ರಾಷ್ಟ್ರೀಯ ಹೆದ್ದಾರಿ ಗುಣಮಟ್ಟಕ್ಕೆ 'ಹೈಟೆಕ್ ಸ್ಪರ್ಶ': ಇನ್ಮುಂದೆ ರಸ್ತೆಗಳ ತಪಾಸಣೆಗೆ ಬರಲಿವೆ ಸಂಚಾರಿ ಲ್ಯಾಬ್‌ಗಳು!

ಪ್ರಚಲಿತ ಘಟನೆಗಳು

Authored by: Akshata Halli Date: 24 ಫೆಬ್ರುವರಿ 2026

➤ ಭಾರತವು ಇಂದು ವಿಶ್ವದಲ್ಲೇ ಅತಿ ವೇಗವಾಗಿ ಹೆದ್ದಾರಿಗಳನ್ನು ನಿರ್ಮಿಸುತ್ತಿರುವ ದೇಶಗಳಲ್ಲಿ ಒಂದಾಗಿದೆ. ಆದರೆ, ಕೇವಲ ರಸ್ತೆಗಳ ವಿಸ್ತರಣೆಯಷ್ಟೇ ಅಲ್ಲದೆ, ಅವುಗಳ ಗುಣಮಟ್ಟ (Quality), ಸುರಕ್ಷತೆ (Safety) ಮತ್ತು ಬಾಳಿಕೆ (Durability) ಗೆ ಆದ್ಯತೆ ನೀಡಲು ಕೇಂದ್ರ ರಸ್ತೆ ಸಾರಿಗೆ ಮತ್ತು ಹೆದ್ದಾರಿ ಸಚಿವಾಲಯವು (MoRTH) ಈಗ 'ಮೊಬೈಲ್ ಕ್ವಾಲಿಟಿ ಕಂಟ್ರೋಲ್ ವ್ಯಾನ್‌' (Mobile Quality Control Vans - MQCV) ಗಳನ್ನು ಪರಿಚಯಿಸಿದೆ.
➤ ಮೊಬೈಲ್ ಕ್ವಾಲಿಟಿ ಕಂಟ್ರೋಲ್ ವ್ಯಾನ್ (MQCV): ಇವು ಚಲಿಸುವ ಪ್ರಯೋಗಾಲಯಗಳಂತೆ ಕಾರ್ಯನಿರ್ವಹಿಸುತ್ತವೆ. ಹೆದ್ದಾರಿ ನಿರ್ಮಾಣ ಹಂತದಲ್ಲಿರುವಾಗಲೇ, ಸ್ಥಳಕ್ಕೆ ಭೇಟಿ ನೀಡಿ ರಸ್ತೆಯ ಗುಣಮಟ್ಟವನ್ನು ಇವು ಪರೀಕ್ಷಿಸುತ್ತವೆ. ಈ ವ್ಯಾನ್‌ಗಳಲ್ಲಿ ರಸ್ತೆಗೆ ಯಾವುದೇ ಹಾನಿ ಮಾಡದೆಯೇ (Non-Destructive Testing) ಗುಣಮಟ್ಟ ಅಳೆಯುವ ಸುಧಾರಿತ ಉಪಕರಣಗಳಿವೆ.
➤ ಈ ಮೊಬೈಲ್ ಲ್ಯಾಬ್‌ಗಳಲ್ಲಿರುವ ಅತ್ಯಾಧುನಿಕ ಉಪಕರಣಗಳು ಹೆದ್ದಾರಿಯ "ಆರೋಗ್ಯ"ವನ್ನು ಈ ಕೆಳಗಿನಂತೆ ಪರೀಕ್ಷಿಸುತ್ತವೆ:
- ರಿಬೌಂಡ್ ಹ್ಯಾಮರ್ಸ್ (Rebound Hammers): ಕಾಂಕ್ರೀಟ್ ರಚನೆಗಳ ಮೇಲ್ಮೈ ಗಡಸುತನ ಮತ್ತು ಬಲವನ್ನು ಅಳೆಯಲು.
- ಅಲ್ಟ್ರಾಸಾನಿಕ್ ಪಲ್ಸ್ ವೆಲಾಸಿಟಿ ಮೀಟರ್ (UPV): ಕಾಂಕ್ರೀಟ್ ಒಳಗಿರುವ ಕಣ್ಣಿಗೆ ಕಾಣದ ಬಿರುಕುಗಳು ಅಥವಾ ಖಾಲಿ ಜಾಗಗಳನ್ನು ಪತ್ತೆಹಚ್ಚಲು.
