ಕೇಂದ್ರ ಬಜೆಟ್ 2026-27: 'ವಿಕಸಿತ ಭಾರತ'ದತ್ತ ನಿರ್ಮಲಾ ಸೀತಾರಾಮನ್ ಅವರ ಐತಿಹಾಸಿಕ 9ನೇ ಬಜೆಟ್ Part-1 (part-2)

ಪ್ರಚಲಿತ ಘಟನೆಗಳು

Authored by: Akshata Halli Date: 2 ಫೆಬ್ರುವರಿ 2026

➤ ನೇರ ತೆರಿಗೆ ಬದಲಾವಣೆಗಳು:
1.ಹೊಸ ಆದಾಯ ತೆರಿಗೆ ಕಾಯ್ದೆ 2025: ಇದು ಏಪ್ರಿಲ್ 2026 ರಿಂದ ಜಾರಿಗೆ ಬರಲಿದೆ. ತೆರಿಗೆ ಸಲ್ಲಿಕೆ ಪ್ರಕ್ರಿಯೆ ಮತ್ತಷ್ಟು ಸರಳಗೊಳಿಸಲಾಗಿದೆ.
2.TCS ಕಡಿತ: ವಿದೇಶಿ ಪ್ರವಾಸ ಪ್ಯಾಕೇಜ್‌ಗಳ ಮೇಲಿನ ಟಿಸಿಎಸ್ ದರವನ್ನು 20% ರಿಂದ 2% ಕ್ಕೆ ಇಳಿಸಲಾಗಿದೆ.
3.ಸ್ಟಾಕ್ ಮಾರ್ಕೆಟ್:ಫ್ಯೂಚರ್ಸ್ (Futures) ಮೇಲಿನ STT ದರವನ್ನು 0.05% ಕ್ಕೆ ಮತ್ತು ಆಪ್ಷನ್ಸ್ (Options) ಮೇಲಿನ ದರವನ್ನು 0.15% ಕ್ಕೆ ಏರಿಸಲಾಗಿದೆ.
4.ಐಟಿ ವಲಯ:ಸಾಫ್ಟ್‌ವೇರ್ ಅಭಿವೃದ್ಧಿ ಸೇವೆಗಳಿಗೆ ಏಕರೂಪದ 'ಸೇಫ್ ಹಾರ್ಬರ್' ನಿಯಮಗಳು.
➤ ಪರೋಕ್ಷ ತೆರಿಗೆ ಮತ್ತು ಸುಂಕಗಳು:
1.ಚಿನ್ನ ಮತ್ತು ಬೆಲೆಬಾಳುವ ಲೋಹಗಳು: ಸುಂಕಗಳಲ್ಲಿ ತರ್ಕಬದ್ಧಗೊಳಿಸುವಿಕೆ.
2.ಕ್ಯಾನ್ಸರ್ ಔಷಧಿಗಳು: 17 ವಿಧದ ಜೀವ ಉಳಿಸುವ ಔಷಧಿಗಳ ಮೇಲಿನ ಮೂಲ ಕಸ್ಟಮ್ಸ್ ಸುಂಕ ರದ್ದು.
3.ಮೊಬೈಲ್ ಮತ್ತು ಎಲೆಕ್ಟ್ರಾನಿಕ್ಸ್: ಮೈಕ್ರೋವೇವ್ ಓವನ್ ಬಿಡಿಭಾಗಗಳ ಮೇಲಿನ ಸುಂಕ ಕಡಿತ.
4.ವಿಮಾನಯಾನ: ವಿಮಾನ ಬಿಡಿಭಾಗಗಳ ತಯಾರಿಕೆಗೆ ಬಳಸುವ ಕಚ್ಚಾ ವಸ್ತುಗಳ ಮೇಲಿನ ಸುಂಕ ರದ್ದು.
➤ ವಿತ್ತೀಯ ಕೊರತೆಯ ಗುರಿ :4.3%:ವಿತ್ತೀಯ ಕೊರತೆಯು ಸರ್ಕಾರದ ಒಟ್ಟು ವೆಚ್ಚ ಮತ್ತು ಅದರ ಒಟ್ಟು ಆದಾಯದ (ಸಾಲವನ್ನು ಹೊರತುಪಡಿಸಿ) ನಡುವಿನ ವ್ಯತ್ಯಾಸವಾಗಿದೆ.2026-27ನೇ ಸಾಲಿನ ಬಜೆಟ್ ಅಂದಾಜಿನಲ್ಲಿ (BE) ವಿತ್ತೀಯ ಕೊರತೆಯನ್ನು ಜಿಡಿಪಿಯ 4.3% ಕ್ಕೆ ನಿಗದಿಪಡಿಸಲಾಗಿದೆ. ಇದು ಕಳೆದ ವರ್ಷದ (2025-26) ಪರಿಷ್ಕೃತ ಅಂದಾಜಾದ 4.4% ಕ್ಕಿಂತ ಕಡಿಮೆಯಾಗಿದೆ. ಇದೇ ವೇಳೆ ದೇಶದ ಸಾಲ ಮತ್ತು ಜಿಡಿಪಿ ಅನುಪಾತವು 56.1% ರಿಂದ 55.6% ಕ್ಕೆ ಇಳಿಯುವ ನಿರೀಕ್ಷೆಯಿದೆ.
