* ಭಾರತೀಯ ನೌಕಾಪಡೆಯಿಗೆ ರಷ್ಯಾದಿಂದ ಅತ್ಯಾಧುನಿಕ'ಐಎನ್ಎಸ್ ತಮಾಲ್' ಯುದ್ಧ ನೌಕೆ ಶೀಘ್ರದಲ್ಲೇ ಸೇರ್ಪಡೆಯಾಗಲಿದ್ದು, ಇದು ವಿದೇಶದಿಂದ ಆಮದು ಮಾಡಿಕೊಳ್ಳಲಿರುವ ಕೊನೆಯ ನೌಕೆ ಆಗಲಿದೆ. ಇದಾದ ಬಳಿಕ ಎಲ್ಲ ನೌಕೆಗಳನ್ನು ದೇಶೀಯವಾಗಿ ನಿರ್ಮಿಸಲಾಗುವುದು ಎಂದು ನೌಕಾಪಡೆ ಘೋಷಿಸಿದೆ.* ರಷ್ಯಾದ ಯಾಂತರ್‌ ಶಿಪ್‌ಯಾರ್ಡ್‌ನಲ್ಲಿ ನಿರ್ಮಿತವಾದ ತಲ್ವಾರ್‌ ಶ್ರೇಣಿಯ ಯುದ್ಧ ನೌಕೆಯ ಮೂಲಕ ಬ್ರಹ್ಮೋಸ್‌ ಕ್ಷಿಪಣಿಗಳನ್ನು ಉಡಾಯಿಸುವ ಸಾಮರ್ಥ್ಯ ಹೊಂದಿದೆ. ಚೀನಾದ ಪ್ರಾಬಲ್ಯ ಹೆಚ್ಚುತ್ತಿರುವ ಹಿಂದೂ ಮಹಾಸಾಗರದಲ್ಲಿ ಇದು ಭಾರತದ ರಕ್ಷಣಾ ವ್ಯವಸ್ಥೆಯನ್ನು ಮತ್ತಷ್ಟು ಬಲಪಡಿಸುತ್ತದೆ.* ಭಾರತ-ರಷ್ಯಾ ನಡುವೆ 2016ರಲ್ಲಿ ನಾಲ್ಕು ಯುದ್ಧ ನೌಕೆಗಳ ನಿರ್ಮಾಣ ಒಪ್ಪಂದವಾಗಿದೆ. ಎರಡು ರಷ್ಯಾದಲ್ಲಿ, ಇನ್ನೆರಡು ಗೋವಾದಲ್ಲಿ ನಿರ್ಮಾಣಗೊಳ್ಳುತ್ತವೆ. ರಷ್ಯಾ ನಿರ್ಮಿಸಿದ 'ಐಎನ್ಎಸ್ ತುಶೀಲ್' ನೌಕೆ ಕಳೆದ ವರ್ಷ ಸೇರ್ಪಡೆಯಾಯಿತು. ‘ಐಎನ್ಎಸ್ ತಮಾಲ್’ ನಿರ್ಮಾಣ ಪೂರ್ಣಗೊಂಡಿದ್ದು, ಜೂನ್‌ನಲ್ಲಿ ನೌಕಾಪಡೆಯಲ್ಲಿ ಸೇರ್ಪಡೆಯಾಗಲಿದೆ.* ನಿರ್ಮಾಣ ಪೂರ್ಣಗೊಂಡಿರುವ ,ಐಎನ್ಎಸ್ ತಮಾಲ್ ಯುದ್ಧ ನೌಕೆಯ ಸಮುದ್ರ ಪರೀಕ್ಷೆ ಹಾಗೂ ಕಾರ್ಯನಿರ್ವಹಣಾ ತರಬೇತಿಗಾಗಿ 200 ಭಾರತೀಯ ನೌಕಾ ಸಿಬ್ಬಂದಿ ಸೇಂಟ್ ಪೀಟರ್ಸ್‌ಬರ್ಗ್‌ಗೆ ತೆರಳಿದ್ದಾರೆ.
ನೌಕೆಯ ಪ್ರಮುಖ ಅಂಶಗಳು :• 3000 ಕಿ.ಮೀ ವ್ಯಾಪ್ತಿಯಲ್ಲಿ ಕಾರ್ಯಾಚರಣೆ.• ಶತ್ರುಪಾಳಯದ ರೇಡಾರ್‌ ಕಣ್ತಪ್ಪಿಸಿ ನಿಖರ ದಾಳಿ ನಡೆಸುವ ಸಾಮರ್ಥ್ಯ.• ಸೂಪರ್‌ಸಾನಿಕ್‌ ಬ್ರಹ್ಮೋಸ್‌ ಕ್ಷಿಪಣಿ ಉಡಾಯಿಸಬಲ್ಲ ತಾಕತ್ತು.• 3,900 ಟನ್‌ ತೂಕ ಹೊಂದಿದ್ದು, ಗಂಟೆಗೆ 55 ಕಿ.ಮೀ ವೇಗದಲ್ಲಿಸಂಚರಿಸಬಲ್ಲದು.• ಒಂದು ಬಾರಿಯ ಮಿಷನ್‌ನಲ್ಲಿ3 ಸಾವಿರ ಕಿ.ಮೀ ಕಾರ್ಯಾಚರಣೆ ವ್ಯಾಪ್ತಿ.• ನೀರಿನಾಳದ ಬೆದರಿಕೆ ಎದುರಿಸಲು ಜಲಾಂತರ್ಗಾಮಿ ವಿರೋಧಿ ರಾಕೆಟ್‌, ಟಾರ್ಪಿಡೊಗಳನ್ನು ಹೊಂದಿದೆ.
