*  ಮೆಕ್ಸಿಕೋದಾದ್ಯಂತ ಸಾವಿರಾರು ಜನರು ಬೀದಿಗಿಳಿದು ಶನಿವಾರ ಸರ್ಕಾರದ ಭದ್ರತಾ ನೀತಿಗಳ ವಿರುದ್ಧ ಪ್ರತಿಭಟನೆ ನಡೆಸಿದರು. ದೇಶದಲ್ಲಿ ಹೆಚ್ಚುತ್ತಿರುವ ಹಿಂಸಾಚಾರವನ್ನು ನಿಯಂತ್ರಿಸುವಲ್ಲಿ ಈ ನೀತಿಗಳು ವಿಫಲವಾಗಿವೆ ಎಂದು ಪ್ರತಿಭಟನಾಕಾರರು ಆರೋಪಿಸಿದರು.* "ಜೆನೆರೇಷನ್ Z" ಎಂಬ ಹೆಸರಿನಲ್ಲಿ ನಡೆದ ಈ ಪ್ರತಿಭಟನೆಗಳು, ಈ ತಿಂಗಳ ಆರಂಭದಲ್ಲಿ ನಡೆದ ಭ್ರಷ್ಟಾಚಾರ ವಿರೋಧಿ ಮೇಯರ್ ಹತ್ಯೆ ಘಟನೆಯಿಂದ ಪ್ರತಿಭಟನೆಯ ಕಿಡಿ ಹೊತ್ತಿದೆ. ಮೆಕ್ಸಿಕೋ ಸಿಟಿಯಲ್ಲಿ, ಪ್ರತಿಭಟನಾಕಾರರು "ಕಾರ್ಲೋಸ್ ಸತ್ತಿಲ್ಲ; ಸರ್ಕಾರವೇ ಕೊಂದಿದೆ" ಎಂದು ಘೋಷಣೆ ಕೂಗಿದರು.*  ಉರುವಾಪನ್ ನಗರದ ಮೇಯರ್ ಕಾರ್ಲೋಸ್ ಮಂಜೊ ಅವರನ್ನು ನವೆಂಬರ್ 1 ರಂದು ನಡೆದ ಡೇ ಆಫ್ ದಿ ಡೆಡ್ (Dia de Muertos) ಕಾರ್ಯಕ್ರಮದಲ್ಲಿ ಹತ್ಯೆಗೈಯ್ಯಲಾಗಿತ್ತು.* ಕೆಲವು ಪ್ರತಿಭಟನಾಕಾರರು, ಮೆಕ್ಸಿಕನ್ ಅಧ್ಯಕ್ಷೆ ಕ್ಲಾಡಿಯಾ ಶೀನ್‌ಬಾಮ್ ವಾಸಿಸುವ ಮತ್ತು ಕೆಲಸ ಮಾಡುವ ನ್ಯಾಷನಲ್ ಪ್ಯಾಲೇಸ್ ಸುತ್ತಲಿನ ಲೋಹದ ಬೇಲಿಗಳನ್ನು ಹರಿದುಹಾಕಿದರು.*  ಇದಕ್ಕೆ ಪ್ರತಿಕ್ರಿಯೆಯಾಗಿ, ಗಲಭೆ ಪೊಲೀಸರು ಅಶ್ರುವಾಯು ಮತ್ತು ಅಗ್ನಿಶಾಮಕ ಯಂತ್ರಗಳನ್ನು ಬಳಸಿ ಪರಿಸ್ಥಿತಿಯನ್ನು ನಿಯಂತ್ರಿಸಲು ಯತ್ನಿಸಿದರು. ಮೆಕ್ಸಿಕೋ ಸಿಟಿಯ ಭದ್ರತಾ ಮುಖ್ಯಸ್ಥ ಪಾಬ್ಲೊ ವಝ್ಕ್ವೆಝ್, "ಹಲವು ಗಂಟೆಗಳ ಕಾಲ, ಈ ಪ್ರತಿಭಟನೆ ಶಾಂತಿಯುತವಾಗಿ ನಡೆಯುತ್ತಿತ್ತು.* ಪ್ರತಿಭಟನಾಕಾರರು, "ಕಾರ್ಲೋಸ್ ಮಂಜೊ ಅವರನ್ನು ನೀವು ಹೀಗೆಯೇ ರಕ್ಷಿಸಬೇಕಿತ್ತು" ಎಂದು ಭದ್ರತಾ ಪಡೆಗಳ ವಿರುದ್ಧ ಘೋಷಣೆ ಕೂಗಿದರು ಎಂದು ರಾಯಿಟರ್ಸ್ ಸುದ್ದಿ ಸಂಸ್ಥೆ ವರದಿ ಮಾಡಿದೆ.