* ಜಾರ್ಖಂಡ್ ಮುಕ್ತಿ ಮೋರ್ಚಾ (ಜೆಎಂಎಂ) ಪಕ್ಷದ ಸಂಸ್ಥಾಪಕ ಮತ್ತು ಜಾರ್ಖಂಡ್ ರಾಜ್ಯ ನಿರ್ಮಾಣದ ಪ್ರಮುಖ ಮುಖಂಡ ಶಿಬು ಸೊರೇನ್ (81) ಅವರು ಸೋಮವಾರ(ಆಗಸ್ಟ್ 04) ನಿಧನರಾದರು.* ಮೂತ್ರ ಪಿಂಡದ ಸಮಸ್ಯೆಯಿಂದ ಬಳಲುತ್ತಿದ್ದ ಅವರು ಕಳೆದ ಒಂದು ತಿಂಗಳಿನಿಂದ ನವದೆಹಲಿಯ ಗಂಗಾರಾಮ್ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದರು. ಅವರು ಸೋಮವಾರ ಬೆಳಿಗ್ಗೆ 8.56ಕ್ಕೆ ಕೊನೆಯುಸಿರೆಳೆದರು.* ಮೃತದೇಹವನ್ನು ನವದೆಹಲಿಯಿಂದ ವಿಶೇಷ ವಿಮಾನದಲ್ಲಿ ರಾಂಚಿಗೆ ಕರೆತರಲಾಯಿತು. ಬಿರ್ಸಾ ಮುಂಡಾ ವಿಮಾನ ನಿಲ್ದಾಣದಲ್ಲಿ ಸಾವಿರಾರು ಜನರು ಅಂತಿಮ ನಮನ ಸಲ್ಲಿಸಿದರು. ಮಂಗಳವಾರ, ಹುಟ್ಟೂರಾದ ರಾಮಗಢ ಜಿಲ್ಲೆಯ ನೆಮ್ರಾ ಗ್ರಾಮದಲ್ಲಿ ಅಂತಿಮ ವಿಧಿವಿಧಾನಗಳು ನಡೆಯಲಿವೆ.* ಜಾರ್ಖಂಡ್ ವಿಧಾನಸಭೆಯು ಶಿಬು ಸೊರೇನ್ ನಿಧನದ ಹಿನ್ನೆಲೆಯಲ್ಲಿ ಅನಿರ್ದಿಷ್ಟಾವಧಿಗೆ ಮುಂದೂಡಲಾಯಿತು. ಮೂರು ದಿನಗಳ ಶೋಕಾಚರಣೆ ಘೋಷಿಸಲಾಯಿತು. ರಾಜ್ಯಸಭೆಯು ಕೂಡ ಸಂತಾಪ ಸೂಚಿಸಿ, ದಿನದ ಉಳಿದ ಭಾಗದ ಕಾರ್ಯವೈಖರಿಯನ್ನು ಮುಂದೂಡಿತು.* 2008 ರಲ್ಲಿ ಭಾರತ-ಅಮೆರಿಕ ಪರಮಾಣು ಒಪ್ಪಂದದ ವೇಳೆ, ಜೆಎಂಎಂ ಪಕ್ಷದ ಬೆಂಬಲ ನಿರ್ಣಾಯಕವಾಗಿತ್ತು. ಅವಿಶ್ವಾಸ ಮತದಾನದ ಕೆಲದಿನಗಳ ಮುನ್ನ ಶಿಬು ಸೊರೇನ್ ಮತ್ತು ಜೆಎಂಎಂ ಸಂಸದರು ಅಜ್ಞಾತವಾಗಿ ಇದ್ದರು.* ಮತದಾನದ ಹಿಂದಿನ ದಿನ ದೆಹಲಿಯಲ್ಲಿ ಅವರು ಕಾಣಿಸಿಕೊಂಡು ಯುಪಿಎ ಸರ್ಕಾರಕ್ಕೆ ಬೆಂಬಲ ನೀಡುವುದಾಗಿ ಘೋಷಿಸಿದರು. ಇದರಿಂದ ಮನಮೋಹನ್ ಸಿಂಗ್ ನೇತೃತ್ವದ ಸರ್ಕಾರ ಉಳಿಯಲು ಸಾಧ್ಯವಾಯಿತು.
