ಮಿಲನ್-2026: ವಿಶಾಖಪಟ್ಟಣಂನಲ್ಲಿ ವಿಶ್ವದ ಬೃಹತ್ ನೌಕಾ ಸಮರಾಭ್ಯಾಸಕ್ಕೆ ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಚಾಲನೆ

ಪ್ರಚಲಿತ ಘಟನೆಗಳು

Authored by: Akshata Halli Date: 21 ಫೆಬ್ರುವರಿ 2026

➤ ಭಾರತೀಯ ನೌಕಾಪಡೆಯು ಆಯೋಜಿಸುವ ಪ್ರತಿಷ್ಠಿತ ಬಹುಪಕ್ಷೀಯ ನೌಕಾ ಸಮರಾಭ್ಯಾಸ 'ಮಿಲನ್-2026' (MILAN-2026) ಆಂಧ್ರಪ್ರದೇಶದ ವಿಶಾಖಪಟ್ಟಣಂನಲ್ಲಿ ಅದ್ಧೂರಿಯಾಗಿ ಆರಂಭವಾಗಿದೆ. ಫೆಬ್ರವರಿ 25ರವರೆಗೆ ನಡೆಯಲಿರುವ ಈ ಜಾಗತಿಕ ವೇದಿಕೆಯನ್ನು ಕೇಂದ್ರ ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಅವರು ಉದ್ಘಾಟಿಸಿದರು. ಇದು ಭಾರತದ 'Act East Policy' ಮತ್ತು 'MAHASAGAR' (Mutual and Holistic Advancement for Security and Growth Across Regions) ದೃಷ್ಟಿಕೋನದ ಮಹತ್ವದ ಭಾಗವಾಗಿದೆ.
➤ ಧ್ಯೇಯವಾಕ್ಯ (Theme):ಸೌಹಾರ್ದತೆ, ಸಹಕಾರ ಮತ್ತು ಸಹಯೋಗ 'Camaraderie, Cooperation, and Collaboration'
➤ ಭಾರತೀಯ ನೌಕಾಪಡೆಯ ಪೂರ್ವ ನೌಕಾ ಕಮಾಂಡ್ ಕೇಂದ್ರವಾದ ವಿಶಾಖಪಟ್ಟಣಂನಲ್ಲಿ ಜರ್ಮನಿ, ಫಿಲಿಪೀನ್ಸ್ ಮತ್ತು ಯುಎಇ ಸೇರಿದಂತೆ ದಾಖಲೆಯ 74 ರಾಷ್ಟ್ರಗಳ ಸಹಭಾಗಿತ್ವದೊಂದಿಗೆ ನಡೆಯುತ್ತಿರುವ ಮಿಲನ್-2026 (MILAN-2026) ಸಮರಾಭ್ಯಾಸವು, 1995ರಲ್ಲಿ ಕೇವಲ 4 ರಾಷ್ಟ್ರಗಳಿಂದ ಆರಂಭವಾಗಿ ಇಂದು 13ನೇ ಆವೃತ್ತಿಗೆ ತಲುಪಿರುವ ವಿಶ್ವದ ಪ್ರಮುಖ ಬಹುಪಕ್ಷೀಯ ನೌಕಾ ಶಕ್ತಿ ಪ್ರದರ್ಶನವಾಗಿದೆ.
➤ ಆಸಿಯಾನ್ (ASEAN) ಜೊತೆಗಿನ ಸಂಬಂಧ ಮತ್ತು ರಕ್ಷಣಾ ಸಹಕಾರ: ಸಮರಾಭ್ಯಾಸದ ನಡುವೆ ರಕ್ಷಣಾ ಸಚಿವರು 9 ಆಸಿಯಾನ್ ರಾಷ್ಟ್ರಗಳ ನೌಕಾ ಮುಖ್ಯಸ್ಥರೊಂದಿಗೆ ಸಂವಾದ ನಡೆಸಿದರು.ಇಂಡೋ-ಪೆಸಿಫಿಕ್ ವಲಯದಲ್ಲಿ ಭಾರತವು ಆಸಿಯಾನ್ ರಾಷ್ಟ್ರಗಳಿಗೆ ಕೇಂದ್ರ ಸ್ತಂಭವಾಗಿದೆ.ಭಾರತದಲ್ಲಿ ತಯಾರಾದ INS ವಿಕ್ರಾಂತ್ (ವಿಮಾನವಾಹಕ ನೌಕೆ) ಮತ್ತು ವಿಶಾಖಪಟ್ಟಣಂ ಕ್ಲಾಸ್ ಡಿಸ್ಟ್ರೋಯರ್‌ಗಳ ತಂತ್ರಜ್ಞಾನವನ್ನು ಬಳಸಿಕೊಳ್ಳಲು ರಕ್ಷಣಾ ಸಚಿವರು ಆಸಿಯಾನ್ ರಾಷ್ಟ್ರಗಳಿಗೆ ಆಹ್ವಾನ ನೀಡಿದ್ದಾರೆ.ಆಸಿಯಾನ್-ಭಾರತ ರಕ್ಷಣಾ ಥಿಂಕ್-ಟ್ಯಾಂಕ್' ಸ್ಥಾಪನೆ ಮತ್ತು ಯುವ ನೌಕಾ ಅಧಿಕಾರಿಗಳ ನಡುವೆ ವಿನಿಮಯ ಕಾರ್ಯಕ್ರಮಗಳಿಗೆ ಪ್ರಸ್ತಾವನೆ ಸಲ್ಲಿಸಲಾಗಿದೆ.
➤ ಸಮರಾಭ್ಯಾಸದ ಪ್ರಮುಖ ಕಾರ್ಯಾಚರಣೆಗಳು: ಸಮುದ್ರದ ಹಂತದಲ್ಲಿ (Sea Phase) ಅತ್ಯಂತ ಸಂಕೀರ್ಣವಾದ ಯುದ್ಧ ತಂತ್ರಗಳನ್ನು ಪ್ರದರ್ಶಿಸಲಾಗುತ್ತದೆ:

