* ಚಂದ್ರನ ಅಧ್ಯಯನಕ್ಕಾಗಿ ಮಹತ್ವಾಕಾಂಕ್ಷೆಯ ಚಂದ್ರಯಾನ-5 ಮಿಷನ್‌ಗೆ ಕೇಂದ್ರವು ಅನುಮೋದನೆ ನೀಡಿದೆ ಎಂದು ಇಸ್ರೋ ಅಧ್ಯಕ್ಷ ವಿ ನಾರಾಯಣನ್ ಹೇಳಿದ್ದಾರೆ. ಈ ಮೂಲಕ ಭಾರತದ ಬಾಹ್ಯಾಕಾಶ ಮಹತ್ವಾಕಾಂಕ್ಷೆಗಳಿಗೆ ಮತ್ತೊಂದು ಹೆಜ್ಜೆ ಇಟ್ಟಿದೆ.
* ಮೂರು ದಿನಗಳ ಹಿಂದಷ್ಟೇ(ಮಾರ್ಚ್ 13) ನಾವು ಚಂದ್ರಯಾನ-5 ಮಿಷನ್‌ ಗೆ ಅನುಮೋದನೆ ಪಡೆದಿದ್ದೇವೆ. ನಾವು ಅದನ್ನು ಜಪಾನ್‌ನ ಸಹಯೋಗದೊಂದಿಗೆ ಮಾಡುತ್ತೇವೆ ಎಂದು ನಾರಾಯಣನ್ ಹೇಳಿದರು.
* 25 ಕೆಜಿ ರೋವರ್ 'ಪ್ರಯಾಗ್ಯಾನ್' ಅನ್ನು ಹೊತ್ತ ಚಂದ್ರಯಾನ-3 ಮಿಷನ್‌ಗಿಂತ ಭಿನ್ನವಾಗಿ, ಚಂದ್ರಯಾನ-5 ಮಿಷನ್ ಚಂದ್ರನ ಮೇಲೆಯನ್ನು ಅಧ್ಯಯನ ಮಾಡಲು 250 ಕೆಜಿ ರೋವರ್ ಅನ್ನು ಹೊತ್ತೊಯ್ಯುತ್ತದೆ ಎಂದು ನಾರಾಯಣನ್ ಅವರು ಹೇಳಿದರು.
* ಚಂದ್ರಯಾನ-1 (2008) ಚಂದ್ರನ ರಾಸಾಯನಿಕ, ಖನಿಜ ಮತ್ತು ಭೂವೈಜ್ಞಾನಿಕ ಮ್ಯಾಪಿಂಗ್ ನಡೆಸಿತು. ಚಂದ್ರಯಾನ-2 (2019) 98% ಯಶಸ್ವಿಯಾಗಿದ್ದು, ಅಂತಿಮ ಹಂತದಲ್ಲಿ 2% ಮಾತ್ರ ವಿಫಲವಾಯಿತು.
* ಚಂದ್ರಯಾನ-1 (2008) ಯಶಸ್ವಿಯಾಗಿ ಚಂದ್ರನ ರಾಸಾಯನಿಕ, ಖನಿಜ ಮತ್ತು ಭೂವೈಜ್ಞಾನಿಕ ಮ್ಯಾಪಿಂಗ್ ಮಾಡಿತು. ಚಂದ್ರಯಾನ-2 (2019) ಶೇಕಡಾ 98 ಯಶಸ್ವಿಯಾಗಿದ್ದು, ಕೇವಲ 2% ಭಾಗ ಮಾತ್ರ ವಿಫಲವಾಯಿತು. ಇದರ ಹೈ-ರೆಸಲ್ಯೂಶನ್ ಕ್ಯಾಮೆರಾ ಇನ್ನೂ ನೂರಾರು ಚಿತ್ರಗಳನ್ನು ಕಳುಹಿಸುತ್ತಿದೆ ಎಂದು ಬಾಹ್ಯಾಕಾಶ ಇಲಾಖೆ ಕಾರ್ಯದರ್ಶಿ ನಾರಾಯಣನ್ ತಿಳಿಸಿದ್ದಾರೆ.
* ಚಂದ್ರಯಾನ-4 ಮಿಷನ್ 2027ರಲ್ಲಿ ಉಡಾವಣೆಗೊಳ್ಳಲಿದೆ ಮತ್ತು ಚಂದ್ರನಿಂದ ಮಾದರಿಗಳನ್ನು ಸಂಗ್ರಹಿಸುವ ಗುರಿಯಿದೆ. ಇಸ್ರೋ ಗಗನ್‌ಯಾನ್ ಸೇರಿದಂತೆ ಭವಿಷ್ಯದ ವಿವಿಧ ಯೋಜನೆಗಳನ್ನು ಹಮ್ಮಿಕೊಂಡಿದ್ದು, ಭಾರತದ ಸ್ವಂತ ಬಾಹ್ಯಾಕಾಶ ನಿಲ್ದಾಣ ಸ್ಥಾಪನೆ ಯೋಜನೆಯಲ್ಲಿದೆ ಎಂದು ನಾರಾಯಣನ್ ತಿಳಿಸಿದರು.