"ಒಲಿಂಪಿಕ್ ಪದಕ ವಿಜೇತ ಬ್ಯಾಡ್ಮಿಂಟನ್ ತಾರೆ ಸೈನಾ ನೆಹ್ವಾಲ್ ಅವರಿಂದ ನಿವೃತ್ತಿ ಘೋಷಣೆ."

ಪ್ರಚಲಿತ ಘಟನೆಗಳು

Authored by: Akshata Halli Date: 21 ಜನವರಿ 2026

➤ ಭಾರತದ ಖ್ಯಾತ ಬ್ಯಾಡ್ಮಿಂಟನ್ ಆಟಗಾರ್ತಿ, ಲಂಡನ್ ಒಲಿಂಪಿಕ್ಸ್ ಕಂಚಿನ ಪದಕ ವಿಜೇತೆ ಸೈನಾ ನೆಹ್ವಾಲ್ ಅವರು ಸ್ಪರ್ಧಾತ್ಮಕ ಬ್ಯಾಡ್ಮಿಂಟನ್‌ಗೆ ಅಧಿಕೃತವಾಗಿ ನಿವೃತ್ತಿ ಘೋಷಿಸಿದ್ದಾರೆ. ದೀರ್ಘಕಾಲದ ಮೊಣಕಾಲು ನೋವು ಮತ್ತು ಸಂಧಿವಾತದ (Arthritis) ಕಾರಣದಿಂದಾಗಿ ಅವರು ಈ ನಿರ್ಧಾರ ಕೈಗೊಂಡಿದ್ದಾರೆ.
➤ ಸೈನಾ ಅವರು ಪಾಡ್‌ಕಾಸ್ಟ್ ಒಂದರಲ್ಲಿ ಮಾತನಾಡುತ್ತಾ, ತಮ್ಮ ಮೊಣಕಾಲಿನ ಕಾರ್ಟಿಲೆಜ್ (Cartilage) ಸಂಪೂರ್ಣವಾಗಿ ಸವಿದುಹೋಗಿದ್ದು, ದಿನಕ್ಕೆ 8-9 ಗಂಟೆಗಳ ಕಾಲ ಅಭ್ಯಾಸ ಮಾಡುವುದು ಅಸಾಧ್ಯವಾಗಿದೆ ಎಂದು ತಿಳಿಸಿದ್ದಾರೆ. "ನನ್ನ ದೇಹವು ಈಗ ಆಟಕ್ಕೆ ಸ್ಪಂದಿಸುತ್ತಿಲ್ಲ, ಹಾಗಾಗಿ ನಾನು ಸ್ವಇಚ್ಛೆಯಿಂದ ಹಿಂದೆ ಸರಿಯುತ್ತಿದ್ದೇನೆ" ಎಂದು ಅವರು ಭಾವನಾತ್ಮಕವಾಗಿ ನುಡಿದಿದ್ದಾರೆ.
➤ ಹರಿಯಾಣದ ಹಿಸಾರ್ ಮೂಲದ, ಪರುಪಳ್ಳಿ ಕಶ್ಯಪ್ ಅವರನ್ನು ವಿವಾಹವಾಗಿರುವ ಸೈನಾ ನೆಹ್ವಾಲ್ ಅವರು 17 ಮಾರ್ಚ್ 1990 ರಂದು ಜನಿಸಿದ್ದು, 2023ರ ಸಿಂಗಪುರ ಓಪನ್‌ನಲ್ಲಿ ತಮ್ಮ ವೃತ್ತಿಜೀವನದ ಕೊನೆಯ ಪಂದ್ಯವನ್ನಾಡಿದ್ದಾರೆ.
➤ ಪ್ರಮುಖ ಜಯಗಳು ಮತ್ತು ದಾಖಲೆಗಳು:
=> ವಿಶ್ವದ ನಂ. 1 ಶ್ರೇಯಾಂಕ:2015ರಲ್ಲಿ ಈ ಸಾಧನೆ ಮಾಡಿದ ಭಾರತದ ಮೊದಲ ಮಹಿಳಾ ಬ್ಯಾಡ್ಮಿಂಟನ್ ಆಟಗಾರ್ತಿ ಎಂಬ ಹೆಗ್ಗಳಿಕೆ ಪಾತ್ರರಾಗಿದ್ದರು (ಪ್ರಕಾಶ್ ಪಡುಕೋಣೆ ನಂತರ ಎರಡನೇ ಭಾರತೀಯರು).
