* ರಾಷ್ಟ್ರ ರಾಜಧಾನಿ ನವದೆಹಲಿಯಲ್ಲಿ 4ಜಿ ಸೇವೆ ಆರಂಭವಾಗಿದೆ. ಬಿಎಸ್‌ಎನ್‌ಎಲ್‌ ಸಿಮ್‌ ಬಳಕೆದಾರರಿಗೆ ಪಾಲುದಾರ ನೆಟ್‌ವರ್ಕ್ ಮೂಲಕ ಈ ಸೇವೆ ಲಭ್ಯವಾಗಲಿದೆ ಎಂದು ಬಿಎಸ್‌ಎನ್‌ಎಲ್‌ ಶುಕ್ರವಾರ(ಆಗಸ್ಟ್ 15) ಘೋಷಣೆ ಮಾಡಿದೆ.
* ದೆಹಲಿಯಿಂದ ಪ್ರಾರಂಭವಾಗಿ, ಸ್ಥಳೀಯ ರೋಲ್ಔಟ್ ಮೂಲಕ ರಾಷ್ಟ್ರವ್ಯಾಪಿ 4ಜಿ ಸೇವೆ ವಿಸ್ತರಿಸುವ ಉದ್ದೇಶವನ್ನು ಕಂಪನಿ ಹೊಂದಿದೆ. ಕಳೆದ ವರ್ಷ ₹25 ಸಾವಿರ ಕೋಟಿ ವೆಚ್ಚದಲ್ಲಿ 1 ಲಕ್ಷ ಮೊಬೈಲ್‌ ಟವರ್‌ಗಳನ್ನು ನಿರ್ಮಿಸಲಾಗಿದೆ.
* ಸಿಎಮ್‌ಡಿ ಎ. ರಾಬರ್ಟ್ ಜೆ. ರವಿ ತಿಳಿಸಿದಂತೆ, ಆಗಸ್ಟ್ 15ರಿಂದ ದೆಹಲಿಯ ಎಲ್ಲಾ 4ಜಿ ಮೊಬೈಲ್‌ಗಳಲ್ಲಿ ಹೊಸ ಗ್ರಾಹಕರು ಸೇವೆ ಪಡೆಯಬಹುದು.
* ಟಿಸಿಎಸ್ ಮತ್ತು ಸಿ-ಡಾಟ್ ಸಹಯೋಗದೊಂದಿಗೆ ಈ ಯೋಜನೆ ಜಾರಿಯಾಗಿದೆ. ನೆಟ್‌ವರ್ಕ್ ಬಲಪಡಿಸಲು ಇನ್ನೂ ₹47 ಸಾವಿರ ಕೋಟಿ ಹೂಡಿಕೆ ಮಾಡುವ ಯೋಜನೆ ಬಿಎಸ್‌ಎನ್‌ಎಲ್‌ ಹೊಂದಿದೆ.