ಕರ್ನಾಟಕದ ನ್ಯೂರಾಲಿಕ್ಸ್ ಎಐ ಅಭಿವೃದ್ಧಿಪಡಿಸಿದ ಭಾರತದ ಮೊದಲ ಡಿಫೆನ್ಸ್ AI ತಂತ್ರಜ್ಞಾನ

ಪ್ರಚಲಿತ ಘಟನೆಗಳು

ಕರ್ನಾಟಕದ ನ್ಯೂರಾಲಿಕ್ಸ್ ಎಐ ಅಭಿವೃದ್ಧಿಪಡಿಸಿದ ಭಾರತದ ಮೊದಲ ಡಿಫೆನ್ಸ್ AI ತಂತ್ರಜ್ಞಾನ1 ಡಿಸೆಂಬರ್ 2025

* ಭಾರತದ ರಕ್ಷಣಾ ತಂತ್ರಜ್ಞಾನ ಕ್ಷೇತ್ರದಲ್ಲಿ ಐತಿಹಾಸಿಕ ಹೆಜ್ಜೆ ಇಟ್ಟಿರುವಂತೆ, ಕರ್ನಾಟಕ ಮೂಲದ ಸ್ಟಾರ್ಟ್‌ಅಪ್ ‘ನ್ಯೂರಾಲಿಕ್ಸ್ ಎಐ’ ದೇಶದ ಮೊಟ್ಟ ಮೊದಲ ಸ್ವದೇಶಿ ರಕ್ಷಣಾ ಕೃತಕ ಬುದ್ಧಿಮತ್ತೆ (Defence AI) ವ್ಯವಸ್ಥೆಯನ್ನು ಯಶಸ್ವಿಯಾಗಿ ಅಭಿವೃದ್ಧಿಪಡಿಸಿದೆ. ಈ ತಂತ್ರಜ್ಞಾನವು ಭಾರತೀಯ ಸೇನೆ, ನೌಕಾಪಡೆ, ವಾಯುಪಡೆ ಸೇರಿದಂತೆ ವಿವಿಧ ರಕ್ಷಣಾ ಸಂಸ್ಥೆಗಳಿಗೆ ಜ್ಞಾನಾಧಾರಿತ ಕಾರ್ಯಾಚರಣೆಗಳು, ರಕ್ಷಣಾ ವಿಶ್ಲೇಷಣೆ, ನಿರ್ಧಾರ ನಿರ್ಮಾಣ, ಮತ್ತು ತುರ್ತು ಪರಿಸ್ಥಿತಿಗಳ ನಿರ್ವಹಣೆಗಳಲ್ಲಿ ಕ್ರಾಂತಿಕಾರಕ ಬದಲಾವಣೆ ತರಲಿದೆ.
* ದೆಹಲಿಯ ಮನೇಕ್‌ ಷಾ ಕೇಂದ್ರದಲ್ಲಿ ನಡೆದ ‘ಚಾಣಕ್ಯ ಡಿಫೆನ್ಸ್ ಸಂವಾದ 2025’ ಸಂದರ್ಭದಲ್ಲಿ, ಭಾರತದಲ್ಲೇ ಮೊದಲ ಬಾರಿಗೆ ಅಭಿವೃದ್ಧಿಪಡಿಸಲಾದ ‘Defence AI-as-a-Service (ALAAS)’ ಪ್ಲಾಟ್‌ಫಾರ್ಮ್ ಅನ್ನು ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಅಧಿಕೃತವಾಗಿ ಬಿಡುಗಡೆ ಮಾಡಿದರು. ಈ ALAAS ಪ್ಲಾಟ್‌ಫಾರ್ಮ್ ಸಂಪೂರ್ಣವಾಗಿ ಸ್ವದೇಶಿ ತಂತ್ರಜ್ಞಾನ, ಭಾರತೀಯ ರಕ್ಷಣಾ ಅವಶ್ಯಕತೆಗಳಿಗೆ ಹೊಂದಿಕೆಯಾಗುವಂತೆ ರೂಪುಗೊಂಡಿದ್ದು ದೇಶದ ರಕ್ಷಣಾ ವಲಂಬನೆಯತ್ತ ಮತ್ತೊಂದು ದೊಡ್ಡ ಹೆಜ್ಜೆಯಾಗಿದೆ.
ನ್ಯೂರಾಲಿಕ್ಸ್ ಎಐ ಅಭಿವೃದ್ಧಿಪಡಿಸಿರುವ ತಂತ್ರಜ್ಞಾನದ ವೈಶಿಷ್ಟ್ಯಗಳು
- ಯುದ್ಧಭೂಮಿ ಬುದ್ಧಿವಂತಿಕೆ (Battlefield Intelligence) : ALAAS ಮೂಲಕ ಶತ್ರುಗಳ ಚಲನೆ, ಭೂಭಾಗದ ವಿಶ್ಲೇಷಣೆ, ಡ್ರೋನ್ ಫೀಡ್‌ಗಳ ಮೌಲ್ಯಮಾಪನ, ಉಪಗ್ರಹದ ಮಾಹಿತಿಗಳ ಸಂಯೋಜನೆಗಳ ಮೂಲಕ ಶೀಘ್ರ ನಿರ್ಧಾರ ತೆಗೆದುಕೊಳ್ಳಲು ಸಹಾಯ ಮಾಡಲಿದೆ.
