ದೆಹಲಿಯ ಅಫ್ಘಾನ್ ರಾಯಭಾರ ಕಚೇರಿಗೆ ತಾಲಿಬಾನ್ ಆಡಳಿತದ ನೂರ್ ಅಹ್ಮದ್ ನೂರ್ ನೇಮಕ

ಪ್ರಚಲಿತ ಘಟನೆಗಳು

ದೆಹಲಿಯ ಅಫ್ಘಾನ್ ರಾಯಭಾರ ಕಚೇರಿಗೆ ತಾಲಿಬಾನ್ ಆಡಳಿತದ ನೂರ್ ಅಹ್ಮದ್ ನೂರ್ ನೇಮಕ12 ಜನವರಿ 2026

➤ ನವದೆಹಲಿಯಲ್ಲಿರುವ ಅಫ್ಘಾನಿಸ್ತಾನದ ರಾಯಭಾರ ಕಚೇರಿಯ ಆಡಳಿತದಲ್ಲಿ ಮಹತ್ವದ ಬದಲಾವಣೆಯಾಗಿದೆ. ತಾಲಿಬಾನ್ ಆಡಳಿತದ ಹಿರಿಯ ರಾಜತಾಂತ್ರಿಕ ಅಧಿಕಾರಿ ನೂರ್ ಅಹ್ಮದ್ ನೂರ್ ಅವರು ಭಾರತದಲ್ಲಿ ಅಫ್ಘಾನ್ ರಾಯಭಾರ ಕಚೇರಿಯ ಕಾರ್ಯಭಾರವನ್ನು (Chargé d’Affaires) ವಹಿಸಿಕೊಳ್ಳಲು ಆಗಮಿಸಿರುವುದು ಉಭಯ ದೇಶಗಳ ನಡುವಿನ ಸಂಬಂಧದಲ್ಲಿ ಹೊಸ ತಿರುವನ್ನು ನೀಡಿದೆ.
➤ 2021ರಲ್ಲಿ ತಾಲಿಬಾನ್ ಅಫ್ಘಾನಿಸ್ತಾನವನ್ನು ವಶಪಡಿಸಿಕೊಂಡ ನಂತರ, ದಿಲ್ಲಿಯಲ್ಲಿದ್ದ ಅಫ್ಘಾನ್ ರಾಯಭಾರ ಕಚೇರಿಯು ಅಂದಿನ ಅಶ್ರಫ್ ಘನಿ ಸರ್ಕಾರದಿಂದ ನೇಮಕಗೊಂಡಿದ್ದ ರಾಜತಾಂತ್ರಿಕರಿಂದಲೇ ನಡೆಯುತ್ತಿತ್ತು. ಆದರೆ, ಇತ್ತೀಚಿನ ತಿಂಗಳುಗಳಲ್ಲಿ ಭಾರತ ಮತ್ತು ತಾಲಿಬಾನ್ ಆಡಳಿತದ ನಡುವೆ ನಡೆದ ಸರಣಿ ಮಾತುಕತೆಗಳ ಫಲವಾಗಿ, ಈಗ ತಾಲಿಬಾನ್ ತನ್ನ ಅಧಿಕೃತ ಪ್ರತಿನಿಧಿಯನ್ನು ನೇಮಿಸಿದೆ. ಕಳೆದ ವರ್ಷ ಅಕ್ಟೋಬರ್‌ನಲ್ಲಿ ಅಫ್ಘಾನ್ ವಿದೇಶಾಂಗ ಸಚಿವ ಅಮೀರ್ ಖಾನ್ ಮುತ್ತಕಿ ಭಾರತಕ್ಕೆ ಭೇಟಿ ನೀಡಿದ್ದಾಗ ಈ ಕುರಿತು ಅಡಿಪಾಯ ಹಾಕಲಾಗಿತ್ತು.