* ಅಪರಾಧ-ವಿರೋಧಿ ನೀತಿಗಳಿಗೆ ಹೆಸರುವಾಸಿಯಾಗಿದ್ದ ಮೇಯರ್ ಒಬ್ಬರ ಸಾರ್ವಜನಿಕ ಹತ್ಯೆಯ ನಂತರ, ಮೆಕ್ಸಿಕೋದಲ್ಲಿ ಹೆಚ್ಚುತ್ತಿರುವ ಹಿಂಸಾಚಾರವನ್ನು ಖಂಡಿಸಿ 'ಜನರೇಷನ್ ಜಿ' ಹೆಸರಿನಲ್ಲಿ ಸಾವಿರಾರು ಯುವಜನರು ಈ ಬೃಹತ್ ಪ್ರತಿಭಟನೆ ನಡೆಸಿದರು.* ದೇಶದ ಇತರೆ ನಗರಗಳಲ್ಲಿಯೂ ಪ್ರತಿಭಟನಾ ಮೆರವಣಿಗೆಗಳು ನಡೆದವು. ವಿಶೇಷವಾಗಿ ಪಶ್ಚಿಮ ರಾಜ್ಯವಾದ ಮೈಕೋಕಾನ್‌ನಲ್ಲಿ ಆಕ್ರೋಶ ತೀವ್ರವಾಗಿತ್ತು. ಮೆಕ್ಸಿಕೋ ಸಿಟಿಯಲ್ಲಿ, ಕೆಲವು ಪ್ರತಿಭಟನಾಕಾರರು ಅಧ್ಯಕ್ಷೆ ಶೀನ್‌ಬಾಮ್ ಅವರ 'ಮೊರೆನಾ' ಪಕ್ಷದ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿ, "ಮೊರೆನಾ, ತೊಲಗಿ" ಎಂದು ಘೋಷಣೆ ಕೂಗಿದರು.* ಸಾಮಾಜಿಕ ನ್ಯಾಯ, ಮಾನವ ಹಕ್ಕು ಮತ್ತು ಪಾರದರ್ಶಕ ಆಡಳಿತಕ್ಕಾಗಿ ಹೆಸರಾಗಿರುವ Gen Z ಈ ಪ್ರತಿಭಟನೆಗೆ ಹೊಸ ಚೈತನ್ಯವನ್ನು ತುಂಬಿತು. ಪ್ರಜಾಪ್ರಭುತ್ವ ಮೌಲ್ಯಗಳಿಗೆ ಧಕ್ಕೆ ಉಂಟುಮಾಡುವ ಮೇಯರ್ ಹತ್ಯೆಯನ್ನು ಅವರು ಕೇವಲ ಅಪರಾಧದ ಘಟನೆಯಾಗಿ ಅಲ್ಲ, ದೇಶದ ಭವಿಷ್ಯದ ಮೇಲೆ ದಾಳಿ ಎಂದು ನೋಡಿ ತೀವ್ರ ಪ್ರತಿಕ್ರಿಯೆ ನೀಡಿದರು.* Gen Z ಪ್ರತಿಭಟನೆಯ ಒಂದು ದೊಡ್ಡ ವೈಶಿಷ್ಟ್ಯವೆಂದರೆ ಡಿಜಿಟಲ್ ಆಕ್ಟಿವಿಸಂ ಮತ್ತು ನೈಜ ಬೀದಿ ಚಳುವಳಿಯನ್ನು ಸಮನ್ವಯಗೊಳಿಸುವ ಸಾಮರ್ಥ್ಯ. TikTok, Instagram ಮತ್ತು X (Twitter) ಮುಂತಾದ ವೇದಿಕೆಗಳಲ್ಲಿ #JusticeForMayor, #NoMoreViolence ಎಂಬ ಹ್ಯಾಶ್‌ಟ್ಯಾಗ್‌ಗಳು ತೀವ್ರವಾಗಿ ವೈರಲ್‌ ಆದವು. * ಆನ್‌ಲೈನ್‌ನಲ್ಲಿ ಪ್ರಾರಂಭವಾದ ಧ್ವನಿ, ಕೆಲವೇ ಗಂಟೆಗಳಲ್ಲಿ ಮೆಕ್ಸಿಕೊ ನಗರ, ಗುಡಾಲಜಾರಾ, ಮೊಂಟೆರೇ ಮೊದಲಾದ ಮಹಾನಗರಗಳಲ್ಲಿ ಮೆರವಣಿಗೆ, ಬೃಹತ್ ಮಾನವ ಸರಪಳಿ, ಕಲಾತ್ಮಕ ಪೋಸ್ಟರ್‌ಗಳು ಮತ್ತು ಶಾಂತ ಪ್ರತಿಭಟನೆಯ ರೂಪದಲ್ಲಿ ಕಾಣಿಸಿಕೊಳ್ಳಿತು.