ಕರ್ನಾಟಕ ಸರ್ಕಾರದ ಮಹತ್ವಾಕಾಂಕ್ಷೆ: ಸಂಡೂರಿನಲ್ಲಿ ಕೌಶಲ್ಯ ವಿಶ್ವವಿದ್ಯಾಲಯ ಸ್ಥಾಪನೆ

ಪ್ರಚಲಿತ ಘಟನೆಗಳು

ಕರ್ನಾಟಕ ಸರ್ಕಾರದ ಮಹತ್ವಾಕಾಂಕ್ಷೆ: ಸಂಡೂರಿನಲ್ಲಿ ಕೌಶಲ್ಯ ವಿಶ್ವವಿದ್ಯಾಲಯ ಸ್ಥಾಪನೆ5 ನವೆಂಬರ್ 2025

* ಯುವಜನರಲ್ಲಿನ ಕೌಶಲ್ಯಾಭಿವೃದ್ಧಿ, ಉದ್ಯಮಶೀಲತೆ ಮತ್ತು ಉದ್ಯೋಗಾವಕಾಶ ವೃದ್ಧಿಯನ್ನು ಉದ್ದೇಶಿಸಿ, ಕರ್ನಾಟಕ ಸರ್ಕಾರವು ಹೊಸ ಚರಿತ್ರೆ ಬರೆಯುವತ್ತ ಹೆಜ್ಜೆ ಹಾಕಿದೆ. ಸಂಡೂರಿನಲ್ಲಿ ಪ್ರತ್ಯೇಕ ಕೌಶಲ್ಯ ವಿಶ್ವವಿದ್ಯಾಲಯ ಸ್ಥಾಪಿಸಲು ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಘೋಷಿಸಿದ್ದು, ಯುವಶಕ್ತಿಯನ್ನು ಮಾರ್ಗದರ್ಶಿಸುವ ಮಹತ್ವದ ಹೆಜ್ಜೆಯಾಗಿ ಪರಿಗಣಿಸಲಾಗಿದೆ.
* ನವೆಂಬರ್ 4ರಂದು ಬೆಂಗಳೂರಿನಲ್ಲಿ ಉದ್ಘಾಟನೆಗೊಂಡ ಬೆಂಗಳೂರು ಕೌಶಲ್ಯ ಶೃಂಗಸಭೆಯನ್ನು ಉದ್ಘಾಟಿಸಿದ ಮುಖ್ಯಮಂತ್ರಿಗಳು, ಬೆಂಗಳೂರು ಉದ್ಯಾನ ನಗರಿ, ಸ್ಟಾರ್ಟ್–ಅಪ್ ರಾಜಧಾನಿ ಮಾತ್ರವಲ್ಲದೆ, ಈಗ ಭಾರತದ ಕೌಶಲ್ಯ ರಾಜಧಾನಿ ಆಗಿ ಹೊರಹೊಮ್ಮುತ್ತಿದೆ ಎಂಬ ಹೆಮ್ಮೆಯನ್ನು ವ್ಯಕ್ತಪಡಿಸಿದರು.
* ಕರ್ನಾಟಕದಲ್ಲಿ ಶೇ.60 ಕ್ಕೂ ಅಧಿಕ ಯುವಕರು 35 ವರ್ಷ ಮಿತಿಯೊಳಗಿರುವುದು ಜನಸಂಖ್ಯಾತ್ಮಕವಾಗಿ ಅಪಾರ ಅವಕಾಶವನ್ನು ಒದಗಿಸಿದೆ. ಮುಂದಿನ ಹತ್ತು ವರ್ಷಗಳ ಅವಧಿಯಲ್ಲಿ 1.2 ಕೋಟಿ ಯುವಕರು ಉದ್ಯೋಗ ಕ್ಷೇತ್ರಕ್ಕೆ ಪ್ರವೇಶಿಸುವ ಸಾಧ್ಯತೆ ಇರುವುದರಿಂದ, ಇವರಿಗೆ ತಕ್ಕ ಕೌಶಲ್ಯ ಹಾಗೂ ಮಾನಸಿಕ ಸಿದ್ಧತೆ ನೀಡುವುದು ಅವಶ್ಯಕವಾಗಿದೆ.
* ಕರ್ನಾಟಕ ಸ್ಕಿಲ್ ಒಲಿಂಪಿಕ್ಸ್ ಮುಂತಾದ ಕಾರ್ಯಕ್ರಮಗಳ ಮೂಲಕ ಜಾಗತಿಕ ಮಟ್ಟದ ಪ್ರತಿಭೆಯನ್ನು ರೂಪಿಸುವ ಪ್ರಯತ್ನಗಳು ಪರಿಣಾಮಕಾರಿ ಎನಿಸಿವೆ. ರಾಷ್ಟ್ರೀಯ ಮಟ್ಟದ ಕೌಶಲ್ಯ ಸ್ಪರ್ಧೆಯಲ್ಲಿ ರಾಜ್ಯವು 48 ಪದಕಗಳನ್ನು ಗಳಿಸಿದ್ದು, ಅಂತರಾಷ್ಟ್ರೀಯ ವೇದಿಕೆಯಲ್ಲಿ 4 ಪದಕಗಳನ್ನು ಗೆದ್ದಿದೆ. ಇದರಿಂದ ಕರ್ನಾಟಕದ ಕೌಶಲ್ಯ ಸಾಮರ್ಥ್ಯ ಜಾಗತಿಕ ಗಮನ ಸೆಳೆದಿದೆ.
* ಐಟಿಐ, ಜಿಟಿಟಿಸಿ ತರಬೇತಿ ಕೇಂದ್ರಗಳ ಮೂಲಕ ಈಗಾಗಲೇ 33,212 ಯುವಕರು ತರಬೇತಿಗೊಳಗಾಗಿ, ಉದ್ಯೋಗಾರ್ಹತೆಯನ್ನು ಹೆಚ್ಚಿಸಿಕೊಳ್ಳುತ್ತಿದ್ದಾರೆ. ಶಾಲಾ ಮಟ್ಟದಲ್ಲೇ ‘ನನ್ನ ವೃತ್ತಿ, ನನ್ನ ಆಯ್ಕೆ’ ಕಾರ್ಯಕ್ರಮದಡಿ 35,000 ವಿದ್ಯಾರ್ಥಿಗಳಿಗೆ ಮಾರ್ಗದರ್ಶನ ನೀಡಲಾಗಿದೆ. ಈ ವರ್ಷ ಯೋಜನೆಯನ್ನು 500 ಶಾಲೆಗಳಿಗೆ ವಿಸ್ತರಿಸಿ 2.3 ಲಕ್ಷ ವಿದ್ಯಾರ್ಥಿಗಳನ್ನು ಒಳಗೊಳ್ಳುವ ಗುರಿ ಇಡಲಾಗಿದೆ.

Take Quiz

Loading..!

ಪ್ರಚಲಿತ ಘಟನೆಗಳು