- ಸ್ವಯಂಚಾಲಿತ ಅಪಾಯ ಪತ್ತೆ (Automated Threat Detection) : AI ಆಧಾರಿತ ವ್ಯವಸ್ಥೆಗಳು ರಿಯಲ್-ಟೈಂ ಡಾಟಾ ವಿಶ್ಲೇಷಣೆ ಮಾಡಿ ಕ್ಷಿಪಣಿ ಬೆದರಿಕೆ, ವ್ಯಾಪ್ತಿಯ ಆಕ್ರಮಣ, ಮತ್ತು ಗಡಿಯ ಅತಿಕ್ರಮಣದಂತಹ ಅಂಶಗಳನ್ನು ತಕ್ಷಣ ಪತ್ತೆಹಚ್ಚಲಿವೆ.
- ರಕ್ಷಣಾ ನಿರ್ಧಾರ ನಿಖರತೆ (Decision Accuracy): ಮಾನವ ನಿರ್ಣಯದ ಜೊತೆ AI ಶಕ್ತಿಯನ್ನು ಸಂಯೋಜಿಸುವ ಮೂಲಕ ದೌತ್ಯ, ಕಾರ್ಯಾಚರಣೆ ಮತ್ತು ಮೋರ್ಚಾ ನಿರ್ವಹಣೆ ಹೆಚ್ಚು ನಿಖರವಾಗಲಿದೆ.
- ಬಹು-ಮಟ್ಟದ ಡೇಟಾ ಸಂಸ್ಕರಣೆ: ಉಪಗ್ರಹಗಳು, ರಡಾರ್‌ಗಳು, ಡ್ರೋನ್‌ಗಳು, ಕಮ್ಯೂನಿಕೇಶನ್ ಸಿಸ್ಟಮ್‌ಗಳಿಂದ ಬರುವ ಭಾರಿ ಪ್ರಮಾಣದ ಡೇಟಾವನ್ನು ಕ್ಷಣಾರ್ಧದಲ್ಲಿ ವಿಶ್ಲೇಷಿಸುವ ಸಾಮರ್ಥ್ಯ.
- ಸಂಪೂರ್ಣ ಭಾರತೀಯ ಅಭಿವೃದ್ಧಿ: ಈ ತಂತ್ರಜ್ಞಾನ, ಆಲ್ಗೋರಿದಮ್‌ಗಳು, ಸರ್ವರ್ ಅಧಿಸಂರಚನೆ – ಎಲ್ಲವನ್ನೂ ಭಾರತದಲ್ಲೇ ಅಭಿವೃದ್ಧಿಪಡಿಸಿದ್ದು ದೇಶದ ‘Self-Reliant Defence Technology’ ಗುರಿಯನ್ನು ಬಲಪಡಿಸುತ್ತದೆ.
ಈ ಯೋಜನೆಯ ಮಹತ್ವ
* ರಕ್ಷಣಾ ಕ್ಷೇತ್ರದ ಆಧುನೀಕರಣ AI ಸೇರ್ಪಡೆ ಯುದ್ಧ ತಂತ್ರ, ಸುರಕ್ಷತೆ, ಗಡಿ ರಕ್ಷಣಾ ಕಾರ್ಯಾಚರಣೆಗಳಲ್ಲಿ ವೇಗ ಮತ್ತು ನಿಖರತೆಯನ್ನು ಹೆಚ್ಚಿಸುತ್ತದೆ. ಹಾಗೂ ಯುದ್ಧಭೂಮಿಯಲ್ಲಿ ಮಾನವ ಶ್ರಮ, ಸಮಯ ಮತ್ತು ಅಪಾಯಗಳನ್ನು ಕಡಿಮೆ ಮಾಡುತ್ತದೆ. ರಕ್ಷಣಾ ಸಚಿವರಿಂದ ನಡೆದ ಲೋಕಾರ್ಪಣೆ, ಸ್ವದೇಶಿ ಸ್ಟಾರ್ಟ್‌ಅಪ್‌ಗಳು ಕೂಡ ಅತ್ಯಾಧುನಿಕ ರಕ್ಷಣಾ ಪರಿಹಾರಗಳನ್ನು ನೀಡುವ ಸಾಮರ್ಥ್ಯ ಹೊಂದಿವೆ ಎಂಬುದಕ್ಕೆ ದೊಡ್ಡ ಮಾನ್ಯತೆ.
ನ್ಯೂರಾಲಿಕ್ಸ್ ಎಐ ನಿರ್ಮಿಸಿರುವ ದೇಶದ ಮೊದಲ ರಕ್ಷಣಾ AI-ಏಸ್-ಎ-ಸರ್ವಿಸ್‌ ಪ್ಲಾಟ್‌ಫಾರ್ಮ್ ಭಾರತದ ರಕ್ಷಣಾ ತಂತ್ರಜ್ಞಾನಕ್ಕೆ ಹೊಸ ದಿಕ್ಕು ತೋರಿಸಿದೆ. ಇದು ರಕ್ಷಣಾ ವ್ಯವಸ್ಥೆಯನ್ನು ಡಿಜಿಟಲ್, ಬುದ್ಧಿವಂತ ಮತ್ತು ಭದ್ರತೆಯ ದೃಷ್ಟಿಯಿಂದ ಅತ್ಯಾಧುನಿಕಗೊಳಿಸುವ ಮಹತ್ವದ ಹೆಜ್ಜೆಯಾಗಿದ್ದು, "AI-Enabled Defence India" ಎಂಬ ಭವಿಷ್ಯದ ಕನಸಿನತ್ತ ದೇಶವನ್ನು ಒಯ್ಯುತ್ತದೆ.

Take Quiz

Loading..!

ಪ್ರಚಲಿತ ಘಟನೆಗಳು