ಇಂಡಿಯಾ AI ಇಂಪ್ಯಾಕ್ಟ್ ಶೃಂಗಸಭೆ 2026: ಭಾರತಕ್ಕೆ ಗಿನ್ನೆಸ್ ವಿಶ್ವ ದಾಖಲೆಯ ಗರಿ!

ಪ್ರಚಲಿತ ಘಟನೆಗಳು

Authored by: Yallamma G Date: 19 ಫೆಬ್ರುವರಿ 2026

➤ ನವದೆಹಲಿ: ತಂತ್ರಜ್ಞಾನ ಲೋಕದಲ್ಲಿ ಭಾರತ ಮತ್ತೊಂದು ಐತಿಹಾಸಿಕ ಮೈಲಿಗಲ್ಲು ಸ್ಥಾಪಿಸಿದೆ. ದೆಹಲಿಯ ಭಾರತ್ ಮಂಟಪದಲ್ಲಿ ನಡೆಯುತ್ತಿರುವ 'ಇಂಡಿಯಾ AI ಇಂಪ್ಯಾಕ್ಟ್ ಶೃಂಗಸಭೆ 2026' ರ (India AI Impact Summit 2026) ಮೂರನೇ ದಿನದಂದು ಭಾರತವು "ಕೃತಕ ಬುದ್ಧಿಮತ್ತೆಯ ಜವಾಬ್ದಾರಿಯುತ ಬಳಕೆ"ಗಾಗಿ ಅತಿ ಹೆಚ್ಚು ಪ್ರತಿಜ್ಞೆಗಳನ್ನು ಸ್ವೀಕರಿಸಿ ಗಿನ್ನೆಸ್ ವಿಶ್ವ ದಾಖಲೆ ನಿರ್ಮಿಸಿದೆ.
➤ ಗಿನ್ನೆಸ್ ವಿಶ್ವ ದಾಖಲೆ: ಕೇವಲ 24 ಗಂಟೆಗಳ ಅವಧಿಯಲ್ಲಿ (ಫೆಬ್ರವರಿ 16 ರಿಂದ 17 ರವರೆಗೆ) ಬರೋಬ್ಬರಿ 2,50,946 (2.5 ಲಕ್ಷಕ್ಕೂ ಹೆಚ್ಚು) ಜನರು ಆನ್‌ಲೈನ್ ಮೂಲಕ 'AI ಜವಾಬ್ದಾರಿಯುತ ಬಳಕೆ'ಯ ಪ್ರತಿಜ್ಞೆ ಸ್ವೀಕರಿಸಿದ್ದಾರೆ. ಕೇಂದ್ರ ಐಟಿ ಸಚಿವ ಅಶ್ವಿನಿ ವೈಷ್ಣವ್ ಅವರು ಘೋಷಿಸಿದಂತೆ, ಆರಂಭಿಕ 5,000 ಪ್ರತಿಜ್ಞೆಗಳ ಗುರಿಯನ್ನು ಮೀರಿ ಯುವಜನತೆಯ ಉತ್ಸಾಹದಿಂದ 2.5 ಲಕ್ಷಕ್ಕೂ ಅಧಿಕ ಪ್ರತಿಜ್ಞೆಗಳು ಸಲ್ಲಿಕೆಯಾಗಿದ್ದು, ಇದು AI ತಂತ್ರಜ್ಞಾನವನ್ನು ಪಾರದರ್ಶಕವಾಗಿ ಮತ್ತು ನೈತಿಕವಾಗಿ ಬಳಸುವ ಕುರಿತು ಜಾಗೃತಿ ಮೂಡಿಸುವ ಉದ್ದೇಶ ಹೊಂದಿದೆ.
➤ ಗೂಗಲ್‌ನಿಂದ 'ಅಮೆರಿಕಾ-ಇಂಡಿಯಾ ಕನೆಕ್ಟ್':ಜಾಗತಿಕ ತಂತ್ರಜ್ಞಾನ ದೈತ್ಯ ಗೂಗಲ್ ಈ ಶೃಂಗಸಭೆಯಲ್ಲಿ ಭಾರತದ ಡಿಜಿಟಲ್ ಮೂಲಸೌಕರ್ಯಕ್ಕೆ ದೊಡ್ಡ ಕೊಡುಗೆ ಘೋಷಿಸಿದೆ.
- ಸಬ್‌ಸೀ ಕೇಬಲ್ ಯೋಜನೆ: ಅಮೆರಿಕಾ, ಭಾರತ ಮತ್ತು ದಕ್ಷಿಣ ಗೋಳಾರ್ಧದ ದೇಶಗಳನ್ನು ಸಂಪರ್ಕಿಸುವ ಹೊಸ ಫೈಬರ್-ಆಪ್ಟಿಕ್ ಮಾರ್ಗಗಳನ್ನು ನಿರ್ಮಿಸಲಾಗುತ್ತದೆ.
