Job Description: ➤ ಬೆಂಗಳೂರು: ಭಾರತ ಮತ್ತು ಫ್ರಾನ್ಸ್ ನಡುವಿನ ರಕ್ಷಣಾ ಸಂಬಂಧಕ್ಕೆ ಈಗ ಹೊಸ ಶಕ್ತಿ ಬಂದಿದೆ. ಫೆಬ್ರವರಿ 17, 2026ರಂದು ನಡೆದ 6ನೇ ಭಾರತ-ಫ್ರಾನ್ಸ್ ವಾರ್ಷಿಕ ರಕ್ಷಣಾ ಸಂವಾದದಲ್ಲಿ ಅತ್ಯಾಧುನಿಕ 'ಹ್ಯಾಮರ್' (HAMMER) ಶಸ್ತ್ರಾಸ್ತ್ರಗಳನ್ನು ಭಾರತದಲ್ಲೇ ಉತ್ಪಾದಿಸಲು ಐತಿಹಾಸಿಕ ಒಪ್ಪಂದಕ್ಕೆ ಸಹಿ ಹಾಕಲಾಗಿದೆ. ರಕ್ಷಣಾ ಸಚಿವ ರಾಜನಾನತ್ ಸಿಂಗ್ ಮತ್ತು ಫ್ರಾನ್ಸ್ ಸಚಿವೆ ಕ್ಯಾಥರಿನ್ ವಾಟ್ರಿನ್ ಅವರ ಉಪಸ್ಥಿತಿಯಲ್ಲಿ ಈ ಒಪ್ಪಂದ ನಡೆದಿದ್ದು, ಇದು 'ಮೇಕ್ ಇನ್ ಇಂಡಿಯಾ' ಅಭಿಯಾನಕ್ಕೆ ದೊಡ್ಡ ಬಲ ನೀಡಲಿದೆ.➤ ಹ್ಯಾಮರ್ ಎಂದರೆ Highly Agile Modular Munition Extended Range. ಇದು ಕೇವಲ ಬಾಂಬ್ ಅಲ್ಲ, ಬದಲಾಗಿ ಸಾಮಾನ್ಯ ಗ್ರಾವಿಟಿ ಬಾಂಬ್‌ಗಳನ್ನು ಅತ್ಯಂತ ನಿಖರವಾಗಿ ಗುರಿ ತಲುಪುವ 'ಸ್ಮಾರ್ಟ್ ಬಾಂಬ್'ಗಳಾಗಿ ಪರಿವರ್ತಿಸುವ ಒಂದು ತಾಂತ್ರಿಕ ಸಾಧನವಾಗಿದೆ.ಅಭಿವೃದ್ಧಿ: ಫ್ರಾನ್ಸ್‌ನ ಸಫ್ರಾನ್ (Safran) ಎಲೆಕ್ಟ್ರಾನಿಕ್ಸ್ ಅಂಡ್ ಡಿಫೆನ್ಸ್ ಸಂಸ್ಥೆ.ವಿಶೇಷತೆ: ಇದು ಮಾಡ್ಯುಲರ್ ವಿನ್ಯಾಸ ಹೊಂದಿದ್ದು, ವಿವಿಧ ತೂಕದ ಬಾಂಬ್‌ಗಳಿಗೆ (125 ಕೆಜಿಯಿಂದ 1,000 ಕೆಜಿ) ಅಳವಡಿಸಬಹುದಾಗಿದೆ.➤ ಹ್ಯಾಮರ್ ಶಸ್ತ್ರಾಸ್ತ್ರವು ಎರಡು ಪ್ರಮುಖ ಭಾಗಗಳನ್ನು ಒಳಗೊಂಡಿದೆ:1. ಮಾರ್ಗದರ್ಶನ ಕಿಟ್ (Guidance Kit): ಬಾಂಬ್‌ನ ಮುಂಭಾಗದಲ್ಲಿ ಇರುತ್ತದೆ. ಇದರಲ್ಲಿ ಜಿಪಿಎಸ್ (GPS), ಇನರ್ಷಿಯಲ್ ನೇವಿಗೇಶನ್ (INS) ಮತ್ತು