Job Description: ➤ ಭಾರತ ಸರ್ಕಾರದ ಸಾಮಾಜಿಕ ನ್ಯಾಯ ಮತ್ತು ಸಬಲೀಕರಣ ಸಚಿವಾಲಯವು ದೇಶದ ಆರೈಕೆ ಆರ್ಥಿಕತೆಯನ್ನು (Care Economy) ಬಲಪಡಿಸಲು ಮತ್ತು ಹೆಚ್ಚುತ್ತಿರುವ ಹಿರಿಯ ನಾಗರಿಕರ ಜನಸಂಖ್ಯೆಗೆ ತಾಂತ್ರಿಕ ಆಸರೆ ನೀಡಲು ಎರಡು ಪ್ರಮುಖ ಡಿಜಿಟಲ್ ಉಪಕ್ರಮಗಳನ್ನು ಅನಾವರಣಗೊಳಿಸಿದೆ. ಕೇಂದ್ರ ಸಾಮಾಜಿಕ ನ್ಯಾಯ ಮತ್ತು ಸಬಲೀಕರಣ ಸಚಿವ ಡಾ. ವೀರೇಂದ್ರ ಕುಮಾರ್ ಅವರು ಮೇ 22, 2026 ರಂದು ನಡೆದ ವರ್ಚುವಲ್ ಕಾರ್ಯಕ್ರಮದಲ್ಲಿ ಹಿರಿಯ ನಾಗರಿಕರಿಗಾಗಿ ‘ಜೀವನ್’ (JEEVAN) ಮೊಬೈಲ್ ಆಪ್ ಮತ್ತು ಹಿರಿಯರ ಆರೈಕೆದಾರರಿಗಾಗಿ ‘ಶತಾಯು’ (SHATAYU) ಡ್ಯಾಶ್‌ಬೋರ್ಡ್ ಅನ್ನು ಅಧಿಕೃತವಾಗಿ ಬಿಡುಗಡೆ ಮಾಡಿದ್ದಾರೆ. ➤ ಜೀವನ್ (JEEVAN) ಆಪ್ತಂ: ಕೇಂದ್ರ ಸರ್ಕಾರ ಬಿಡುಗಡೆ ಮಾಡಿರುವ ‘ಜೀವನ್’ (JEEVAN) ಆಪ್ ತಂತ್ರಜ್ಞಾನ ಮತ್ತು ಸಮುದಾಯದ ಪಾಲ್ಗೊಳ್ಳುವಿಕೆಯ ಮೂಲಕ ದೇಶದ ಹಿರಿಯ ನಾಗರಿಕರಿಗೆ ಸಮಗ್ರ ಆರೈಕೆ ಸೇವೆಗಳನ್ನು ಒದಗಿಸುವ ಉದ್ದೇಶ ಹೊಂದಿದೆ.➤ ಶತಾಯು (SHATAYU) ಡ್ಯಾಶ್‌ಬೋರ್ಡ್ ಎನ್ನುವುದು ಹಿರಿಯ ನಾಗರಿಕರನ್ನು ನೋಡಿಕೊಳ್ಳುವ ಆರೈಕೆದಾರರು ಮತ್ತು ಸಂಸ್ಥೆಗಳಿಗೆ ವೃದ್ಧಾಪ್ಯದ ಆರೈಕೆ (Geriatric Care) ಕುರಿತಾದ ಮಾಹಿತಿ, ತರಬೇತಿ ಮತ್ತು ಅಗತ್ಯ ಸಂಪನ್ಮೂಲಗಳನ್ನು ಒದಗಿಸುವ ಒಂದು ಸಮಗ್ರ ಡಿಜಿಟಲ್ ವೇದಿಕೆಯಾಗಿದೆ.➤ 'ಆರೈಕೆ ಆರ್ಥಿಕತೆ' (Care Economy): ಕೇಂದ್ರ ಸಚಿವಾಲಯದ ಪ್ರಕಾರ, ಆರೈಕೆ ಆರ್ಥಿಕತೆಯು ಮಕ್ಕಳ ಆರೈಕೆ (Childcare), ಹಿರಿಯರ ಆರೈಕೆ (Eldercare), ವಿಕಲಚೇತನರ ಬೆಂಬಲ, ಆರೋಗ್ಯ ಸಂಬಂಧಿತ ಗೃಹ ಆರೈಕೆ ಮತ್ತು ದೇಶೀಯ ಸೇವೆಗಳನ್ನು ಒಳಗೊಂಡಿರುತ್ತದೆ. ಇದರಲ್ಲಿ ಮಹಿಳೆಯರು ಮನೆಯೊಳಗೆ ಮಾಡುವ ಉಚಿತ ಸೇವೆಗಳು ಮತ್ತು ಮಾರುಕಟ್ಟೆಯಲ್ಲಿ ಹಣ ಪಾವತಿಸಿ ಪಡೆಯುವ ಔಪಚಾರಿಕ ಹಾಗೂ ಅನೌಪಚಾರಿಕ ಸೇವೆಗಳೆರಡೂ ಸೇರಿವೆ.➤ ಕರ್ನಾಟಕ ಮತ್ತು ಕೇರಳ ರಾಜ್ಯಗಳ ಮಾದರಿ ಪ್ರಸ್ತುತಿ: ಈ ವರ್ಚುವಲ್ ಸಮ್ಮೇಳನದಲ್ಲಿ ಕರ್ನಾಟಕ ಮತ್ತು ಕೇರಳ ರಾಜ್ಯಗಳು ದೇಶದಲ್ಲೇ ಹಿರಿಯ ನಾಗರಿಕರ ಆರೈಕೆ ಮತ್ತು ‘ಕೇರ್ ಎಕಾನಮಿ’ ಕ್ಷೇತ್ರದಲ್ಲಿ ಜಾರಿಗೆ ತಂದಿರುವ ಅತ್ಯುತ್ತಮ ತಾಂತ್ರಿಕ ಮತ್ತು ಸಾಮಾಜಿಕ ಯೋಜನೆಗಳ (Best Practices) ಕುರಿತು ವಿಶೇಷ ಪ್ರಸ್ತುತಿಯನ್ನು (Presentation) ನೀಡಿದ್ದು ಈ ಕಾರ್ಯಕ್ರಮದ ಮತ್ತೊಂದು ಪ್ರಮುಖ ಆಕರ್ಷಣೆಯಾಗಿತ್ತು.ಮೇ21 ರ ಪ್ರಚಲಿತ ಘಟನೆಗಳ ಆಧಾರಿತ ಕ್ವಿಜ್‌ನಲ್ಲಿ ಭಾಗವಹಿಸಲು ಇಲ್ಲಿ ಕ್ಲಿಕ್ ಮಾಡಿ
