Job Description: ➤ ಅಂತಾರಾಷ್ಟ್ರೀಯ ವಲಸೆ ಸಂಸ್ಥೆ (International Organization for Migration - IOM) ಇತ್ತೀಚೆಗೆ ತನ್ನ 'ಜಾಗತಿಕ ವಲಸೆ ವರದಿ 2024' ಅನ್ನು ಬಿಡುಗಡೆ ಮಾಡಿದೆ. ಈ ವರದಿಯ ಪ್ರಕಾರ, ಜಗತ್ತಿನ ಪ್ರಮುಖ 10 ವಲಸೆ ಮಾರ್ಗಗಳಲ್ಲಿ (Migration Corridors) ಭಾರತವು ಮುಂಚೂಣಿಯಲ್ಲಿದೆ. ವಿಶೇಷವಾಗಿ ಭಾರತದಿಂದ ಯುನೈಟೆಡ್ ಅರಬ್ ಎಮಿರೇಟ್ಸ್ (UAE) ಮತ್ತು ಅಮೆರಿಕಕ್ಕೆ (USA) ತೆರಳುವವರ ಸಂಖ್ಯೆ ಗಣನೀಯವಾಗಿ ಹೆಚ್ಚಾಗಿದ್ದು, ಇವು ವಿಶ್ವದ ಪ್ರಮುಖ ವಲಸೆ ಕಾರಿಡಾರ್‌ಗಳಾಗಿ ಹೊರಹೊಮ್ಮಿವೆ.➤ ವಲಸೆ ಕಾರಿಡಾರ್ (Migration Corridor): ವಲಸೆ ಕಾರಿಡಾರ್ ಎಂದರೆ ದಶಕಗಳಿಂದ ಒಂದು ದೇಶದಿಂದ ಮತ್ತೊಂದು ದೇಶಕ್ಕೆ ಜನರು ತೆರಳಿ ಅಲ್ಲಿ ನೆಲೆಸಿರುವ ಒಟ್ಟಾರೆ ಚಿತ್ರಣವಾಗಿದೆ. ಇದು ಆಯಾ ದೇಶಗಳ ನಡುವಿನ ಆರ್ಥಿಕ, ಶೈಕ್ಷಣಿಕ ಮತ್ತು ಸಾಮಾಜಿಕ ಸಂಬಂಧಗಳ ಪ್ರತಿಬಿಂಬವಾಗಿದೆ.➤ ವಿಶ್ವದ ಪ್ರಮುಖ ವಲಸೆ ಮಾರ್ಗಗಳು:- ಮೆಕ್ಸಿಕೊ - ಅಮೆರಿಕ: ಇಂದಿಗೂ ಮೆಕ್ಸಿಕೊದಿಂದ ಅಮೆರಿಕಕ್ಕೆ ತೆರಳುವವರ ಸಂಖ್ಯೆ ವಿಶ್ವದಲ್ಲೇ ಅತಿ ಹೆಚ್ಚಿದೆ (ಸುಮಾರು 1.10 ಕೋಟಿ).- ಸಿರಿಯಾ - ಟರ್ಕಿ: ಯುದ್ಧ ಮತ್ತು ಆಂತರಿಕ ಕಲಹದಿಂದಾಗಿ ಸಿರಿಯಾದಿಂದ ಟರ್ಕಿಗೆ ತೆರಳಿದ ನಿರಾಶ್ರಿತರು (ಸುಮಾರು 35 ಲಕ್ಷ) ಎರಡನೇ ಸ್ಥಾನದಲ್ಲಿದ್ದಾರೆ.- ಭಾರತ - ಯುಎಇ (UAE): ಭಾರತದಿಂದ ಉದ್ಯೋಗ ಅರಸಿ ಯುಎಇಗೆ ಹೋದವರ ಸಂಖ್ಯೆ ಐದನೇ ಅತಿ ದೊಡ್ಡ ವಲಸೆ ಮಾರ್ಗವಾಗಿದೆ.➤ ಭಾರತ - ಯುಎಇ ಮಾರ್ಗ (5ನೇ ಸ್ಥಾನ): ಯುನೈಟೆಡ್ ಅರಬ್ ಎಮಿರೇಟ್ಸ್‌ನಲ್ಲಿರುವ ಒಟ್ಟು ಜನಸಂಖ್ಯೆಯ ಶೇ. 74ರಷ್ಟು ಮಂದಿ ವಿದೇಶಿ ಮೂಲದವರಾಗಿದ್ದಾರೆ. ಅಲ್ಲಿ ವಾಸಿಸುವ 80 ಲಕ್ಷಕ್ಕೂ ಹೆಚ್ಚು ವಿದೇಶಿಯರಲ್ಲಿ 35 ಲಕ್ಷಕ್ಕೂ ಹೆಚ್ಚು ಮಂದಿ ಭಾರತೀಯರೇ ಆಗಿದ್ದಾರೆ. ಇವರಲ್ಲಿ ಹೆಚ್ಚಿನವರು ಉದ್ಯೋಗ ಅರಸಿ ಹೋದ ವೃತ್ತಿಪರರು ಮತ್ತು ಕಾರ್ಮಿಕರಾಗಿದ್ದಾರೆ.➤ ಭಾರತ - ಅಮೆರಿಕ ಮಾರ್ಗ (6ನೇ ಸ್ಥಾನ): ಭಾರತದಿಂದ ಅಮೆರಿಕಕ್ಕೆ ವಲಸೆ ಹೋದವರ ಸಂಖ್ಯೆ ವಿಶ್ವದಲ್ಲೇ 6ನೇ ಸ್ಥಾನದಲ್ಲಿದೆ. ಸುಮಾರು 28 ಲಕ್ಷಕ್ಕೂ ಹೆಚ್ಚು ಭಾರತೀಯರು ಅಮೆರಿಕದಲ್ಲಿ ನೆಲೆಸಿದ್ದಾರೆ. ಮೆಕ್ಸಿಕೊ ಬಿಟ್ಟರೆ ಅಮೆರಿಕದಲ್ಲಿ ಅತಿ ಹೆಚ್ಚು ಸಂಖ್ಯೆಯಲ್ಲಿರುವ ವಿದೇಶಿ ಮೂಲದವರೆಂದರೆ ಭಾರತೀಯರು.
