➤ ಭಾರತದ ಕೇಂದ್ರಾಡಳಿತ ಪ್ರದೇಶವಾದ ಲಡಾಖ್‌ನ ಆಡಳಿತ ವ್ಯವಸ್ಥೆಯಲ್ಲಿ ಇತಿಹಾಸದಲ್ಲೇ ಅತ್ಯಂತ ಮಹತ್ವದ ಬದಲಾವಣೆಯಾಗಿದೆ. ಕೇಂದ್ರ ಗೃಹ ಸಚಿವಾಲಯವು ಲಡಾಖ್‌ನಲ್ಲಿ ಐದು ಹೊಸ ಜಿಲ್ಲೆಗಳನ್ನು ರಚಿಸುವುದಾಗಿ ಘೋಷಿಸಿದೆ. ಪ್ರಧಾನಿ ನರೇಂದ್ರ ಮೋದಿ ಅವರ 'ಸಮೃದ್ಧ ಮತ್ತು ಅಭಿವೃದ್ಧಿ ಹೊಂದಿದ ಲಡಾಖ್' ನಿರ್ಮಿಸುವ ದೃಷ್ಟಿಕೋನದ ಭಾಗವಾಗಿ ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ.➤ ಹೊಸದಾಗಿ ರಚನೆಯಾದ ಜಿಲ್ಲೆಗಳು: ಇಲ್ಲಿಯವರೆಗೆ ಲಡಾಖ್ ಕೇವಲ ಲೇಹ್ (Leh) ಮತ್ತು ಕಾರ್ಗಿಲ್ (Kargil) ಎಂಬ ಎರಡು ಜಿಲ್ಲೆಗಳನ್ನು ಮಾತ್ರ ಹೊಂದಿತ್ತು. ಈಗ ಈ ಕೆಳಗಿನ ಐದು ಜಿಲ್ಲೆಗಳನ್ನು ಹೊಸದಾಗಿ ಸೇರಿಸಲಾಗಿದೆ:1. ಝನ್ಸ್ಕರ್ (Zanskar)2. ದ್ರಾಸ್ (Drass)3. ಶಾಮಮ್ (Sham)4. ನುಬ್ರಾ (Nubra)5. ಚಾಂಗ್‌ಥಾಂಗ್ (Changthang)ಇದರೊಂದಿಗೆ ಲಡಾಖ್‌ನ ಒಟ್ಟು ಜಿಲ್ಲೆಗಳ ಸಂಖ್ಯೆ ಏಳಕ್ಕೆ (7) ಏರಿಕೆಯಾದಂತಾಗಿದೆ.➤ ಈ ನಿರ್ಧಾರದ ಪ್ರಮುಖ ಉದ್ದೇಶಗಳು:- ವಿಕೇಂದ್ರೀಕೃತ ಆಡಳಿತ: ಆಡಳಿತವನ್ನು ಜನರ ಮನೆ ಬಾಗಿಲಿಗೆ ತಲುಪಿಸುವುದು ಮತ್ತು ಸ್ಥಳೀಯ ಸಮಸ್ಯೆಗಳಿಗೆ ಶೀಘ್ರ ಪರಿಹಾರ ಕಂಡುಕೊಳ್ಳುವುದು.- ಅಭಿವೃದ್ಧಿಗೆ ವೇಗ: ಹೊಸ ಜಿಲ್ಲೆಗಳ ರಚನೆಯಿಂದ ಮೂಲಸೌಕರ್ಯ, ಶಿಕ್ಷಣ ಮತ್ತು ಆರೋಗ್ಯ ಕ್ಷೇತ್ರಗಳಿಗೆ ಹೆಚ್ಚಿನ ಅನುದಾನ ಮತ್ತು ಗಮನ ಹರಿಯಲಿದೆ.- ದೀರ್ಘಕಾಲದ ಬೇಡಿಕೆ: ಈ ಭಾಗದ ಜನರು ಭೌಗೋಳಿಕ ಸವಾಲುಗಳಿಂದಾಗಿ ದಶಕಗಳಿಂದ ಹೊಸ ಜಿಲ್ಲೆಗಳಿಗಾಗಿ ಬೇಡಿಕೆ ಇಟ್ಟಿದ್ದರು.- ಗಡಿ ಭದ್ರತೆ ಮತ್ತು ಪ್ರವಾಸೋದ್ಯಮ: ಆಯಕಟ್ಟಿನ ಪ್ರದೇಶಗಳಲ್ಲಿ ಆಡಳಿತಾತ್ಮಕ ಹಿಡಿತ ಸಾಧಿಸುವುದು ಮತ್ತು ಪ್ರವಾಸೋದ್ಯಮಕ್ಕೆ ಹೊಸ ಚೈತನ್ಯ ನೀಡುವುದು ಇದರ ಹಿಂದಿನ ಆಶಯವಾಗಿದೆ.➤ ಲಡಾಖ್ ಕೇಂದ್ರಾಡಳಿತ ಪ್ರದೇಶ: ಆಗಸ್ಟ್ 5, 2019 ರಂದು ಜಮ್ಮು ಮತ್ತು ಕಾಶ್ಮೀರ ಮರುಸಂಘಟನೆ ಕಾಯ್ದೆಯಡಿ ಲಡಾಖ್ ಅನ್ನು ಪ್ರತ್ಯೇಕ ಕೇಂದ್ರಾಡಳಿತ ಪ್ರದೇಶವಾಗಿ (UT) ಘೋಷಿಸಲಾಯಿತು (ಅಕ್ಟೋಬರ್ 31, 2019 ರಿಂದ ಜಾರಿಗೆ ಬಂದಿತು).
