Job Description: ➤ ಪ್ರಸ್ತುತ ಭಾರತವು ಸೌರ ಮಾಡ್ಯೂಲ್ (Solar Modules) ಮತ್ತು ಸೆಲ್ (Solar Cells) ಜೋಡಣೆಯಲ್ಲಿ ಗಮನಾರ್ಹ ಬೆಳವಣಿಗೆ ಕಂಡಿದ್ದರೂ, ಈ ಪ್ರಕ್ರಿಯೆಗೆ ಬೇಕಾಗುವ ಪ್ರಾಥಮಿಕ ಕಚ್ಚಾವಸ್ತುವಾದ ಪಾಲಿಸಿಲಿಕಾನ್ಗಾಗಿ ಚೀನಾವನ್ನೇ ಸಂಪೂರ್ಣವಾಗಿ ಆಶ್ರಯಿಸಿದೆ. ಆದ್ದರಿಂದ, ದೇಶೀಯವಾಗಿ ಅಪ್‌ಸ್ಟ್ರೀಮ್ (Upstream) ಅಂದರೆ ಮೂಲ ಮಟ್ಟದ ಕಚ್ಚಾವಸ್ತು ಶುದ್ಧೀಕರಣ ಹಾಗೂ ತಯಾರಿಕೆಯನ್ನು ಹೆಚ್ಚಿಸಲು ಕೇಂದ್ರ ಸರ್ಕಾರವು ಈ ಪ್ರತ್ಯೇಕ ಪಿಎಲ್‌ಐ ಯೋಜನೆಯನ್ನು ರೂಪಿಸುತ್ತಿದೆ.➤ ಪಾಲಿಸಿಲಿಕಾನ್ ಎಂಬುದು ಸಂಕೀರ್ಣ ರಾಸಾಯನಿಕ ಪ್ರಕ್ರಿಯೆಯಿಂದ ತಯಾರಾಗುವ ಅತ್ಯಧಿಕ ಶುದ್ಧತೆಯ ಸಿಲಿಕಾನ್ ರೂಪವಾಗಿದ್ದು, ಇದನ್ನು ಸೌರಕೋಶಗಳು ಮತ್ತು ಸೆಮಿಕಂಡಕ್ಟರ್ ಚಿಪ್‌ಗಳ ತಯಾರಿಕೆಗೆ ಅಗತ್ಯವಿರುವ ಮುಖ್ಯ ಕಚ್ಚಾವಸ್ತುವಾಗಿ ಬಳಸಲಾಗುತ್ತದೆ.➤ ಈ ಹೊಸ ಪಿಎಲ್‌ಐ ಯೋಜನೆಯ ಪ್ರಮುಖ ವೈಶಿಷ್ಟ್ಯಗಳು: ಸ್ವತಂತ್ರ ಕೈಗಾರಿಕಾ ವಿಭಾಗವಾಗಿ ಪರಿಗಣನೆ: ಪಾಲಿಸಿಲಿಕಾನ್ ತಯಾರಿಕೆಯನ್ನು ಕೇವಲ ಸೌರ ಉದ್ಯಮದ ಭಾಗವಾಗಿ ನೋಡದೆ, ಇದನ್ನು ಪ್ರತ್ಯೇಕ ರಾಸಾಯನಿಕ ಮತ್ತು ಸಂಸ್ಕರಣಾ ಉದ್ಯಮವಾಗಿ ಸರ್ಕಾರ ಗುರುತಿಸಲಿದೆ. 