- ಆಸ್ಫಾಲ್ಟ್ ಡೆನ್ಸಿಟಿ ಗೇಜ್ (Asphalt Density Gauges): ಡಾಂಬರು ರಸ್ತೆಯ ಸಾಂದ್ರತೆಯನ್ನು ಪರೀಕ್ಷಿಸಿ, ರಸ್ತೆ ದೀರ್ಘಕಾಲ ಬಾಳಿಕೆ ಬರುವುದನ್ನು ಖಚಿತಪಡಿಸಿಕೊಳ್ಳಲು.
- ರಿಫ್ಲೆಕ್ಟೋಮೀಟರ್‌ಗಳು (Reflectometers): ರಸ್ತೆ ಸಂಕೇತಗಳು ಮತ್ತು ಮಾರ್ಕಿಂಗ್‌ಗಳು ರಾತ್ರಿ ವೇಳೆಯಲ್ಲಿ ಚಾಲಕರಿಗೆ ಸರಿಯಾಗಿ ಕಾಣಿಸುತ್ತವೆಯೇ ಎಂದು ಪರೀಕ್ಷಿಸಲು.
➤ ಕರ್ನಾಟಕ ಸೇರಿದಂತೆ 4 ರಾಜ್ಯಗಳಲ್ಲಿ ಪ್ರಾಯೋಗಿಕ ಯೋಜನೆ (Pilot Project): ಈ ಯೋಜನೆಯನ್ನು ಮೊದಲ ಹಂತದಲ್ಲಿ ದೇಶದ ನಾಲ್ಕು ಪ್ರಮುಖ ರಾಜ್ಯಗಳಲ್ಲಿ ಪ್ರಾಯೋಗಿಕವಾಗಿ ಜಾರಿಗೆ ತರಲಾಗಿದೆ:
1.ಕರ್ನಾಟಕ
2.ರಾಜಸ್ಥಾನ
3.ಗುಜರಾತ್
4.ಒಡಿಶಾ
ವಿಭಿನ್ನ ಹವಾಮಾನ ಮತ್ತು ಮಣ್ಣಿನ ಗುಣಲಕ್ಷಣಗಳಿಗೆ ಅನುಗುಣವಾಗಿ ಈ ವ್ಯಾನ್‌ಗಳು ಹೇಗೆ ಕಾರ್ಯನಿರ್ವಹಿಸುತ್ತವೆ ಎಂಬುದನ್ನು ಇಲ್ಲಿ ಪರೀಕ್ಷಿಸಲಾಗುತ್ತಿದೆ.
➤ ನ್ಯಾಷನಲ್ ಹೈವೇ ಕ್ವಾಲಿಟಿ ಮಾನಿಟರಿಂಗ್ ಪೋರ್ಟಲ್ ಮೂಲಕ ಮೊಬೈಲ್ ವ್ಯಾನ್‌ಗಳ ರಿಯಲ್-ಟೈಮ್ ಜಿಪಿಎಸ್ ಟ್ರ್ಯಾಕಿಂಗ್ ಮತ್ತು ತಕ್ಷಣದ ಆನ್‌ಲೈನ್ ವರದಿ ಸಲ್ಲಿಕೆಗೆ ಅವಕಾಶವಿದ್ದು, ಇದು ರಸ್ತೆ ನಿರ್ಮಾಣದಲ್ಲಿ ಪಾರದರ್ಶಕತೆ ಹೆಚ್ಚಿಸಿ ಗುಣಮಟ್ಟದ ಲೋಪಗಳ ವಿರುದ್ಧ ತ್ವರಿತ ಕ್ರಮ ಕೈಗೊಳ್ಳಲು ಸಹಕಾರಿಯಾಗಿದೆ.
➤ ಮುಂದಿನ ಹಂತ: 11 ರಾಜ್ಯಗಳಿಗೆ ವಿಸ್ತರಣೆ: ಜೂನ್ 2026 ರ ವೇಳೆಗೆ ಈ ಯೋಜನೆಯನ್ನು ದೇಶದ ಇನ್ನು 11 ರಾಜ್ಯಗಳಿಗೆ ವಿಸ್ತರಿಸಲು ತೀರ್ಮಾನಿಸಲಾಗಿದೆ. ಇದರಲ್ಲಿ ಉತ್ತರ ಪ್ರದೇಶ, ಮಹಾರಾಷ್ಟ್ರ, ತಮಿಳುನಾಡು, ಮತ್ತು ಆಂಧ್ರಪ್ರದೇಶದಂತಹ ರಾಜ್ಯಗಳು ಸೇರಿವೆ.

Take Quiz

Loading..!

ಪ್ರಚಲಿತ ಘಟನೆಗಳು