Digital platform for drug control

ಪ್ರಚಲಿತ ಘಟನೆಗಳು

ಮಾದಕ ದ್ರವ್ಯಗಳ ಅಕ್ರಮ ತಡೆಗೆ ಕೇಂದ್ರದ ಮಾಸ್ಟರ್ ಪ್ಲಾನ್: ಬರಲಿದೆ 'ಕೇಂದ್ರೀಕೃತ ಡಿಜಿಟಲ್ ಪ್ಲಾಟ್‌ಫಾರ್ಮ್'

Authored by: Yallamma G Date: 10 ಎಪ್ರಿಲ್ 2026

➤ ದೇಶದಲ್ಲಿ ಮಾದಕ ದ್ರವ್ಯಗಳ (Narcotics) ಮತ್ತು ನಿದ್ರಾಜನಕ ಮಾತ್ರೆಗಳ ದುರುಪಯೋಗವನ್ನು ತಡೆಯಲು ಭಾರತ ಸರ್ಕಾರವು ಮಹತ್ವದ ಹೆಜ್ಜೆಯನ್ನಿಟ್ಟಿದೆ. ನಾರ್ಕೋಟಿಕ್ (NDPS) ಕಾಯ್ದೆಯಡಿ ಬರುವ ಔಷಧಗಳ ಮೇಲೆ ಕಟ್ಟುನಿಟ್ಟಿನ ನಿಗಾ ಇಡಲು ಶೀಘ್ರದಲ್ಲೇ 'ಕೇಂದ್ರೀಕೃತ ಡಿಜಿಟಲ್ ಪ್ಲಾಟ್‌ಫಾರ್ಮ್' (Centralized Digital Platform) ಸಿದ್ಧವಾಗಲಿದೆ. ಮಾರ್ಚ್ 20, 2026 ರಂದು ನಡೆದ 68ನೇ ಔಷಧ ಸಮಾಲೋಚನಾ ಸಮಿತಿಯ (DCC) ಸಭೆಯಲ್ಲಿ ಈ ಪ್ರಸ್ತಾವನೆಗೆ ಅಧಿಕೃತ ಅನುಮೋದನೆ ನೀಡಲಾಗಿದೆ.
➤ ಹೊಸ ಡಿಜಿಟಲ್ ವ್ಯವಸ್ಥೆ: ಪ್ರಸ್ತುತ ಓಪಿಯಾಯಿಡ್‌ಗಳು ಮತ್ತು ನಿದ್ರಾಜನಕ ಮಾತ್ರೆಗಳಂತಹ ಔಷಧಗಳು ರೋಗಿಗಳಿಗೆ ತಲುಪುವ ಬದಲು ಅಕ್ರಮ ದಾರಿ ಹಿಡಿಯುತ್ತಿವೆ ಎಂಬ ಆತಂಕ ಜಾರಿ ಸಂಸ್ಥೆಗಳಲ್ಲಿದೆ. ಇದನ್ನು ಹೋಗಲಾಡಿಸಲು ಈ ಡಿಜಿಟಲ್ ಪೋರ್ಟಲ್ ಸಹಾಯ ಮಾಡಲಿದೆ.
- ನೈಜ ಸಮಯದ ಟ್ರ್ಯಾಕಿಂಗ್ (Real-time Tracking): ಔಷಧಗಳ ಉತ್ಪಾದನೆ ಅಥವಾ ಆಮದಿನಿಂದ ಹಿಡಿದು, ವಿತರಣೆ, ದಾಸ್ತಾನು (Stock) ಮತ್ತು ಅಂತಿಮ ಮಾರಾಟದವರೆಗೆ ಪ್ರತಿಯೊಂದು ಹಂತವನ್ನೂ ಈ ವ್ಯವಸ್ಥೆ ಟ್ರ್ಯಾಕ್ ಮಾಡುತ್ತದೆ.
- ಲೋಪದೋಷಗಳಿಗೆ ಬ್ರೇಕ್: ಪೂರೈಕೆ ಸರಪಳಿಯಲ್ಲಿ (Supply Chain) ಎಲ್ಲಿ ಔಷಧಗಳು ನಾಪತ್ತೆಯಾಗುತ್ತಿವೆ ಎಂಬುದನ್ನು ಈ ತಂತ್ರಜ್ಞಾನದ ಮೂಲಕ ಪತ್ತೆಹಚ್ಚಬಹುದು.
- ಸಂಯೋಜಿತ ಕಣ್ಗಾವಲು: ಕೇಂದ್ರ ಔಷಧ ಗುಣಮಟ್ಟ ನಿಯಂತ್ರಣ ಸಂಸ್ಥೆ (CDSCO), ರಾಜ್ಯ ಔಷಧ ನಿಯಂತ್ರಣ ಪ್ರಾಧಿಕಾರಗಳು ಮತ್ತು ಸೆಂಟ್ರಲ್ ಬ್ಯೂರೋ ಆಫ್ ನಾರ್ಕೋಟಿಕ್ಸ್ (CBN) ಈ ವ್ಯವಸ್ಥೆಯನ್ನು ಜಂಟಿಯಾಗಿ ನಿರ್ವಹಿಸಲಿವೆ.
➤ NDPS Act: ನಾರ್ಕೋಟಿಕ್ ಡ್ರಗ್ಸ್ ಅಂಡ್ ಸೈಕೋಟ್ರೋಪಿಕ್ ಸಬ್‌ಸ್ಟೆನ್ಸಸ್ ಆಕ್ಟ್, 1985.

Take Quiz

Loading..!

ಪ್ರಚಲಿತ ಘಟನೆಗಳು