* ಯುವಕರು ತಮ್ಮ ಅಕ್ರೋಶವನ್ನು ಕೇವಲ ಘೋಷಣೆಗಳ ಮೂಲಕವಲ್ಲ, ಸಂಗೀತ, ಬೀದಿ ಕಲೆ, ಸೃಜನಾತ್ಮಕ ಪ್ಲೇಕಾರ್ಡ್‌ಗಳು ಮತ್ತು ಶಾಂತಪರ ನಿಲುವುಗಳ ಮೂಲಕ ವ್ಯಕ್ತಪಡಿಸಿದರು.* ಈ ಪ್ರತಿಭಟನೆಯು ರಾಷ್ಟ್ರದಲ್ಲಿ ಹಲವಾರು ರಾಜಕೀಯ ಚರ್ಚೆಗಳಿಗೆ ಕಾರಣವಾಯಿತು. ರಾಜಕೀಯ ನಾಯಕರ ಸುರಕ್ಷತೆ, ಚುನಾವಣಾ ಸಮಯದಲ್ಲಿ ಹೆಚ್ಚಾಗುತ್ತಿರುವ ಹಿಂಸಾಚಾರ, ಮಾದಕ ವಸ್ತುಗಳ ಮಾಫಿಯಾ ಮತ್ತು ಮಿಲಿಷಿಯಾ ಗುಂಪುಗಳ ದಬ್ಬಾಳಿಕೆ ಮೊದಲಾದ ವಿಷಯಗಳು ಹೊಸದಾಗಿ ರಾಷ್ಟ್ರ ಮಟ್ಟದಲ್ಲಿ ಚರ್ಚೆಗೆ ಬಂದವು.* Gen Z ಯುವಕರ ಈ ಬೃಹತ್ ಪ್ರತಿಭಟನೆಯು ಒಂದು ಮುಖ್ಯ ಸಂದೇಶವನ್ನು ನೀಡಿತು — ಯುವಪೀಳಿಗೆ ಕೇವಲ ತಂತ್ರಜ್ಞಾನ ಬಳಸಿ ಅಭಿಪ್ರಾಯ ನೀಡುವ ಪೀಳಿಗೆಯಲ್ಲ, ನ್ಯಾಯಕ್ಕಾಗಿ ಬೀದಿಗಿಳಿಯುವ ಸಹಸ್ರಶಕ್ತಿಯ ಪೀಳಿಗೆ.* ಮೇಯರ್ ಹತ್ಯೆಗೆ ಖಂಡನೆ ವ್ಯಕ್ತಪಡಿಸಿದ Gen Z ಪ್ರತಿಭಟನೆ ಕೇವಲ ಒಂದು ಕ್ರೌರ್ಯದ ವಿರುದ್ಧದ ಧ್ವನಿಯೇ ಅಲ್ಲ; ಅದು ಭಯ ಮತ್ತು ಹಿಂಸಾಚಾರದ ವಿರುದ್ಧ ಲೌಕಿಕ ಧೈರ್ಯವನ್ನು ತೋರಿಸುವ ಚಳುವಳಿ.* ಪ್ರಜಾಪ್ರಭುತ್ವದ ಬುನಾದಿಗಳನ್ನು ಬಲಪಡಿಸುವ ಪ್ರಯತ್ನ ಮತ್ತು ಸುರಕ್ಷಿತ ಸಮಾಜಕ್ಕಾಗಿ ಯುವಪೀಳಿಗೆಯ ರಾಷ್ಟ್ರಪ್ರೇಮದ ಜೀವಂತ ಸಾಕ್ಷ್ಯವಾಗಿದೆ. ಈ ಚಳುವಳಿಯಿಂದ ಮೆಕ್ಸಿಕೊ ರಾಜಕೀಯ ಮತ್ತು ಸಾಮಾಜಿಕ ಪರಿಸ್ಥಿತಿಯಲ್ಲಿ ಹೊಸ ಬದಲಾವಣೆಗಳು ಸಾಧ್ಯವಾಗಲಿವೆ ಎಂಬ ಭರವಸೆ ಮೂಡಿದೆ.
