ದೆಹಲಿ ಜನ ವಿಶ್ವಾಸ ಮಸೂದೆ 2026: ಸಣ್ಣ ತ

ಪ್ರಚಲಿತ ಘಟನೆಗಳು

ದೆಹಲಿ ಜನ ವಿಶ್ವಾಸ ಮಸೂದೆ 2026: ಸಣ್ಣ ತಪ್ಪುಗಳಿಗೆ ಇನ್ಮುಂದೆ ಜೈಲಲ್ಲ, ದಂಡ ಮಾತ್ರ! - ಆಡಳಿತದಲ್ಲಿ ಹೊಸ ಸುಧಾರಣೆ1 ಜನವರಿ 2026

* ದೆಹಲಿ ಸಚಿವ ಸಂಪುಟವು ದೆಹಲಿ ಜನ ವಿಶ್ವಾಸ (ನಿಬಂಧನೆಗಳ ತಿದ್ದುಪಡಿ) ಮಸೂದೆ–2026 ಅನ್ನು ಅನುಮೋದಿಸಿದ್ದು, ಇದು ಸಣ್ಣ ಅಪರಾಧಗಳನ್ನು ಅಪರಾಧೀಕರಣದಿಂದ ಮುಕ್ತಗೊಳಿಸಿ ನಿಯಮ ಪಾಲನೆಯನ್ನು ಸರಳಗೊಳಿಸುವ ಮೂಲಕ ವ್ಯಾಪಾರ ಮಾಡಲು ಸುಲಭತೆ (Ease of Doing Business) ಹಾಗೂ ಜೀವನ ಸುಲಭತೆ (Ease of Living) ಹೆಚ್ಚಿಸುವ ಉದ್ದೇಶ ಹೊಂದಿರುವ ಮಹತ್ವದ ಆಡಳಿತಾತ್ಮಕ ಸುಧಾರಣೆಯಾಗಿದೆ.
* ಮಾಧ್ಯಮಗಳನ್ನು ಉದ್ದೇಶಿಸಿ ಮಾತನಾಡಿದ ಮುಖ್ಯಮಂತ್ರಿ ರೇಖಾ ಗುಪ್ತಾ ಅವರು, ಈ ಮಸೂದೆ ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರ ಆಡಳಿತ ತತ್ವಗಳಿಂದ ಪ್ರೇರಿತವಾಗಿದೆ ಎಂದು ಹೇಳಿದರು. ನ್ಯಾಯಾಲಯಗಳ ಮೇಲಿನ ಅನಗತ್ಯ ಭಾರ ಕಡಿಮೆ ಮಾಡುವುದು, ಸಣ್ಣ–ತಾಂತ್ರಿಕ ತಪ್ಪುಗಳಿಗೆ ಕ್ರಿಮಿನಲ್ ಪ್ರಕರಣಗಳನ್ನು ತಪ್ಪಿಸುವುದು ಹಾಗೂ ಆಡಳಿತದ ದಕ್ಷತೆಯನ್ನು ಹೆಚ್ಚಿಸುವುದು ಇದರ ಮುಖ್ಯ ಗುರಿಯಾಗಿದೆ. ಕೇಂದ್ರ ಸರ್ಕಾರ ಜಾರಿಗೆ ತಂದಿರುವ ಜನ ವಿಶ್ವಾಸ (ನಿಬಂಧನೆಗಳ ತಿದ್ದುಪಡಿ) ಕಾಯ್ದೆಯೊಂದಿಗೆ ಇದು ಹೊಂದಾಣಿಕೆಯಲ್ಲಿದೆ.
* ಕ್ರಿಮಿನಲ್ ಶಿಕ್ಷೆಯಿಂದ ನಾಗರಿಕ ದಂಡಕ್ಕೆ ಬದಲಾವಣೆ: ಕೇಂದ್ರ ಸರ್ಕಾರದ ಸಲಹೆಯ ಮೇರೆಗೆ ದೆಹಲಿ ಸರ್ಕಾರ ತನ್ನ ಕಾನೂನುಗಳನ್ನು ಪರಿಶೀಲಿಸಿದ್ದು, ಅನೇಕ ಸಂದರ್ಭಗಳಲ್ಲಿ ಕ್ರಿಮಿನಲ್ ಕ್ರಮಗಳ ಬದಲು ನಾಗರಿಕ ದಂಡಗಳು ಸೂಕ್ತವೆಂದು ಕಂಡುಕೊಂಡಿದೆ. ಹೀಗಾಗಿ ಸಣ್ಣ, ತಾಂತ್ರಿಕ ಹಾಗೂ ಪ್ರಕ್ರಿಯಾತ್ಮಕ ಉಲ್ಲಂಘನೆಗಳಿಗೆ ಸಂಬಂಧಿಸಿದ ಕ್ರಿಮಿನಲ್ ಪ್ರಕರಣಗಳನ್ನು ರದ್ದು ಮಾಡಿ, ನಾಗರಿಕ ದಂಡ, ಆಡಳಿತಾತ್ಮಕ ದಂಡಗಳು ಮತ್ತು ಸ್ಪಷ್ಟ ಅಪೀಲಾತ್ಮಕ ವ್ಯವಸ್ಥೆ ಅನ್ನು ಜಾರಿಗೆ ತರಲಾಗುತ್ತದೆ. ಸಾರ್ವಜನಿಕ ಆರೋಗ್ಯ, ಸುರಕ್ಷತೆ ಮತ್ತು ಜೀವಕ್ಕೆ ಸಂಬಂಧಿಸಿದ ವಿಧಿಗಳು ಯಥಾಸ್ಥಿತಿಯಲ್ಲೇ ಮುಂದುವರೆಯುತ್ತವೆ.
* ಮಸೂದೆಯ ವ್ಯಾಪ್ತಿಗೆ ಬರುವ ಕಾಯ್ದೆಗಳು: ಈ ಮಸೂದೆಗೆ ಒಳಪಡುವ ಪ್ರಮುಖ ದೆಹಲಿ ಕಾಯ್ದೆಗಳಲ್ಲಿ :--
=> ದೆಹಲಿ ಕೈಗಾರಿಕಾ ಅಭಿವೃದ್ಧಿ, ಕಾರ್ಯಾಚರಣೆ ಮತ್ತು ನಿರ್ವಹಣಾ ಕಾಯ್ದೆ–2010
=> ದೆಹಲಿ ಅಂಗಡಿ ಮತ್ತು ವಾಣಿಜ್ಯ ಸಂಸ್ಥೆಗಳ ಕಾಯ್ದೆ–1954
=> ದೆಹಲಿ ಜಲ ಮಂಡಳಿ ಕಾಯ್ದೆ–1998
=> ದೆಹಲಿ ಕೃಷಿ ಉತ್ಪನ್ನ ಮಾರುಕಟ್ಟೆ (ನಿಯಂತ್ರಣ) ಕಾಯ್ದೆ–1998
ಇವುಗಳ ಜೊತೆಗೆ ವೃತ್ತಿಪರ ಕಾಲೇಜುಗಳು, ಡಿಪ್ಲೊಮಾ ಮಟ್ಟದ ತಾಂತ್ರಿಕ ಸಂಸ್ಥೆಗಳು ಹಾಗೂ ಬೆಡ್-ಅಂಡ್-ಬ್ರೆಕ್‌ಫಾಸ್ಟ್ (B&B) ವ್ಯವಸ್ಥೆಗಳಿಗೆ ಸಂಬಂಧಿಸಿದ ಕಾನೂನುಗಳನ್ನೂ ಒಳಗೊಂಡಿವೆ. ಈ ಕಾಯ್ದೆಗಳ ಅಡಿಯಲ್ಲಿ ಇರುವ ಸಣ್ಣ ಅಪರಾಧಗಳನ್ನು ನಾಗರಿಕ ದಂಡಗಳಾಗಿ ಪರಿವರ್ತಿಸಿ ಶಿಕ್ಷೆಯ ಸಮಚಿತ್ತತೆಯನ್ನು ಖಚಿತಪಡಿಸಲಾಗುತ್ತದೆ.
* ದಂಡ ಮೊತ್ತಗಳು ದರ ಏರಿಕೆಯನ್ನು ಪರಿಗಣಿಸಿ ಪ್ರತಿ ಮೂರು ವರ್ಷಕ್ಕೊಮ್ಮೆ ಸ್ವಯಂಚಾಲಿತವಾಗಿ 10 ಶೇಕಡಾ ಹೆಚ್ಚಳಗೊಳ್ಳುವ ವ್ಯವಸ್ಥೆಯನ್ನು ಮಸೂದೆ ಒಳಗೊಂಡಿದೆ. ಈ ಸುಧಾರಣೆಯಿಂದ ಸರ್ಕಾರಕ್ಕೆ ಯಾವುದೇ ಹೆಚ್ಚುವರಿ ಆರ್ಥಿಕ ಭಾರವಾಗುವುದಿಲ್ಲ ಹಾಗೂ ಹೊಸ ಹುದ್ದೆಗಳ ಸೃಷ್ಟಿಯ ಅಗತ್ಯವಿಲ್ಲ ಎಂದು ಸ್ಪಷ್ಟಪಡಿಸಲಾಗಿದೆ. ಹಣಕಾಸು ಇಲಾಖೆಯೂ ಮಸೂದೆಗೆ ಯಾವುದೇ ಆಕ್ಷೇಪ ವ್ಯಕ್ತಪಡಿಸಿಲ್ಲ. ದೆಹಲಿ ವಿಧಾನಸಭೆಯ ಮುಂದಿನ ಚಳಿಗಾಲದ ಅಧಿವೇಶನದಲ್ಲಿ ಈ ಮಸೂದೆಯನ್ನು ಮಂಡಿಸಿ ಅಂಗೀಕರಿಸುವ ನಿರೀಕ್ಷೆಯಿದೆ.

Take Quiz

Loading..!

ಪ್ರಚಲಿತ ಘಟನೆಗಳು