* ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) 1000 ಕಿಲೋನ್ಯೂಟನ್ ಸಾಮರ್ಥ್ಯದ ಸೆಮಿಕ್ರಯೋಜೆನಿಕ್ ಎಂಜಿನ್‌ನ ಪರೀಕ್ಷೆಯನ್ನು ಯಶಸ್ವಿಯಾಗಿ ನಡೆಸಿದೆ.* ಈ ದೇಶೀಯ ಎಂಜಿನ್ ಉಪಗ್ರಹ ಉಡ್ಡಯನ ವಾಹನ ತಂತ್ರಜ್ಞಾನ ವ್ಯವಸ್ಥೆ ಮಾರ್ಕ್-3 (ಎಲ್‌ಎಂವಿ-3) ಅಭಿವೃದ್ಧಿಗೆ ಸಹಾಯವಾಗಲಿದೆ ಎಂದು ಇಸ್ರೋ ತಿಳಿಸಿದೆ. * ಶುಕ್ರವಾರ, ತಮಿಳುನಾಡಿನ ಮಹೇಂದ್ರಗಿರಿಯಲ್ಲಿರುವ ಇಸ್ರೋ ಕೇಂದ್ರದಲ್ಲಿ ಈ ಪರೀಕ್ಷೆ ನಡೆಸಲಾಗಿದ್ದು, 2.5 ಸೆಕೆಂಡುಗಳ ಅವಧಿಯ ಈ ಯಶಸ್ವಿ ಪರೀಕ್ಷೆ, ಲಿಕ್ವಿಡ್ ಆಕ್ಸಿಜನ್/ಕೆರೊಸಿನ್ ಆಧಾರಿತ ಸೆಮಿಕ್ರಯೋಜೆನಿಕ್ ಎಂಜಿನ್ ಅಭಿವೃದ್ಧಿಯ ಪ್ರಮುಖ ಹಂತವಾಗಿದೆ ಎಂದು ಇಸ್ರೋ ಶನಿವಾರ ತಿಳಿಸಿದೆ. * ಪ್ರಸ್ತುತ ಎಲ್‌ಎಂವಿ-3 ರಾಕೆಟ್‌ಗಳಲ್ಲಿ ಬಳಸಲಾಗುತ್ತಿರುವ ಲಿಕ್ವಿಡ್ ಪ್ರೊಪೆಲ್ಲಂಟ್ ಆಧಾರಿತ ಎಲ್110 ಎಂಜಿನ್ ಬದಲಾಗಿ, ಹೆಚ್ಚಿನ ಭಾರ ಹೊರುವ ಸಾಮರ್ಥ್ಯವಿರುವ ಎಸ್-ಇ2000 ಸೆಮಿಕ್ರಯೋಜೆನಿಕ್ ಎಂಜಿನ್ ಅನ್ನು ಭವಿಷ್ಯದಲ್ಲಿ ಅಳವಡಿಸಲಾಗುವುದು. * ಈ ಎಂಜಿನ್ ಉಪಯೋಗಿಸುವ ಮೂಲಕ ಎಲ್‌ಎಂವಿ-3 ರಾಕೆಟ್‌ಗಳ ಭಾರ ಹೊರುವ ಸಾಮರ್ಥ್ಯವನ್ನು 5 ಟನ್‌ಗೆ ಹೆಚ್ಚಿಸಲು ಸಾಧ್ಯವಾಗುತ್ತದೆ ಎಂದು ಇಸ್ರೋ ತಿಳಿಸಿದೆ.
