ನವೀನ ಸಾಧನೆ: ಭಾರತದ ಮೊದಲ ಸ್ಥಳೀಯ ಡಯೋಡ್ ಲೇಸರ್

ಪ್ರಚಲಿತ ಘಟನೆಗಳು

ನವೀನ ಸಾಧನೆ: ಭಾರತದ ಮೊದಲ ಸ್ಥಳೀಯ ಡಯೋಡ್ ಲೇಸರ್18 ನವೆಂಬರ್ 2025

* ಭಾರತೀಯ ತಂತ್ರಜ್ಞಾನ ವಲಯದಲ್ಲಿ ಮತ್ತೊಂದು ಪ್ರಮುಖ ಮೈಲಿಗಲ್ಲು ಸ್ಥಾಪನೆಯಾಗಿದೆ. ನವದೆಹಲಿಯ ಐಐಟಿ ದೆಹಲಿ (IIT Delhi) ಆವರಣದಲ್ಲಿ ಇನ್ಕ್ಯುಬೇಟ್ ಆಗಿರುವ ಪ್ರೆನಿಷ್ಕ್ ಪ್ರೈವೇಟ್ ಲಿಮಿಟೆಡ್ (Prenishq Pvt. Ltd.) ಎಂಬ ನವೀನ ಸ್ಟಾರ್ಟ್‌ಅಪ್ ಕಂಪನಿಯು ದೇಶದ ಮೊಟ್ಟಮೊದಲ ಹೈ-ನಿಖರ ಮತ್ತು ಕಾಂಪ್ಯಾಕ್ಟ್ ಡಯೋಡ್ ಲೇಸರ್ (high-precision and compact diode laser) ಅನ್ನು ಯಶಸ್ವಿಯಾಗಿ ಅಭಿವೃದ್ಧಿಪಡಿಸಿದೆ.
* ಈ ತಂತ್ರಜ್ಞಾನವು ‘ಮೇಕ್ ಇನ್ ಇಂಡಿಯಾ’ ಉಪಕ್ರಮಕ್ಕೆ ಬಲ ನೀಡುವುದರ ಜೊತೆಗೆ, ಭಾರತೀಯ ವೈಜ್ಞಾನಿಕ ಮತ್ತು ಕೈಗಾರಿಕಾ ಕ್ಷೇತ್ರದಲ್ಲಿ ಹೊಸ ಸಾಧ್ಯತೆಗಳನ್ನು ತೆರೆಯಲಿದೆ.
* ಡಯೋಡ್ ಲೇಸರ್ ಸಂಪೂರ್ಣವಾಗಿ ಭಾರತದಲ್ಲಿಯೇ ವಿನ್ಯಾಸ ಮತ್ತು ಅಭಿವೃದ್ಧಿಗೊಂಡಿದೆ. ಈ ಮಹತ್ವದ ಯೋಜನೆಗೆ ಕೇಂದ್ರ ಸರ್ಕಾರದ ಮಹತ್ವಾಕಾಂಕ್ಷೆಯ ಯೋಜನೆಯಾದ ರಾಷ್ಟ್ರೀಯ ಕ್ವಾಂಟಮ್ ಮಿಷನ್ (National Quantum Mission - NQM) ವು ಬೆಂಬಲವನ್ನು ನೀಡಿದೆ.
* ಕೇಂದ್ರ ವಿಜ್ಞಾನ ಮತ್ತು ತಂತ್ರಜ್ಞಾನ ಸಚಿವರಾದ ಡಾ. ಜಿತೇಂದ್ರ ಸಿಂಗ್ ಅವರು 2025ರ ನವೆಂಬರ್ 3 ರಂದು ನಡೆದ ಎಮರ್ಜಿಂಗ್ ಸೈನ್ಸ್, ಟೆಕ್ನಾಲಜಿ ಮತ್ತು ಇನ್ನೋವೇಶನ್ ಕಾನ್ಕ್ಲೇವ್ (ESTIC 2025) ನಲ್ಲಿ ಈ ಡಯೋಡ್ ಲೇಸರ್ ಅನ್ನು ಔಪಚಾರಿಕವಾಗಿ ಬಿಡುಗಡೆ ಮಾಡಿದರು.
* ಈ ಸ್ಥಳೀಯ ಲೇಸರ್ ವ್ಯವಸ್ಥೆಯು ಕೇವಲ ಸ್ಥಳೀಯ ಉತ್ಪಾದನೆಯ ಹೆಜ್ಜೆಯಾಗಿರದೆ, ತಾಂತ್ರಿಕವಾಗಿಯೂ ಅನೇಕ ಶ್ರೇಷ್ಠತೆಗಳನ್ನು ಹೊಂದಿದೆ: ಇದು ಅತ್ಯುತ್ತಮ ಕಿರಣದ ಗುಣಮಟ್ಟ (Excellent Beam Quality) ಮತ್ತು ಉನ್ನತ ಮಟ್ಟದ ಸ್ಥಿರತೆ (High Stability) ಯನ್ನು ಪ್ರದರ್ಶಿಸುತ್ತದೆ. ಲೇಸರ್ ದೀರ್ಘಕಾಲದವರೆಗೆ ವಿಶ್ವಾಸಾರ್ಹವಾಗಿ ಕಾರ್ಯನಿರ್ವಹಿಸುವ ಸಾಮರ್ಥ್ಯವನ್ನು ಹೊಂದಿದೆ.
* ಡಯೋಡ್ ಲೇಸರ್ ಇದರ ವಿನ್ಯಾಸವು ಕಾಂಪ್ಯಾಕ್ಟ್ ಆಗಿದ್ದು, ಕಡಿಮೆ ತೂಕ ಮತ್ತು ಕಡಿಮೆ ವಿದ್ಯುತ್ ಬಳಕೆಯಿಂದ ಕೂಡಿದೆ. ಇದು ಲೇಸರ್ ಅನ್ನು ವೈವಿಧ್ಯಮಯ ಅನ್ವಯಿಕೆಗಳಿಗೆ (Applications) ಸುಲಭವಾಗಿ ಅಳವಡಿಸಲು ಅನುವು ಮಾಡಿಕೊಡುತ್ತದೆ.
* ಈ ಡಯೋಡ್ ಲೇಸರ್ ಅಭಿವೃದ್ಧಿಯು ಕ್ವಾಂಟಮ್ ತಂತ್ರಜ್ಞಾನ, ಸಂಶೋಧನೆ, ವೈದ್ಯಕೀಯ ಮತ್ತು ಕೈಗಾರಿಕಾ ಕ್ಷೇತ್ರಗಳಲ್ಲಿ ಭಾರತದ ವಿದೇಶಿ ತಂತ್ರಜ್ಞಾನದ ಅವಲಂಬನೆಯನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

Take Quiz

Loading..!

ಪ್ರಚಲಿತ ಘಟನೆಗಳು