➤ ನೂರ್ ಅಹ್ಮದ್ ಅವರು ಈ ಹಿಂದೆ ಅಫ್ಘಾನ್ ವಿದೇಶಾಂಗ ಸಚಿವಾಲಯದಲ್ಲಿ ರಾಜಕೀಯ ವಿಭಾಗದ ಮಹಾನಿರ್ದೇಶಕರಾಗಿ ಕೆಲಸ ಮಾಡಿದ ಅನುಭವ ಹೊಂದಿದ್ದಾರೆ. ಇವರು ನವದೆಹಲಿಯಲ್ಲಿ ರಾಯಭಾರ ಕಚೇರಿಯ ದೈನಂದಿನ ಚಟುವಟಿಕೆಗಳು, ವೀಸಾ ಪ್ರಕ್ರಿಯೆ ಮತ್ತು ದ್ವಿಪಕ್ಷೀಯ ಮಾತುಕತೆಗಳ ನೇತೃತ್ವ ವಹಿಸಲಿದ್ದಾರೆ.
➤ ಭಾರತವು ತಾಲಿಬಾನ್ ಸರ್ಕಾರವನ್ನು ಅಧಿಕೃತವಾಗಿ ಸರ್ಕಾರ ಎಂದು ಮಾನ್ಯತೆ ನೀಡಿಲ್ಲ. ಆದರೂ ಈ ಕೆಳಗಿನ ಕಾರಣಗಳಿಗಾಗಿ ಸಂಬಂಧವನ್ನು ಮುಂದುವರಿಸುತ್ತಿದೆ:
=> ಮಾನವೀಯ ನೆರವು: ಅಫ್ಘಾನಿಸ್ತಾನದ ಸಾಮಾನ್ಯ ಜನರಿಗೆ ಔಷಧಿ, ಗೋಧಿ ಮತ್ತು ವೈದ್ಯಕೀಯ ಉಪಕರಣಗಳನ್ನು ತಲುಪಿಸುವುದು.
=> ಪ್ರಾದೇಶಿಕ ಭದ್ರತೆ: ಅಫ್ಘಾನ್ ನೆಲವು ಭಾರತ ವಿರೋಧಿ ಭಯೋತ್ಪಾದಕ ಚಟುವಟಿಕೆಗಳಿಗೆ ಬಳಕೆಯಾಗದಂತೆ ನೋಡಿಕೊಳ್ಳುವುದು.
=> ಹೂಡಿಕೆಗಳ ರಕ್ಷಣೆ: ಅಫ್ಘಾನಿಸ್ತಾನದಲ್ಲಿ ಭಾರತವು ಈವರೆಗೆ ನಿರ್ಮಿಸಿರುವ ಅಣೆಕಟ್ಟು, ಸಂಸತ್ ಭವನ ಮತ್ತು ರಸ್ತೆಗಳಂತಹ ಆಸ್ತಿಗಳನ್ನು ರಕ್ಷಿಸುವುದು.
➤ ಕೌಂಟಿಲ್ಯನ 'ಮಂಡಲ ಸಿದ್ಧಾಂತ' ಮತ್ತು ಅಫ್ಘಾನಿಸ್ತಾನ: ಭಾರತದ ವಿದೇಶಾಂಗ ನೀತಿಯಲ್ಲಿ ಅಫ್ಘಾನಿಸ್ತಾನವು ಆಯಕಟ್ಟಿನ ಸ್ಥಾನದಲ್ಲಿದೆ. ಪಾಕಿಸ್ತಾನದ ಪ್ರಭಾವವನ್ನು ಸಮತೋಲನಗೊಳಿಸಲು ಮತ್ತು ಮಧ್ಯ ಏಷ್ಯಾದ ರಾಷ್ಟ್ರಗಳೊಂದಿಗೆ ಸಂಪರ್ಕ ಸಾಧಿಸಲು (International North-South Transport Corridor - INSTC) ಅಫ್ಘಾನಿಸ್ತಾನದ ಸಹಕಾರ ಭಾರತಕ್ಕೆ ಅನಿವಾರ್ಯವಾಗಿದೆ.

Take Quiz

Loading..!

ಪ್ರಚಲಿತ ಘಟನೆಗಳು