ಅಗತ್ಯವಿದ್ದರೆ ಲೇಸರ್ ಮಾರ್ಗದರ್ಶನ ಇರುತ್ತದೆ. ಇದು 1 ರಿಂದ 10 ಮೀಟರ್‌ನಷ್ಟು ನಿಖರವಾಗಿ ಗುರಿಯನ್ನು ಹೊಡೆಯಲು ಸಹಾಯ ಮಾಡುತ್ತದೆ.2. ಪ್ರೊಪಲ್ಸನ್ ಕಿಟ್ (Range Extension Kit): ಬಾಂಬ್‌ನ ಹಿಂಭಾಗದಲ್ಲಿ ರಾಕೆಟ್ ಬೂಸ್ಟರ್ ಅಳವಡಿಸಲಾಗಿರುತ್ತದೆ. ಇದು ಬಾಂಬ್ ಬಿಡುಗಡೆಯಾದ ನಂತರ ಸುಮಾರು 60 ರಿಂದ 70 ಕಿಲೋಮೀಟರ್ ದೂರದವರೆಗೆ ಚಲಿಸುವಂತೆ ಮಾಡುತ್ತದೆ.ಕಾರ್ಯವೈಖರಿ: ಯುದ್ಧವಿಮಾನವು ಶತ್ರುಗಳ ವಾಯು ರಕ್ಷಣಾ ವ್ಯವಸ್ಥೆಯ ವ್ಯಾಪ್ತಿಯೊಳಗೆ ಹೋಗದೆಯೇ, ದೂರದಿಂದಲೇ ಈ ಬಾಂಬ್ ಅನ್ನು ಉಡಾಯಿಸಬಹುದು. ಇದು ಬೆಟ್ಟ-ಗುಡ್ಡಗಳು ಅಥವಾ ಬಂಕರ್‌ಗಳಲ್ಲಿ ಅಡಗಿರುವ ಶತ್ರುಗಳನ್ನು ನಿಖರವಾಗಿ ಧ್ವಂಸ ಮಾಡುತ್ತದೆ.➤ ಭಾರತಕ್ಕೆ ಈ ಒಪ್ಪಂದದ ಮಹತ್ವ: - ಈವರೆಗೆ ನಾವು ಹ್ಯಾಮರ್ ಕ್ಷಿಪಣಿಗಳನ್ನು ಫ್ರಾನ್ಸ್‌ನಿಂದ ಆಮದು ಮಾಡಿಕೊಳ್ಳುತ್ತಿದ್ದೆವು. ಈಗ ಭಾರತದ ಭಾರತ್ ಎಲೆಕ್ಟ್ರಾನಿಕ್ಸ್ ಲಿಮಿಟೆಡ್ (BEL) ಮತ್ತು ಫ್ರಾನ್ಸ್‌ನ ಸಫ್ರಾನ್ ಜಂಟಿಯಾಗಿ ಭಾರತದಲ್ಲೇ ಇದನ್ನು ಉತ್ಪಾದಿಸಲಿವೆ.- ಪ್ರಸ್ತುತ ಭಾರತೀಯ ವಾಯುಪಡೆಯ ರಫೇಲ್ ಯುದ್ಧವಿಮಾನಗಳಲ್ಲಿ ಈ ಹ್ಯಾಮರ್ ಬಳಸಲಾಗುತ್ತಿದೆ. ಮುಂದೆ ಇದನ್ನು ತೇಜಸ್ (LCA Tejas) ವಿಮಾನಗಳಿಗೂ ಅಳವಡಿಸುವ ಸಾಧ್ಯತೆಯಿದೆ.- ಶೇ. 60ರಷ್ಟು ಸ್ಥಳೀಯ ಉತ್ಪಾದನೆಯ ಗುರಿ ಹೊಂದಿರುವುದರಿಂದ ತಾಂತ್ರಿಕ ಜ್ಞಾನದ ವರ್ಗಾವಣೆ (Transfer of Technology) ಆಗಲಿದೆ. ಪ್ರತಿ ದಿನದ ಉದ್ಯೋಗ ಮಾಹಿತಿ ಅಪ್ಡೇಟ್‌ಗಾಗಿ ಇಲ್ಲಿ ಕ್ಲಿಕ್ ಮಾಡಿ
