Job Description: ➤ ಪ್ರತಿ ವರ್ಷ ಜುಲೈ 26 ರಂದು ಭಾರತದಾದ್ಯಂತ 'ಕಾರ್ಗಿಲ್ ವಿಜಯ್ ದಿವಸ್' (Kargil Vijay Diwas) ಆಚರಿಸಲಾಗುತ್ತದೆ. 1999 ರಲ್ಲಿ ಲಡಾಖ್‌ನ ಕಾರ್ಗಿಲ್ ವಲಯದಲ್ಲಿ ಪಾಕಿಸ್ತಾನಿ ನುಸುಳುಕೋರರನ್ನು ಮೆಟ್ಟಿ ನಿಂತು, ಭಾರತೀಯ ಸಶಸ್ತ್ರ ಪಡೆಗಳು ಸಾಧಿಸಿದ ಶೌರ್ಯಪೂರ್ಣ ವಿಜಯದ ನೆನಪಿಗಾಗಿ ಈ ದಿನವನ್ನು ಗೌರವಿಸಲಾಗುತ್ತದೆ. 2026 ರಲ್ಲಿ ಭಾರತವು ಕಾರ್ಗಿಲ್ ವಿಜಯದ 27 ನೇ ವರ್ಷಾಚರಣೆಯನ್ನು ಆಚರಿಸುತ್ತಿದೆ. ➤ ಆಪರೇಷನ್ ವಿಜಯ್ ಹಿನ್ನೆಲೆ: ಮೇ 1999 ರಲ್ಲಿ ಪಾಕಿಸ್ತಾನಿ ನುಸುಳುಕೋರರು ಶ್ರೀನಗರ-ಲೇಹ್ ಹೆದ್ದಾರಿಯನ್ನು ಕಡಿತಗೊಳಿಸುವ ಉದ್ದೇಶದಿಂದ ಕಾರ್ಗಿಲ್‌ನ ಆಯಕಟ್ಟಿನ ಶಿಖರಗಳನ್ನು ಅಕ್ರಮವಾಗಿ ಆಕ್ರಮಿಸಿಕೊಂಡಾಗ, ಸ್ಥಳೀಯ ಕುರಿಗಾಹಿಗಳ ಮಾಹಿತಿಯಂತೆ ಭಾರತೀಯ ಭೂಸೇನೆಯು 'ಆಪರೇಷನ್ ವಿಜಯ್' ಮತ್ತು ವಾಯುಪಡೆಯು 'ಆಪರೇಷನ್ ಸಫೇದ್ ಸಾಗರ್' ಮೂಲಕ ಜಂಟಿ ಕಾರ್ಯಾಚರಣೆ ನಡೆಸಿ ಶತ್ರುಗಳನ್ನು ಮೆಟ್ಟಿಲಿಟ್ಟು ಪ್ರದೇಶವನ್ನು ಮರುವಶಪಡಿಸಿಕೊಂಡವು.➤ ಯುದ್ಧದ ತಿರುವು ನೀಡಿದ ಪ್ರಮುಖ ಕದನಗಳು: ತೋಲೋಲಿಂಗ್ ಕದನ (Battle of Tololing): ಜೂನ್ 13, 1999 ರಂದು ಭಾರತೀಯ ಸೇನೆಯು ತೋಲೋಲಿಂಗ್ ಶಿಖರವನ್ನು ಮರು ವಶಪಡಿಸಿಕೊಂಡಿತು. ಇದು ಯುದ್ಧಕ್ಕೆ ಮೊದಲ ಪ್ರಮುಖ ತಿರುವು ನೀಡಿತು. ಟೈಗರ್ ಹಿಲ್ ಕದನ (Battle of Tiger Hill): ಜುಲೈ 4, 1999 ರಂದು ಅತ್ಯಂತ ಕಡಿದಾದ ಮಂಜಿನ ಬೆಟ್ಟದಲ್ಲಿದ್ದ ಶತ್ರುಗಳ ಮೇಲೆ ಭೀಕರ ದಾಳಿ ನಡೆಸಿ ಟೈಗರ್ ಹಿಲ್ ಅನ್ನು ವಶಪಡಿಸಿಕೊಳ್ಳಲಾಯಿತು. ಇತರ ಪ್ರಮುಖ ಶಿಖರಗಳು: ಪಾಯಿಂಟ್ 4875, ಬಟಾಲಿಕ್, ಕಕ್ಸಾರ್ ಮತ್ತು ಮುಷ್ಕೋ ಕಣಿವೆಯ ಶಿಖರಗಳನ್ನು ಭಾರತೀಯ ಪಡೆಗಳು ಸಂಪೂರ್ಣವಾಗಿ ಮುಕ್ತಗೊಳಿಸಿದವು. ➤ ಪರಮವೀರ ಚಕ್ರ (PVC) ಪುರಸ್ಕೃತ ರಣಧೀರರು: ಕ್ಯಾಪ್ಟನ್ ವಿಕ್ರಮ್ ಬಾತ್ರಾ (ಮರಣೋತ್ತರ): "ಯೇ ದಿಲ್ ಮಾಂಗೆ ಮೋರ್!" ಎಂಬ ಘೋಶದೊಂದಿಗೆ ಪಾಯಿಂಟ್ 5140 ಹಾಗೂ ಪಾಯಿಂಟ್ 4875 ವಶಪಡಿಸಿಕೊಂಡ ವೀರ. ಲೆಫ್ಟಿನೆಂಟ್ ಮನೋಜ್ ಕುಮಾರ್ ಪಾಂಡೆ (ಮರಣೋತ್ತರ): ಜುಬಾರ್ ಟಾಪ್ ವಶಪಡಿಸಿಕೊಳ್ಳುವಲ್ಲಿ ಪ್ರಮುಖ ಪಾತ್ರ. ಗ್ರೇನೆಡಿಯರ್ ಯೋಗೇಂದ್ರ ಸಿಂಗ್ ಯಾದವ್: ಟೈಗರ್ ಹಿಲ್ ಕದನದಲ್ಲಿ ತೀವ್ರ ಗಾಯಗಳ ನಡುವೆಯೂ ಶತ್ರುಗಳ ಬಂಕರ್ ಧ್ವಂಸಗೊಳಿಸಿದರು. ರೈಫಲ್‌ಮ್ಯಾನ್ ಸಂಜಯ್ ಕುಮಾರ್: ಫ್ಲಾಟ್ ಟಾಪ್ ಶಿಖರ ವಶಪಡಿಸಿಕೊಳ್ಳುವಲ್ಲಿ ಅಪ್ರತಿಮ ಸಾಹಸ. ➤ ಕಾರ್ಗಿಲ್ ಯುದ್ಧದ ನಂತರ ರಕ್ಷಣಾ ಕ್ಷೇತ್ರದಲ್ಲಿ ಆದ ತಂತ್ರಗಾರಿಕೆಯ ಸುಧಾರಣೆಗಳು: ಕಾರ್ಗಿಲ್ ವಿಮರ್ಶಾ ಸಮಿತಿ (Kargil Review Committee - KRC): ಕೆ. ಸುಬ್ರಹ್ಮಣ್ಯಂ ನೇತೃತ್ವದ ಸಮಿತಿಯು ಗಡಿ ಭದ್ರತೆ ಮತ್ತು ಗುಪ್ತಚರ ಇಲಾಖೆಯ ನ್ಯೂನತೆಗಳನ್ನು ಸುಧಾರಿಸಲು ಶಿಫಾರಸು ಮಾಡಿತು. Chief of Defence Staff (CDS) ಹುದ್ದೆ ಸೃಷ್ಟಿ: ಮೂರೂ ಸಶಸ್ತ್ರ ಪಡೆಗಳ (ಭೂಸೇನೆ, ವಾಯುಪಡೆ, ನೌಕಾಪಡೆ) ನಡುವೆ ಸಮನ್ವಯ ಸಾಧಿಸಲು ಸಿಡಿಎಸ್ ಹುದ್ದೆಯನ್ನು ಸೃಷ್ಟಿಸಲಾಯಿತು. ಗುಪ್ತಚರ ಸುಧಾರಣೆಗಳು: 'ನ್ಯಾಷನಲ್ ತಾಂತ್ರಿಕ ಸಂಶೋಧನಾ ಸಂಸ್ಥೆ' (NTRO) ಮತ್ತು 'ಡಿಫೆನ್ಸ್ ಇಂಟೆಲಿಜೆನ್ಸ್ ಏಜೆನ್ಸಿ' (DIA) ಸ್ಥಾಪಿಸಲಾಯಿತು. ಉನ್ನತ ಎತ್ತರದ ಸಮರ ತಂತ್ರಜ್ಞಾನ: ನೈಟ್-ವಿಷನ್ ಉಪಕರಣಗಳು, ಆಧುನಿಕ ರೇಡಾರ್, ಡ್ರೋನ್ ಮತ್ತು ಉಪಗ್ರಹ ಆಧಾರಿತ ಕಣ್ಗಾವಲು ವ್ಯವಸ್ಥೆಯನ್ನು ಗಡಿಯಲ್ಲಿ ಅಳವಡಿಸಲಾಯಿತು.
