Min Aung Hlaing Elected Myanmar President

ಪ್ರಚಲಿತ ಘಟನೆಗಳು

ಮ್ಯಾನ್ಮಾರ್ ಅಧ್ಯಕ್ಷರಾಗಿ ಮಿನ್ ಆಂಗ್ ಲೈಂಗ್ ಆಯ್ಕೆ: ಮಿಲಿಟರಿ ಆಡಳಿತದ ಹೊಸ ರೂಪ

Authored by: Akshata Halli Date: 3 ಎಪ್ರಿಲ್ 2026

➤ಮ್ಯಾನ್ಮಾರ್‌ನ ಮಿಲಿಟರಿ ಆಡಳಿತದ ಮುಖ್ಯಸ್ಥರಾದಮಿನ್ ಆಂಗ್ ಲೈಂಗ್ (Min Aung Hlaing)ಅವರು ದೇಶದ ನೂತನ ಅಧ್ಯಕ್ಷರಾಗಿ ಅಧಿಕೃತವಾಗಿ ಆಯ್ಕೆಯಾಗಿದ್ದಾರೆ. 2021ರ ಮಿಲಿಟರಿ ದಂಗೆಯ ಮೂಲಕ ಅಧಿಕಾರ ಹಿಡಿದಿದ್ದ ಅವರು, ಈಗ ಸಂಸತ್ತಿನ ಮೂಲಕ ಅಧ್ಯಕ್ಷ ಸ್ಥಾನವನ್ನು ಅಲಂಕರಿಸುವ ಮೂಲಕ ತಮ್ಮ ಅಧಿಕಾರವನ್ನು ಮತ್ತಷ್ಟು ಗಟ್ಟಿಗೊಳಿಸಿಕೊಂಡಿದ್ದಾರೆ.
➤ಸೇನಾ ದಂಗೆಯಿಂದ ಅಧ್ಯಕ್ಷ ಪಟ್ಟದವರೆಗೆ:
-ಫೆಬ್ರವರಿ 2021ರಲ್ಲಿ ಪ್ರಜಾಪ್ರಭುತ್ವವಾದಿ ನಾಯಕಿ ಆಂಗ್ ಸಾನ್ ಸೂಕಿ ಅವರ ಸರ್ಕಾರವನ್ನು ಪದಚ್ಯುತಗೊಳಿಸಿ ಮಿನ್ ಆಂಗ್ ಲೈಂಗ್ ಅಧಿಕಾರ ವಹಿಸಿಕೊಂಡಿದ್ದರು
-ಮಿಲಿಟರಿ ಬೆಂಬಲಿತ ಪಕ್ಷಗಳು ಮತ್ತು ಸೇನಾ ಪ್ರತಿನಿಧಿಗಳೇ ಹೆಚ್ಚಾಗಿರುವ ಸಂಸತ್ತಿನಲ್ಲಿ ನಡೆದ ಚುನಾವಣೆಯಲ್ಲಿ ಲೈಂಗ್ ಅವರು ಸುಲಭವಾಗಿ ಜಯಗಳಿಸಿದ್ದಾರೆ. ಅವರು ಒಟ್ಟು 584 ಮತಗಳಲ್ಲಿ 429 ಮತಗಳನ್ನು ಪಡೆದಿದ್ದಾರೆ.
-ಇದಕ್ಕೂ ಮುನ್ನ, ಅನಾರೋಗ್ಯದ ಕಾರಣದಿಂದ ಉಸ್ತುವಾರಿ ಅಧ್ಯಕ್ಷರಾಗಿದ್ದ ಮೈಂಟ್ ಸ್ವೀ (Myint Swe) ಅವರಿಂದ ಜುಲೈ 2024 ರಲ್ಲಿ ಲೈಂಗ್ ಅವರು ಅಧಿಕಾರವನ್ನು ವಹಿಸಿಕೊಂಡಿದ್ದರು. ಈಗ ಅವರು ಪೂರ್ಣ ಪ್ರಮಾಣದ ಅಧ್ಯಕ್ಷರಾಗಿದ್ದಾರೆ.
➤ರಾಜಕೀಯ ಮಹತ್ವ ಮತ್ತು ಪರಿಣಾಮಗಳು:
- ಸೇನಾ ಹಿಡಿತ: ಮಿನ್ ಆಂಗ್ ಲೈಂಗ್ ಅವರು ತಮ್ಮ ಸೇನಾ ಮುಖ್ಯಸ್ಥ (Commander-in-Chief) ಹುದ್ದೆಗೆ ರಾಜೀನಾಮೆ ನೀಡಿ ಈಗ ನಾಗರಿಕ ಉಡುಪಿನಲ್ಲಿ ಅಧ್ಯಕ್ಷರಾಗಿ ಅಧಿಕಾರ ವಹಿಸಿಕೊಂಡಿದ್ದಾರೆ. ಇದು ದೇಶದಲ್ಲಿ ಸೇನಾ ಆಡಳಿತಕ್ಕೆ 'ಸಾಂವಿಧಾನಿಕ' ರೂಪ ನೀಡುವ ಪ್ರಯತ್ನ ಎಂದು ವಿಶ್ಲೇಷಿಸಲಾಗುತ್ತಿದೆ.
- ಯೆ ವಿನ್ ಊ ನೇಮಕ: ಲೈಂಗ್ ಅವರು ಅಧ್ಯಕ್ಷರಾದ ಬೆನ್ನಲ್ಲೇ, ಅವರ ಆಪ್ತ ಮತ್ತು ಮಾಜಿ ಗುಪ್ತಚರ ಮುಖ್ಯಸ್ಥ ಯೆ ವಿನ್ ಊ (Ye Win Oo) ಅವರನ್ನು ನೂತನ ಸೇನಾ ಮುಖ್ಯಸ್ಥರನ್ನಾಗಿ ನೇಮಿಸಲಾಗಿದೆ.
- ಅಂತರಾಷ್ಟ್ರೀಯ ವಿರೋಧ: ಈ ಚುನಾವಣೆಯನ್ನು ಪ್ರಜಾಪ್ರಭುತ್ವ ವಿರೋಧಿ ಮತ್ತು "ನಕಲಿ ಚುನಾವಣೆ" ಎಂದು ವಿಶ್ವದ ಅನೇಕ ದೇಶಗಳು ಮತ್ತು ಮಾನವ ಹಕ್ಕುಗಳ ಸಂಸ್ಥೆಗಳು ಟೀಕಿಸಿವೆ.

Take Quiz

Loading..!

ಪ್ರಚಲಿತ ಘಟನೆಗಳು