=> ಒಲಿಂಪಿಕ್ಸ್ ಸಾಧನೆ:2012ರ ಲಂಡನ್ ಒಲಿಂಪಿಕ್ಸ್‌ನಲ್ಲಿ ಕಂಚಿನ ಪದಕ ಗೆಲ್ಲುವ ಮೂಲಕ ಬ್ಯಾಡ್ಮಿಂಟನ್‌ನಲ್ಲಿ ಒಲಿಂಪಿಕ್ ಪದಕ ಗೆದ್ದ ಮೊದಲ ಭಾರತೀಯರಾದರು.
=> ವಿಶ್ವ ಚಾಂಪಿಯನ್‌ಷಿಪ್: 2015ರಲ್ಲಿ ಬೆಳ್ಳಿ ಮತ್ತು 2017ರಲ್ಲಿ ಕಂಚಿನ ಪದಕ.
=> ಕಾಮನ್‌ವೆಲ್ತ್ ಗೇಮ್ಸ್: ಒಟ್ಟು 3 ಚಿನ್ನದ ಪದಕಗಳು ಸೇರಿದಂತೆ ಹಲವು ಪದಕಗಳನ್ನು ಗೆದ್ದಿದ್ದಾರೆ.
=> ಸೂಪರ್ ಸೀರಿಸ್: 2009ರಲ್ಲಿ ಇಂಡೋನೇಷ್ಯಾ ಓಪನ್ ಗೆಲ್ಲುವ ಮೂಲಕ ಬಿಡಬ್ಲ್ಯುಎಫ್ ಸೂಪರ್ ಸೀರಿಸ್ ಪ್ರಶಸ್ತಿ ಗೆದ್ದ ಮೊದಲ ಭಾರತೀಯ ಎಂಬ ಇತಿಹಾಸ ಸೃಷ್ಟಿಸಿದ್ದರು.
➤ ಪ್ರಶಸ್ತಿ ಮತ್ತು ಗೌರವಗಳು:
1. 2009 -ಅರ್ಜುನ ಪ್ರಶಸ್ತಿ
2. 2010 - ಮೇಜರ್ ಧ್ಯಾನ್ ಚಂದ್ ಖೇಲ್ ರತ್ನ ಪ್ರಶಸ್ತಿ
3. 2010 - ಪದ್ಮಶ್ರೀ
4. 2016 - ಪದ್ಮಭೂಷಣ
➤ ವೃತ್ತಿಜೀವನದ ಸಂಕ್ಷಿಪ್ತ ಅಂಕಿಅಂಶಗಳು:
=> ಒಟ್ಟು ಅಂತರರಾಷ್ಟ್ರೀಯ ಪ್ರಶಸ್ತಿಗಳು: 24
=> ಬಿಡಬ್ಲ್ಯುಎಫ್ ಸೂಪರ್ ಸೀರಿಸ್ ಕಿರೀಟಗಳು: 10
=> ಬಿಡಬ್ಲ್ಯುಎಫ್ ಗ್ರಾನ್‌ಪ್ರಿ ಪ್ರಶಸ್ತಿಗಳು: 10
=> ಏಷ್ಯನ್ ಗೇಮ್ಸ್ ಪದಕಗಳು: 2 ಕಂಚು (2014, 2018)
➤ ಸೈನಾ ನೆಹ್ವಾಲ್ ಅವರು ಭಾರತೀಯ ಬ್ಯಾಡ್ಮಿಂಟನ್ ಲೋಕದ ಕ್ರಾಂತಿಕಾರಿ ಆಟಗಾರ್ತಿ. ಅವರ ಆತ್ಮಕಥೆ ಆಧಾರಿತ 'Saina' ಎಂಬ ಬಯೋಪಿಕ್ 2021ರಲ್ಲಿ ಬಿಡುಗಡೆಯಾಗಿತ್ತು. ಮಹಿಳಾ ಕ್ರೀಡಾಲೋಕದಲ್ಲಿ ಭಾರತದ ಶಕ್ತಿಯನ್ನು ಜಗತ್ತಿಗೆ ಪರಿಚಯಿಸಿದವರಲ್ಲಿ ಇವರು ಮುಂಚೂಣಿಯಲ್ಲಿದ್ದಾರೆ.

Take Quiz

Loading..!

ಪ್ರಚಲಿತ ಘಟನೆಗಳು