10 GW ಸಾಮರ್ಥ್ಯ ವಿಸ್ತರಣೆ: ಕನಿಷ್ಠ 10 ಗಿಗಾವಾಟ್ ಉತ್ಪಾದನಾ ಸಾಮರ್ಥ್ಯ ಹೊಂದಲು ಖಾಸಗಿ ಕಂಪನಿಗಳಿಗೆ ಆರ್ಥಿಕ ಪ್ರೋತ್ಸಾಹ ನೀಡಲಾಗುತ್ತದೆ. ಮೊದಲಿನ 'ರಾಷ್ಟ್ರೀಯ ಉನ್ನತ ದಕ್ಷತೆಯ ಸೌರ PV ಯೋಜನೆ'ಗಿಂತ ಪ್ರತ್ಯೇಕ: ಈಗಾಗಲೇ 24,000 ಕೋಟಿ ರೂ. ವೆಚ್ಚದ ಸೌರ ಪಿಎಲ್‌ಐ ಯೋಜನೆ ಚಾಲನೆಯಲ್ಲಿದೆಯಾದರೂ, ಅದು ಮೂಲ ಹಂತದ ಪಾಲಿಸಿಲಿಕಾನ್ ಹೂಡಿಕೆಯನ್ನು ನಿರೀಕ್ಷಿತ ಪ್ರಮಾಣದಲ್ಲಿ ಆಕರ್ಷಿಸದ ಕಾರಣ, ಈ ಹೊಸ ಚೌಕಟ್ಟು ರೂಪಿಸಲಾಗುತ್ತಿದೆ. ➤ ಭಾರತಕ್ಕೆ ಇದು ಏಕೆ ಪ್ರಮುಖವಾಗಿದೆ? ಶಕ್ತಿ ಭದ್ರತೆ (Energy Security): 2030ರ ವೇಳೆಗೆ 500 ಗಿಗಾವಾಟ್ (500 GW) ಪಳೆಯುಳಿಕೆಯೇತರ (Non-Fossil Fuel) ವಿದ್ಯುತ್ ಸಾಮರ್ಥ್ಯ ತಲುಪುವ ಬೃಹತ್ ಗುರಿಯನ್ನು ಭಾರತ ಹೊಂದಿದೆ. ಚೀನಾ ಮೇಲಿನ ಆಮದು ಕಡಿತ: ಜಾಗತಿಕವಾಗಿ ಪಾಲಿಸಿಲಿಕಾನ್ ಮಾರುಕಟ್ಟೆಯಲ್ಲಿ ಚೀನಾ ಶೇ. 80-90 ರಷ್ಟು ಏಕಸ್ವಾಮ್ಯ ಹೊಂದಿದೆ. ಪೂರೈಕೆ ಸರಪಳಿ (Supply Chain) ಅಡಚಣೆ ತಪ್ಪಿಸಲು ದೇಶೀಯ ಉತ್ಪಾದನೆ ಅಗತ್ಯ. ಆತ್ಮನಿರ್ಭರ ಭಾರತ: 'ಮೇಕ್ ಇನ್ ಇಂಡಿಯಾ' ಮತ್ತು ಶಕ್ತಿ ಕ್ಷೇತ್ರದಲ್ಲಿ ಸ್ವಾವಲಂಬನೆ ನಿಟ್ಟಿನಲ್ಲಿ ನಿರ್ಣಾಯಕ ಹೆಜ್ಜೆ. ವಿದ್ಯುತ್ ವೆಚ್ಚ ತಗ್ಗಿಸುವಿಕೆ: ಸೌರ ಹಾಗೂ ಗಾಳಿ ವಿದ್ಯುತ್ ಸಂಗ್ರಹಣೆ ಮೂಲಸೌಕರ್ಯದಿಂದಾಗಿ 'ಡಿಸ್ಕಾಮ್‌ಗಳ' (DISCOMs) ಸರಾಸರಿ ವಿದ್ಯುತ್ ಖರೀದಿ ವೆಚ್ಚವೂ ಶೇ. 10-15 ರಷ್ಟು ಕಡಿಮೆಯಾಗಲಿದೆ. ಜೂಲೈ ತಿಂಗಳ ಪ್ರಚಲಿತ ಘಟನೆಗಳನ್ನು ವೀಕ್ಷಿಸಲು ಇಲ್ಲಿ ಕ್ಲಿಕ್ ಮಾಡಿ