- Anti-Submarine Warfare (ASW): ಜಲಾಂತರ್ಗಾಮಿ ವಿರೋಧಿ ಯುದ್ಧ ತಂತ್ರಗಳು.
- Air Defence: ಶತ್ರುಗಳ ವಾಯುದಾಳಿಯನ್ನು ಎದುರಿಸುವ ತಾಲೀಮು.
- Search and Rescue: ಸಮುದ್ರದಲ್ಲಿ ಸಂಕಷ್ಟದಲ್ಲಿರುವವರ ರಕ್ಷಣೆ.
- Counter-Piracy: ಕಡಲ್ಗಳ್ಳತನ ಮತ್ತು ಕಡಲ ಭಯೋತ್ಪಾದನೆಯನ್ನು ತಡೆಯುವ ಕಾರ್ಯಚರಣೆ.
➤ಮಿಲನ್ ಗ್ರಾಮ (MILAN Village): ನೌಕಾಪಡೆಯು ವಿಶಾಖಪಟ್ಟಣಂನಲ್ಲಿ 'ಮಿಲನ್ ಗ್ರಾಮ'ವನ್ನು ನಿರ್ಮಿಸಿದೆ. ಇದು ಕೇವಲ ಸೌಲಭ್ಯಗಳ ಕೇಂದ್ರವಲ್ಲದೆ, ಭಾಗವಹಿಸುವ ದೇಶಗಳ ನಡುವೆ ಸಾಂಸ್ಕೃತಿಕ ವಿನಿಮಯಕ್ಕೆ ವೇದಿಕೆಯಾಗಿದೆ. ಇಲ್ಲಿ ಭಾರತದ ವೈವಿಧ್ಯಮಯ ಪರಂಪರೆ ಮತ್ತು ಆಹಾರ ಪದ್ಧತಿಯನ್ನು ಜಾಗತಿಕ ಮಟ್ಟದಲ್ಲಿ ಪ್ರದರ್ಶಿಸಲಾಗುತ್ತದೆ.

Take Quiz

Loading..!

ಪ್ರಚಲಿತ ಘಟನೆಗಳು