ISO/IEC 42001 ಪ್ರಮಾಣೀಕರಣ ಪಡೆದ ಮೊದಲ ಪಾವತಿ ಕಂಪನಿಯಾಗಿ Financial Software and Systems(FSS)

ಪ್ರಚಲಿತ ಘಟನೆಗಳು

ISO/IEC 42001 ಪ್ರಮಾಣೀಕರಣ ಪಡೆದ ಮೊದಲ ಪಾವತಿ ಕಂಪನಿಯಾಗಿ Financial Software and Systems(FSS)8 ಜನವರಿ 2026

* ಭಾರತದ ಪಾವತಿ ತಂತ್ರಜ್ಞಾನ ಕ್ಷೇತ್ರದಲ್ಲಿ ಮಹತ್ವದ ಸಾಧನೆಯಾಗಿ, Financial Software and Systems (FSS) ಸಂಸ್ಥೆ ISO/IEC 42001 ಪ್ರಮಾಣೀಕರಣವನ್ನು ಪಡೆಯುವ ಭಾರತ, ಮಧ್ಯಪ್ರಾಚ್ಯ, ಏಷ್ಯಾ–ಪೆಸಿಫಿಕ್ (APAC) ಹಾಗೂ ದಕ್ಷಿಣ ಆಫ್ರಿಕಾ ಪ್ರದೇಶಗಳ ಮೊದಲ ಪಾವತಿ ಕಂಪನಿಯಾಗಿ ಹೊರಹೊಮ್ಮಿದೆ. ISO/IEC 42001 ಪ್ರಮಾಣೀಕರಣವು ಕೃತಕ ಬುದ್ಧಿಮತ್ತೆ (AI) ಯ ಜವಾಬ್ದಾರಿಯುತ, ನೈತಿಕ ಹಾಗೂ ನಿಯಂತ್ರಿತ ಬಳಕೆಗೆ ಸಂಬಂಧಿಸಿದ ಜಾಗತಿಕ ಮಾನದಂಡವಾಗಿದೆ. ಈ ಪ್ರಮಾಣೀಕರಣದ ಮೂಲಕ FSS ಸಂಸ್ಥೆ, ಅಸ್ತವ್ಯಸ್ತ (ad-hoc) AI ಬಳಕೆಯಿಂದ ದೂರ ಸರಿದು, ಸಂಸ್ಥಾಮಟ್ಟದ AI ಆಡಳಿತ (AI Governance) ಚೌಕಟ್ಟನ್ನು ಅಳವಡಿಸಿಕೊಂಡಿದೆ.
* ಈ ಸಾಧನೆಯ ಮಹತ್ವ:
=> AI ವ್ಯವಸ್ಥೆಗಳ ಸಂಪೂರ್ಣ ಜೀವನಚಕ್ರದಲ್ಲಿ ಮೇಲ್ವಿಚಾರಣೆ, ಅಪಾಯ ಮೌಲ್ಯಮಾಪನ, ಹೊಣೆಗಾರಿಕೆ, ಪಾರದರ್ಶಕತೆ ಹಾಗೂ ನಿಯಂತ್ರಣ ಪಾಲನೆಯನ್ನು ಖಚಿತಪಡಿಸುವ ವ್ಯವಸ್ಥೆಯನ್ನು ಇದು ಒದಗಿಸುತ್ತದೆ.
=>ವಂಚನೆ ಪತ್ತೆ, ವಹಿವಾಟು ಮೇಲ್ವಿಚಾರಣೆ, ಡಿಸ್ಪ್ಯೂಟ್ ಮ್ಯಾನೇಜ್‌ಮೆಂಟ್, ರಿಕನ್ಸಿಲಿಯೇಷನ್, ಆಪರೇಷನಲ್ ಆಟೋಮೇಷನ್ ಮುಂತಾದ ಪ್ರಮುಖ ಕ್ಷೇತ್ರಗಳಲ್ಲಿ AI ಬಳಕೆ
=> AI ಯಿಂದ ಉಂಟಾಗಬಹುದಾದ ಪಕ್ಷಪಾತ, ಅನಿರೀಕ್ಷಿತ ಫಲಿತಾಂಶಗಳು, ವಿವರಣಾತ್ಮಕತೆಯ ಕೊರತೆ ಹಾಗೂ ನಿಯಂತ್ರಣ ಉಲ್ಲಂಘನೆಗಳಂತಹ ಅಪಾಯಗಳನ್ನು ತಡೆಯಲು ಇದು ವ್ಯವಸ್ಥಿತ ಕ್ರಮಗಳನ್ನು ಒದಗಿಸುತ್ತದೆ.
* ಹಣಕಾಸು ಕ್ಷೇತ್ರಕ್ಕೆ ಪ್ರಾಮುಖ್ಯತೆ : ISO/IEC 42001 ಮಾನದಂಡವು, ಹಣಕಾಸು ಸೇವಾ ಕ್ಷೇತ್ರದಲ್ಲಿ AI ಬಳಕೆಯಿಂದ ಉಂಟಾಗುವ ನ್ಯಾಯತೆ, ವಿವರಣಾತ್ಮಕತೆ (Explainability), ಹೊಣೆಗಾರಿಕೆ ಸಂಬಂಧಿತ ಅಪಾಯಗಳನ್ನು ಸಮರ್ಥವಾಗಿ ನಿರ್ವಹಿಸಲು ಸಹಾಯಕವಾಗಿದೆ. ಇದು ಮುಂದಿನ ದಿನಗಳಲ್ಲಿ EU AI Act ಹಾಗೂ RBI ಯ ನೈತಿಕ AI ಒತ್ತಾಯಗಳಿಗೆ ಅನುಗುಣವಾಗಿ ಅತ್ಯಂತ ಪ್ರಸ್ತುತವಾಗಲಿದೆ.
* FSS ನ CEO ವಿ. ಬಾಲಸುಬ್ರಹ್ಮಣ್ಯನ್ ಅವರು“ಪಾವತಿ ವ್ಯವಸ್ಥೆಗಳಲ್ಲಿ AI ಪ್ರಮುಖ ಮೂಲಸೌಕರ್ಯವಾಗುತ್ತಿರುವ ಸಂದರ್ಭದಲ್ಲಿ, ಅದರ ಆಡಳಿತ (Governance) ಅತ್ಯಾವಶ್ಯಕ. ಶಕ್ತಿಶಾಲಿಯಷ್ಟೇ ಅಲ್ಲ, ನಂಬಿಕೆಯುಳ್ಳ ಹಾಗೂ ಹೊಣೆಗಾರ AI ನಿರ್ಮಾಣಕ್ಕೆ ಈ ಪ್ರಮಾಣೀಕರಣ ನಮ್ಮ ಬದ್ಧತೆಯನ್ನು ತೋರಿಸುತ್ತದೆ” ಎಂದು ಹೇಳಿದ್ದಾರೆ.
* FSS ನ AI ಆಡಳಿತ ಚೌಕಟ್ಟನ್ನು TÜV SÜD (ಜಾಗತಿಕ ಪ್ರಮಾಣೀಕರಣ ಸಂಸ್ಥೆ) ಸ್ವತಂತ್ರವಾಗಿ ಮೌಲ್ಯಮಾಪನ ಮಾಡಿದೆ.

Take Quiz

Loading..!

ಪ್ರಚಲಿತ ಘಟನೆಗಳು