ಪ್ರಾಣಿ ಹಕ್ಕು ಹೋರಾಟಕ್ಕೆ ಗೌರವ: ರವೀನಾ ಟಂಡನ್‌ಗೆ ವರ್ಷದ ವ್ಯಕ್ತಿ ಪ್ರಶಸ್ತಿ

ಪ್ರಚಲಿತ ಘಟನೆಗಳು

ಪ್ರಾಣಿ ಹಕ್ಕು ಹೋರಾಟಕ್ಕೆ ಗೌರವ: ರವೀನಾ ಟಂಡನ್‌ಗೆ ವರ್ಷದ ವ್ಯಕ್ತಿ ಪ್ರಶಸ್ತಿ12 ಡಿಸೆಂಬರ್ 2025

* ಖ್ಯಾತ ಬಾಲಿವುಡ್ ನಟಿ ಹಾಗೂ ಪ್ರಾಣಿ ಹಕ್ಕುಗಳ ಪರ ಹೋರಾಟಗಾರ್ತಿ ರವೀನಾ ಟಂಡನ್ ಅವರನ್ನು ‘PETA India’ (People for the Ethical Treatment of Animals – India) ಸಂಸ್ಥೆಯು 2025 ರ ವರ್ಷದ ವ್ಯಕ್ತಿ (Person of the Year) ಎಂದು ಘೋಷಿಸಿದೆ. ಪ್ರಾಣಿ ಹಕ್ಕುಗಳ ರಕ್ಷಣೆಗೆ ಹಾಗೂ ಕಲ್ಯಾಣಕ್ಕಾಗಿ ನೀಡುತ್ತಿರುವ ಅವಿರತ ಸೇವೆ, ಜಾಗೃತಿ ಮೂಡಿಸುವ ಅಭಿಯಾನಗಳಲ್ಲಿ ಸಕ್ರಿಯ ಪಾಲ್ಗೊಳ್ಳಿಕೆ ಮತ್ತು ಸಮಾಜದಲ್ಲಿ ಮಾನವೀಯ ಮೌಲ್ಯಗಳನ್ನು ಬೆಳೆಸುವ ಅವರ ನಿಲುವು ಈ ಗೌರವಕ್ಕೆ ಕಾರಣವಾಗಿದೆ.
* ‘ಪೆಟಾ ಇಂಡಿಯಾ’ ಪ್ರತೀ ವರ್ಷ ಪ್ರಾಣಿ ಹಕ್ಕುಗಳ ಕ್ಷೇತ್ರದಲ್ಲಿ ಅನನ್ಯ, ಪ್ರೇರಣಾದಾಯಕ ಕೊಡುಗೆ ನೀಡಿರುವ ವ್ಯಕ್ತಿಗಳ ಸಾಧನೆಯನ್ನು ಗುರುತಿಸಿ ಈ ಪ್ರಶಸ್ತಿಯನ್ನು ಪ್ರದಾನ ಮಾಡುತ್ತದೆ. ಪ್ರಾಣಿಗಳ ಮೇಲಿನ ಕ್ರೂರತೆಯನ್ನು ಕಡಿಮೆ ಮಾಡಲು, ಬೀದಿ ಪ್ರಾಣಿಗಳ ದತ್ತು ಸ್ವೀಕಾರಕ್ಕೆ ಜನರನ್ನು ಪ್ರೇರೇಪಿಸಲು ಹಾಗೂ ಸಸ್ಯಹಾರಿ ಮತ್ತು ಪರಿಸರ ಸ್ನೇಹಿ ಜೀವನಶೈಲಿಯನ್ನು ಜನರಿಗೆ ಪರಿಚಯಿಸಲು ರವೀನಾ ಟಂಡನ್ ಹಲವು ಸಾಮಾಜಿಕ ಜಾಗೃತಿ ಕಾರ್ಯಕ್ರಮಗಳು, ಪ್ರಚಾರ ಚಟುವಟಿಕೆಗಳು ಮತ್ತು ಅಭಿಯಾನಗಳಲ್ಲಿ ಮುಂಚೂಣಿಯಾಗಿ ಕಾಣಿಸಿಕೊಂಡಿದ್ದಾರೆ.
* ಅವರ ಧ್ವನಿ, ಜನಪ್ರಿಯತೆ ಮತ್ತು ನಿಸ್ವಾರ್ಥ ಸೇವೆಯು ಸಮಾಜದಲ್ಲಿ ಪ್ರಾಣಿ ಹಕ್ಕುಗಳ ಮಹತ್ವವನ್ನು ಅರಿವಿಗೆ ತರುವಲ್ಲಿ ಮಹತ್ತರ ಪಾತ್ರ ವಹಿಸಿರುವುದರಿಂದ, ಈ ವಿಶಿಷ್ಟ ಗೌರವವನ್ನು ಅವರಿಗೆ ನೀಡಲಾಗಿದೆ.

Take Quiz

Loading..!

ಪ್ರಚಲಿತ ಘಟನೆಗಳು