➤ ಬಯೋಫಾರ್ಮಾ ಶಕ್ತಿ ಯೋಜನೆ:ಮುಂದಿನ 5 ವರ್ಷಗಳ ಅವಧಿಗೆ ₹10,000 ಕೋಟಿ ಅನುದಾನ ಮೀಸಲಿಡಲಾಗಿದೆ. ಈ ಯೋಜನೆಯಡಿ 3 ಹೊಸ ನ್ಯಾಷನಲ್ ಇನ್‌ಸ್ಟಿಟ್ಯೂಟ್ ಆಫ್ ಫಾರ್ಮಾಸ್ಯುಟಿಕಲ್ ಎಜುಕೇಶನ್ ಅಂಡ್ ರಿಸರ್ಚ್ (NIPER) ಸ್ಥಾಪಿಸಲಾಗುವುದು ಮತ್ತು ಈಗಿರುವ 7 ಸಂಸ್ಥೆಗಳನ್ನು ಮೇಲ್ದರ್ಜೆಗೇರಿಸಲಾಗುವುದು. ದೇಶಾದ್ಯಂತ 1000ಕ್ಕೂ ಹೆಚ್ಚು ಮಾನ್ಯತೆ ಪಡೆದ ಕ್ಲಿನಿಕಲ್ ಟ್ರಯಲ್ ಸೈಟ್‌ಗಳ ಜಾಲವನ್ನು ನಿರ್ಮಿಸುವ ಮೂಲಕ ಹೊಸ ಔಷಧಿಗಳ ಸಂಶೋಧನೆಗೆ ವೇಗ ನೀಡಲಾಗುವುದು.
➤ ಬೆಂಗಳೂರು ಹೈಸ್ಪೀಡ್ ರೈಲು ಕಾರಿಡಾರ್‌ಗಳು: ನಗರಗಳ ನಡುವಿನ ಪ್ರಯಾಣದ ಸಮಯವನ್ನು ಕಡಿಮೆ ಮಾಡಲು ಮತ್ತು ಆರ್ಥಿಕ ಚಟುವಟಿಕೆಯನ್ನು ಹೆಚ್ಚಿಸಲು ಸರ್ಕಾರವು 7 ಹೈಸ್ಪೀಡ್ ರೈಲು ಕಾರಿಡಾರ್‌ಗಳನ್ನು ಘೋಷಿಸಿದ್ದು, ಅದರಲ್ಲಿ ಬೆಂಗಳೂರು ಪ್ರಮುಖ ಪಾತ್ರ ವಹಿಸಿದೆ.
➤ ಭಾರತ್-ವಿಸ್ತಾರ್ (Bharat-VISTAAR) ತಂತ್ರಜ್ಞಾನ: ಕೃಷಿ ವಲಯದಲ್ಲಿ ತಂತ್ರಜ್ಞಾನದ ಬಳಕೆಯನ್ನು ಉತ್ತೇಜಿಸಲು ಸರ್ಕಾರವು ಈ ಕ್ರಾಂತಿಕಾರಿ AI ಉಪಕರಣವನ್ನು ಪರಿಚಯಿಸಿದೆ.ಇದು ಬಹುಭಾಷಾ AI (ಕೃತಕ ಬುದ್ಧಿಮತ್ತೆ) ಸಾಧನವಾಗಿದೆ.
➤ ಕೇಂದ್ರ ಬಜೆಟ್ ಮತ್ತು ಕರ್ನಾಟಕ:
1. ತೆರಿಗೆ ಹಂಚಿಕೆಯಲ್ಲಿ ಭಾರಿ ಏರಿಕೆ (Tax Devolution): 16ನೇ ಹಣಕಾಸು ಆಯೋಗದ (16th Finance Commission) ಶಿಫಾರಸುಗಳನ್ನು ಕೇಂದ್ರ ಸರ್ಕಾರ ಅಂಗೀಕರಿಸಿದ್ದು,ರಾಜ್ಯಗಳ ಒಟ್ಟು ಪಾಲಿನಲ್ಲಿ ಕರ್ನಾಟಕದ ಪಾಲನ್ನು 3.64% ರಿಂದ 4.13% ಕ್ಕೆ ಏರಿಸಲಾಗಿದೆ. 2026-27ರ ಹಣಕಾಸು ವರ್ಷದಲ್ಲಿ ಕರ್ನಾಟಕಕ್ಕೆ ಸುಮಾರು ₹63,049 ಕೋಟಿ ತೆರಿಗೆ ಪಾಲು ಸಿಗಲಿದೆ.
