಪ್ರಧಾನಿ ಅರ್ಜೆಂಟೀನಾಗೆ ದ್ವಿಪಕ್ಷೀಯ ಭೇಟಿಗೆ ತೆರಳುತ್ತಿದ್ದಾರೆ. ಕೃಷಿ, ಖನಿಜ, ಇಂಧನ, ಹೂಡಿಕೆ ಮತ್ತಿತರ ಕ್ಷೇತ್ರಗಳಲ್ಲಿ ಸಹಕಾರ ಹೆಚ್ಚಿಸಲು ಅವರು ಅಧ್ಯಕ್ಷ ಮಿಲಿ ಅವರನ್ನು ಭೇಟಿಮಾಡಲಿದ್ದಾರೆ.
* ಬ್ರೆಜಿಲ್ ಮತ್ತು ಬ್ರಿಕ್ಸ್ ಶೃಂಗಸಭೆ: ಜುಲೈ 6–7ರಂದು ರಿಯೋ ಡಿ ಜನೈರೊದಲ್ಲಿ ನಡೆಯಲಿರುವ ಬ್ರಿಕ್ಸ್ ಶೃಂಗಸಭೆಯಲ್ಲಿ ಮೋದಿ ಭಾಗವಹಿಸಲಿದ್ದಾರೆ. ನಂತರ ಬ್ರೆಸಿಲಿಯಾ ದ್ವಿಪಕ್ಷೀಯ ಭೇಟಿಗೆ ತೆರಳಲಿದ್ದಾರೆ. ಬ್ರೆಜಿಲ್ ಅಧ್ಯಕ್ಷ ಲುಲಾ ದ ಸಿಲ್ವಾ ಜತೆಗೆ ಜಾಗತಿಕ ದಕ್ಷಿಣದ ಒಗ್ಗಟ್ಟಿಗೆ ಭಾರತ ಬದ್ಧವಾಗಿದೆ ಎಂದು ತಿಳಿಸಿದರು.
* ನಮೀಬಿಯಾ: ಕೊನೆಗೆ ಅವರು ನಮೀಬಿಯಾಗೆ ಭೇಟಿ ನೀಡಿ ಅಧ್ಯಕ್ಷ ನೆಟುಂಬೊ ನಂದಿ-ನ್ಡೈಟ್ವಾ ಅವರನ್ನು ಭೇಟಿಮಾಡಲಿದ್ದಾರೆ. ಸಂಸತ್ತಿನಲ್ಲಿ ಭಾಷಣ ಮಾಡುವ ಯೋಜನೆಯಿದೆ. ಭಾರತ–ನಮೀಬಿಯಾ ಬಾಂಧವ್ಯವನ್ನು ಬಲಪಡಿಸುವ ಗುರಿಯಿದೆ.
* ಈ ಐದು ರಾಷ್ಟ್ರಗಳ ಪ್ರವಾಸದ ಮೂಲಕ ಭಾರತ ಜಾಗತಿಕ ದಕ್ಷಿಣದ ಬಾಂಧವ್ಯವನ್ನು ಗಾಢಗೊಳಿಸಿ, ಅಟ್ಲಾಂಟಿಕ್‌ನ ಎರಡೂ ತೀರದ ಪಾಲುದಾರಿಕೆಯನ್ನು ಬಲಪಡಿಸಲು ಪ್ರಯತ್ನಿಸುತ್ತಿದೆ.