ಕಠಿಣ ಭೂಭಾಗದಲ್ಲಿ ಸೇನೆ-ಅಸ್ಸಾಂ ರೈಫಲ್ಸ್ ಸಂಯುಕ್ತ ಅಭ್ಯಾಸ ಯಶಸ್ವಿ

ಪ್ರಚಲಿತ ಘಟನೆಗಳು

ಕಠಿಣ ಭೂಭಾಗದಲ್ಲಿ ಸೇನೆ-ಅಸ್ಸಾಂ ರೈಫಲ್ಸ್ ಸಂಯುಕ್ತ ಅಭ್ಯಾಸ ಯಶಸ್ವಿ29 ಡಿಸೆಂಬರ್ 2025

* ಭಾರತೀಯ ಸೇನೆ ಹಾಗೂ ಅಸ್ಸಾಂ ರೈಫಲ್ಸ್‌ಗಳು ಅರುಣಾಚಲ ಪ್ರದೇಶದ ಚಾಂಗ್ಲಾಂಗ್ ಜಿಲ್ಲೆಯ ತಂತ್ರತ್ಮಕವಾಗಿ ಮಹತ್ವದ ವಿಜಯನಗರ ಸಲಿಯಂಟ್ ಪ್ರದೇಶದಲ್ಲಿ ಸಂಯುಕ್ತ ಹೆಲಿಕಾಪ್ಟರ್ ಆಧಾರಿತ ಸೈನಿಕ ನಿಯೋಜನಾ ಅಭ್ಯಾಸವನ್ನು ಯಶಸ್ವಿಯಾಗಿ ನಡೆಸಿವೆ. ಈ ಅಭ್ಯಾಸದ ಮುಖ್ಯ ಉದ್ದೇಶವು ದೂರದ ಹಾಗೂ ಕಠಿಣ ಭೌಗೋಳಿಕ ಪ್ರದೇಶಗಳಲ್ಲಿ ತ್ವರಿತ ನಿಯೋಜನೆ ಸಾಮರ್ಥ್ಯ, ಕಾರ್ಯಾಚರಣಾ ಸಿದ್ಧತೆ ಮತ್ತು ಭದ್ರತಾ ಸವಾಲುಗಳಿಗೆ ತಕ್ಷಣ ಪ್ರತಿಕ್ರಿಯಿಸುವ ಸಾಮರ್ಥ್ಯವನ್ನು ಪರೀಕ್ಷಿಸುವುದಾಗಿತ್ತು.
* ಈ ಅಭ್ಯಾಸವನ್ನು ಡಿಸೆಂಬರ್ 26, 2025ರಂದು ನಡೆಸಲಾಗಿದ್ದು, ಈಗಾಗಲೇ ಹವಾಮಾನಕ್ಕೆ ಹೊಂದಿಕೊಂಡ (acclimatised) ಸೈನಿಕರನ್ನು ಅನುಕರಿತ ಕಾರ್ಯಾಚರಣಾ ಪ್ರದೇಶಕ್ಕೆ ತ್ವರಿತವಾಗಿ ಕರೆದೊಯ್ಯುವ ಮೂಲಕ ತುರ್ತು ಪರಿಸ್ಥಿತಿಗಳಲ್ಲಿ ಪಡೆಗಳ ಸಿದ್ಧತೆಯನ್ನು ಮೌಲ್ಯಮಾಪನ ಮಾಡಲಾಯಿತು. ಇದು ಭವಿಷ್ಯದ ಭದ್ರತಾ ಸವಾಲುಗಳಿಗೆ ಪರಿಣಾಮಕಾರಿಯಾಗಿ ಎದುರಿಸಲು ಪಡೆಗಳ ಸಾಮರ್ಥ್ಯವನ್ನು ಹೆಚ್ಚಿಸುವ ಉದ್ದೇಶ ಹೊಂದಿತ್ತು.
* ರಕ್ಷಣಾ ವಕ್ತಾರ ಲೆಫ್ಟಿನೆಂಟ್ ಕರ್ನಲ್ ಮಹೇಂದ್ರ ರಾವತ್ ಅವರ ಹೇಳಿಕೆಯಂತೆ, ಈ ಅಭ್ಯಾಸವು ವೇಗ, ಸಂಯೋಜನೆ ಮತ್ತು ನಿಖರತೆಯ ಮೇಲೆ ವಿಶೇಷ ಒತ್ತು ನೀಡಿತು. ನೈಜ ಪರಿಸ್ಥಿತಿಗಳಿಗೆ ಸಮೀಪವಾದ ಸ್ಥಿತಿಯಲ್ಲಿ ಕಾರ್ಯಾಚರಣೆ ನಡೆಸುವ ಮೂಲಕ ಪಡೆಗಳ ಕಾರ್ಯಕ್ಷಮತೆಯನ್ನು ಪರೀಕ್ಷಿಸಲಾಯಿತು. ಸೈನಿಕರು ಅತ್ಯುನ್ನತ ಮಟ್ಟದ ವೃತ್ತಿಪರತೆ, ಹೊಂದಿಕೊಳ್ಳುವಿಕೆ ಮತ್ತು ಯುದ್ಧ ಸಿದ್ಧತೆಯನ್ನು ಪ್ರದರ್ಶಿಸಿದ್ದಾರೆ ಎಂದು ಅವರು ಹೇಳಿದರು.
* ಈ ಸಂಯುಕ್ತ ಅಭ್ಯಾಸವು ಭಾರತೀಯ ಸೇನೆ ಮತ್ತು ಅಸ್ಸಾಂ ರೈಫಲ್ಸ್‌ಗಳ ನಡುವೆ ಸಮನ್ವಯ ಮತ್ತು ಪರಸ್ಪರ ಅರಿವನ್ನು ಮತ್ತಷ್ಟು ಬಲಪಡಿಸಿದೆ. ಇದರಿಂದ ಎರಡು ಪಡೆಗಳ ಇಂಟರೋಪರಬಿಲಿಟಿ, ಮಾನಕ ಕಾರ್ಯವಿಧಾನಗಳ ಸುಧಾರಣೆ ಮತ್ತು ತಂತ್ರತ್ಮಕವಾಗಿ ಸೂಕ್ಷ್ಮ ಪ್ರದೇಶಗಳಲ್ಲಿ ಸಂಯುಕ್ತ ಪ್ರತಿಕ್ರಿಯೆ ವ್ಯವಸ್ಥೆಯನ್ನು ಬಲಪಡಿಸುವಲ್ಲಿ ಮಹತ್ವದ ಪಾತ್ರ ವಹಿಸಿದೆ ಎಂದು ಲೆ.ಕ. ರಾವತ್ ತಿಳಿಸಿದ್ದಾರೆ.

Take Quiz

Loading..!

ಪ್ರಚಲಿತ ಘಟನೆಗಳು