- ಕೇಂದ್ರಗಳು: ವಿಶಾಖಪಟ್ಟಣಂ (Vizag) ಮತ್ತು ಚೆನ್ನೈ ಅನ್ನು ದಕ್ಷಿಣ ಆಫ್ರಿಕಾ ಮತ್ತು ಸಿಂಗಾಪುರಕ್ಕೆ ಸಂಪರ್ಕಿಸುವ ಸಬ್‌ಸೀ ಕೇಬಲ್ ಇದಾಗಿದೆ.
- ಹೂಡಿಕೆ: ಭಾರತದಲ್ಲಿ AI ಮೂಲಸೌಕರ್ಯಕ್ಕಾಗಿ ಗೂಗಲ್ ಸುಮಾರು 15 ಬಿಲಿಯನ್ ಡಾಲರ್ ಹೂಡಿಕೆ ಮಾಡಲಿದೆ.
- ಸವಾಲು ನಿಧಿ : ಸರ್ಕಾರಿ ಆವಿಷ್ಕಾರ ಮತ್ತು ವಿಜ್ಞಾನ ಕ್ಷೇತ್ರಕ್ಕೆ AI ಬಳಕೆ ಉತ್ತೇಜಿಸಲು ತಲಾ 30 ಮಿಲಿಯನ್ ಡಾಲರ್ ಮೊತ್ತದ ಎರಡು ನಿಧಿಗಳನ್ನು ಗೂಗಲ್ ಘೋಷಿಸಿದೆ.
➤ OpenAI ಸಹಯೋಗ: ಚಾಟ್-ಜಿಪಿಟಿ (ChatGPT) ಸೃಷ್ಟಿಕರ್ತ ಕಂಪನಿ OpenAI, ಭಾರತದ ಪ್ರತಿಷ್ಠಿತ ಶಿಕ್ಷಣ ಸಂಸ್ಥೆಗಳಾದ IIT ದೆಹಲಿ, IIM ಅಹಮದಾಬಾದ್, ಮತ್ತು AIIMS ದೆಹಲಿ ಸೇರಿದಂತೆ ಆಯ್ದ ಕಾಲೇಜುಗಳೊಂದಿಗೆ ಒಪ್ಪಂದ ಮಾಡಿಕೊಂಡಿದೆ. ಇದು ಸುಮಾರು 1 ಲಕ್ಷ ವಿದ್ಯಾರ್ಥಿಗಳಿಗೆ AI ಕೌಶಲ್ಯ ನೀಡುವ ಗುರಿ ಹೊಂದಿದೆ.
➤ ಮೈಕ್ರೋಸಾಫ್ಟ್ ಹೂಡಿಕೆ: 2030 ರ ವೇಳೆಗೆ 'ಗ್ಲೋಬಲ್ ಸೌತ್' (ಅಭಿವೃದ್ಧಿಶೀಲ ರಾಷ್ಟ್ರಗಳು) ದೇಶಗಳಲ್ಲಿ AI ಪ್ರವೇಶ ಸುಲಭಗೊಳಿಸಲು 50 ಬಿಲಿಯನ್ ಡಾಲರ್ ಹೂಡಿಕೆ ಮಾಡುವುದಾಗಿ ಮೈಕ್ರೋಸಾಫ್ಟ್ ತಿಳಿಸಿದೆ.
➤ ಯೊಟ್ಟಾ ಡೇಟಾ ಸರ್ವಿಸಸ್ ಮತ್ತು Nvidia:ಭಾರತದ ಡೇಟಾ ಸೆಂಟರ್ ಕಂಪನಿ 'ಯೊಟ್ಟಾ', ಎನ್ವಿಡಿಯಾ (Nvidia) ಕಂಪನಿಯ ಇತ್ತೀಚಿನ Blackwell Ultra ಚಿಪ್‌ಗಳನ್ನು ಖರೀದಿಸಲು 2 ಬಿಲಿಯನ್ ಡಾಲರ್ ಹೂಡಿಕೆ ಮಾಡಲಿದೆ. ಇದು ಏಷ್ಯಾದಲ್ಲೇ ಅತಿದೊಡ್ಡ AI ಕಂಪ್ಯೂಟಿಂಗ್ ಹಬ್ ಆಗಿ ಹೊರಹೊಮ್ಮಲಿದ್ದು, ಆಗಸ್ಟ್ 2026 ರ ವೇಳೆಗೆ ಕಾರ್ಯಾರಂಭ ಮಾಡಲಿದೆ.

Take Quiz

Loading..!

ಪ್ರಚಲಿತ ಘಟನೆಗಳು