2. ಸಿಟಿ ಎಕನಾಮಿಕ್ ರೀಜನ್ (CER) - ಟಯರ್-2 ನಗರಗಳಿಗೆ ಬೂಸ್ಟ್: ಬೆಂಗಳೂರಿನ ಮೇಲಿನ ಒತ್ತಡ ಕಡಿಮೆ ಮಾಡಲು ಮತ್ತು ಇತರ ನಗರಗಳನ್ನು ಅಭಿವೃದ್ಧಿಪಡಿಸಲು ಹೊಸ ಯೋಜನೆ ಘೋಷಿಸಲಾಗಿದೆ.ಆಯ್ದ 'ಸಿಟಿ ಎಕನಾಮಿಕ್ ರೀಜನ್'ಗಳಿಗೆ 5 ವರ್ಷಗಳ ಅವಧಿಗೆ ತಲಾ ₹5,000 ಕೋಟಿ ಅನುದಾನ ನೀಡಲಾಗುವುದು.
3. ಹೈಸ್ಪೀಡ್ ರೈಲು ಸಂಪರ್ಕ: ಬೆಂಗಳೂರನ್ನು ನೆರೆಯ ರಾಜ್ಯಗಳ ಪ್ರಮುಖ ನಗರಗಳೊಂದಿಗೆ ಜೋಡಿಸಲು ಹೈಸ್ಪೀಡ್ ರೈಲು ಕಾರಿಡಾರ್‌ಗಳನ್ನು ಘೋಷಿಸಲಾಗಿದೆ: ಹೈದರಾಬಾದ್ - ಬೆಂಗಳೂರು, ಚೆನ್ನೈ - ಬೆಂಗಳೂರು
4. ಉನ್ನತ ಭದ್ರಾ ಮತ್ತು ನೀರಾವರಿ ಯೋಜನೆಗಳ ಸ್ಥಿತಿ: ಕರ್ನಾಟಕ ಸರ್ಕಾರವು ಉನ್ನತ ಭದ್ರಾ ಯೋಜನೆಗೆ ₹5,300 ಕೋಟಿ ಅನುದಾನ ಮತ್ತು ಉನ್ನತ ಕೃಷ್ಣಾ ಯೋಜನೆಗೆ ರಾಷ್ಟ್ರೀಯ ಮಾನ್ಯತೆಗಾಗಿ ಒತ್ತಾಯಿಸಿತ್ತು. ಬಜೆಟ್‌ನಲ್ಲಿ ಈ ಯೋಜನೆಗಳ ಬಗ್ಗೆ ನೇರವಾದ ಹೊಸ ಘೋಷಣೆಗಳಿಲ್ಲದಿದ್ದರೂ, ರಾಜ್ಯಗಳಿಗೆ ಒಟ್ಟಾರೆಯಾಗಿ ನೀಡಲಾಗುವ ₹1.4 ಲಕ್ಷ ಕೋಟಿ 'ಹಣಕಾಸು ಆಯೋಗದ ಅನುದಾನ'ದಲ್ಲಿ ಕರ್ನಾಟಕವು ತನ್ನ ಪಾಲನ್ನು ನೀರಾವರಿ ಮತ್ತು ವಿಪತ್ತು ನಿರ್ವಹಣೆಗೆ ಬಳಸಿಕೊಳ್ಳಬಹುದಾಗಿದೆ.
5. ಕೈಗಾರಿಕೆ ಮತ್ತು ಶಿಕ್ಷಣ:
- ಸೆಮಿಕಂಡಕ್ಟರ್ ಹಬ್: ಕರ್ನಾಟಕವು ಈಗಾಗಲೇ ಸೆಮಿಕಂಡಕ್ಟರ್ ವಲಯದಲ್ಲಿ ಮುಂಚೂಣಿಯಲ್ಲಿದ್ದು, 'ISM 2.0' ಘೋಷಣೆಯಿಂದ ರಾಜ್ಯದ ಚಿಪ್ ತಯಾರಿಕಾ ಘಟಕಗಳಿಗೆ ಹೆಚ್ಚಿನ ಬಲ ಸಿಗಲಿದೆ.
- ಯೂನಿವರ್ಸಿಟಿ ಟೌನ್‌ಶಿಪ್: ಕೈಗಾರಿಕಾ ಕಾರಿಡಾರ್‌ಗಳ ಬಳಿ 5 ವಿಶ್ವವಿದ್ಯಾಲಯ ಟೌನ್‌ಶಿಪ್‌ಗಳನ್ನು ನಿರ್ಮಿಸುವ ಯೋಜನೆಯಡಿ ತುಮಕೂರು ಅಥವಾ ಧಾರವಾಡ ಪ್ರದೇಶಗಳು ಲಾಭ ಪಡೆಯುವ ನಿರೀಕ್ಷೆಯಿದೆ.

Take Quiz

Loading..!

ಪ್ರಚಲಿತ ಘಟನೆಗಳು