ಭಾರತದ ‘ಡೀಪ್-ಟೆಕ್’ ಕ್ರಾಂತಿ: ಸ್ಟಾರ್ಟ್‌ಅಪ್‌ಗಳಿಗೆ 3 ವರ್ಷಗಳ ಕಡ್ಡಾಯ ನಿಯಮ ರದ್ದು!

ಪ್ರಚಲಿತ ಘಟನೆಗಳು

ಭಾರತದ ‘ಡೀಪ್-ಟೆಕ್’ ಕ್ರಾಂತಿ: ಸ್ಟಾರ್ಟ್‌ಅಪ್‌ಗಳಿಗೆ 3 ವರ್ಷಗಳ ಕಡ್ಡಾಯ ನಿಯಮ ರದ್ದು!7 ಜನವರಿ 2026

* ಭಾರತವನ್ನು ಜಾಗತಿಕ ತಂತ್ರಜ್ಞಾನದ ಕೇಂದ್ರವನ್ನಾಗಿ (Global Tech Hub) ರೂಪಿಸುವ ನಿಟ್ಟಿನಲ್ಲಿ ಕೇಂದ್ರ ಸರ್ಕಾರವು ಐತಿಹಾಸಿಕ ತೀರ್ಮಾನವೊಂದನ್ನು ಕೈಗೊಂಡಿದೆ. ವೈಜ್ಞಾನಿಕ ಮತ್ತು ಕೈಗಾರಿಕಾ ಸಂಶೋಧನಾ ಇಲಾಖೆಯು (DSIR) ತನ್ನ 42ನೇ ಸಂಸ್ಥಾಪನಾ ದಿನದಂದು ಡೀಪ್-ಟೆಕ್ ಸ್ಟಾರ್ಟ್‌ಅಪ್‌ಗಳಿಗೆ ನೀಡಲಾಗುತ್ತಿದ್ದ 'ಮೂರು ವರ್ಷಗಳ ಕಡ್ಡಾಯ ಅಸ್ತಿತ್ವ'ದ ನಿಯಮವನ್ನು ರದ್ದುಗೊಳಿಸಿದೆ.
* ಈ ನಿರ್ಧಾರವು ಆರಂಭಿಕ ಹಂತದ ಡೀಪ್-ಟೆಕ್ ಸ್ಟಾರ್ಟ್‌ಅಪ್‌ಗಳಿಗೆ ತಕ್ಷಣದ ಸಾಂಸ್ಥಿಕ ಬೆಂಬಲ ಒದಗಿಸಿ, ತಾಂತ್ರಿಕವಾಗಿ ಪ್ರೌಢಾವಸ್ಥೆ ಹೊಂದಿರುವ ಉದ್ಯಮಗಳು ಮೂರು ವರ್ಷ ಕಾಯದೇ ವೇಗವಾಗಿ ಬೆಳೆಯಲು ನೆರವಾಗುತ್ತದೆ ಹಾಗೂ ಭಾರತವನ್ನು ಜಾಗತಿಕ ತಂತ್ರಜ್ಞಾನ ಪೂರೈಕೆದಾರ ರಾಷ್ಟ್ರವನ್ನಾಗಿ ರೂಪಿಸುವ ಉದ್ದೇಶ ಹೊಂದಿದೆ.
ಡೀಪ್-ಟೆಕ್ (Deep-Tech) ಎಂದರೇನು?
ಡೀಪ್-ಟೆಕ್ ಎಂದರೆ ವೈಜ್ಞಾನಿಕ ಸಂಶೋಧನೆ ಅಥವಾ ಎಂಜಿನಿಯರಿಂಗ್ ಆವಿಷ್ಕಾರಗಳ ಮೇಲೆ ಆಧಾರಿತವಾದ ತಂತ್ರಜ್ಞಾನ. ಉದಾಹರಣೆಗೆ: ಕೃತಕ ಬುದ್ಧಿಮತ್ತೆ (AI), ಕ್ವಾಂಟಮ್ ಕಂಪ್ಯೂಟಿಂಗ್, ಬಯೋಟೆಕ್ನಾಲಜಿ ಮತ್ತು ಬಾಹ್ಯಾಕಾಶ ತಂತ್ರಜ್ಞಾನ. ಇವುಗಳಿಗೆ ದೀರ್ಘಕಾಲದ ಸಂಶೋಧನೆ ಮತ್ತು ಹೆಚ್ಚಿನ ಬಂಡವಾಳದ ಅಗತ್ಯವಿರುತ್ತದೆ.
* ಪ್ರಮುಖ ಸುಧಾರಣೆಗಳು ಮತ್ತು ಮುಖ್ಯಾಂಶಗಳು:
ಡೀಪ್-ಟೆಕ್ ಸ್ಟಾರ್ಟ್‌ಅಪ್‌ಗಳಿಗೆ ಸರ್ಕಾರದ ಬೆಂಬಲವನ್ನು ವೇಗಗೊಳಿಸುವ ಉದ್ದೇಶದಿಂದ ಮಹತ್ವದ ನೀತಿ ಸುಧಾರಣೆಗಳನ್ನು ಘೋಷಿಸಲಾಗಿದೆ. DSIR–IRDP ಮಾನ್ಯತೆಗೆ ಇದ್ದ 3 ವರ್ಷಗಳ ನಿಯಮವನ್ನು ರದ್ದುಪಡಿಸಲಾಗಿದ್ದು, ಇದರಿಂದ ಹೊಸದಾಗಿ ಆರಂಭವಾದ ಆದರೆ ತಾಂತ್ರಿಕವಾಗಿ ಪ್ರೌಢ (Deep-Tech) ಸ್ಟಾರ್ಟ್‌ಅಪ್‌ಗಳು ತಕ್ಷಣವೇ ಸರ್ಕಾರಿ ಸೌಲಭ್ಯಗಳು ಮತ್ತು ಪ್ರೋತ್ಸಾಹಧನಗಳನ್ನು ಪಡೆಯಲು ಅವಕಾಶ ದೊರಕಿದೆ. ಜೊತೆಗೆ, ₹1 ಲಕ್ಷ ಕೋಟಿ ಮೊತ್ತದ ಸಂಶೋಧನೆ ಮತ್ತು ಆವಿಷ್ಕಾರ ನಿಧಿ (RDI Fund) ಅನ್ನು ಸ್ಥಾಪಿಸಲಾಗಿದ್ದು, ಇದರ ಗುರಿ ‘Lab to Market’ ಪರಿಕಲ್ಪನೆಯಡಿ ಪ್ರಯೋಗಾಲಯದ ಸಂಶೋಧನೆಗಳನ್ನು ವಾಣಿಜ್ಯ ಉತ್ಪನ್ನಗಳಾಗಿ ರೂಪಿಸುವುದಾಗಿದೆ; ವಿಶೇಷವಾಗಿ Technology Readiness Level (TRL) ಹಂತದಲ್ಲಿರುವ ಉದ್ಯಮಗಳಿಗೆ ದೊಡ್ಡ ಪ್ರಮಾಣದ ಆರ್ಥಿಕ ನೆರವು ಒದಗಿಸಲಾಗುತ್ತದೆ. ಇದರ ಜೊತೆಗೆ, DSIR ಮತ್ತು CSIR ನಡುವಿನ ಸಹಯೋಗವನ್ನು (Symbiosis) ಬಲಪಡಿಸಲಾಗಿದ್ದು, CSIR ಅಭಿವೃದ್ಧಿಪಡಿಸಿದ ತಂತ್ರಜ್ಞಾನಗಳನ್ನು ಕೈಗಾರಿಕೆಗಳಿಗೆ ತಲುಪಿಸಲು DSIR ಸೇತುವೆಯಾಗಿ ಕಾರ್ಯನಿರ್ವಹಿಸಲಿದೆ ಎಂದು ವಿಜ್ಞಾನ ಮತ್ತು ತಂತ್ರಜ್ಞಾನ ಸಚಿವ ಜಿತೇಂದ್ರ ಸಿಂಗ್ ಘೋಷಿಸಿದ್ದಾರೆ—ಇದು ಭಾರತದಲ್ಲಿ ಆವಿಷ್ಕಾರ ಆಧಾರಿತ ಉದ್ಯಮಶೀಲತೆಗೆ ಹೊಸ ವೇಗ ನೀಡಲಿದೆ.
* DSIR‌ನ 42ನೇ ಸಂಸ್ಥಾಪನಾ ದಿನಾಚರಣೆಯಂದು ನಾಲ್ಕು ಮಹತ್ವದ ಉಪಕ್ರಮಗಳನ್ನು ಬಿಡುಗಡೆ ಮಾಡಲಾಗಿದ್ದು, ಇವು ದೇಶದ ಆವಿಷ್ಕಾರ ಮತ್ತು ಸಂಶೋಧನಾ ಪರಿಸರಕ್ಕೆ ಹೊಸ ದಿಕ್ಕು ನೀಡಲಿವೆ.
- ಡೀಪ್-ಟೆಕ್ ಮಾರ್ಗಸೂಚಿಗಳು ಪ್ರಕಟಿಸಲ್ಪಟ್ಟಿದ್ದು, ಕಂಪನಿಗಳಿಗೆ ಲಭ್ಯವಾಗುವ ಹೊಸ ಸರ್ಕಾರಿ ಸೌಲಭ್ಯಗಳು ಮತ್ತು ಪ್ರೋತ್ಸಾಹಗಳ ಸ್ಪಷ್ಟ ರೂಪರೇಖೆ ಒದಗಿಸುತ್ತವೆ.
- PRISM ನೆಟ್‌ವರ್ಕ್ ಪ್ಲಾಟ್‌ಫಾರ್ಮ್ ಅನ್ನು ಆರಂಭಿಸಲಾಗಿದ್ದು, ಇದು ವೈಯಕ್ತಿಕ ಆವಿಷ್ಕಾರಕರಿಗೆ ತಾಂತ್ರಿಕ ಮಾರ್ಗದರ್ಶನ ಮತ್ತು ಬೆಂಬಲ ನೀಡುವ ಡಿಜಿಟಲ್ ಜಾಲವಾಗಿ ಕಾರ್ಯನಿರ್ವಹಿಸುತ್ತದೆ. ಇನ್ನೊಂದೆಡೆ,
- ‘Creative India 2025’ ಎಂಬ ದೂರದೃಷ್ಟಿ ಯೋಜನೆ ದೇಶದಾದ್ಯಂತ ಹೊಸ ಆವಿಷ್ಕಾರಗಳು ಮತ್ತು ಸೃಜನಶೀಲತೆಯನ್ನು ಉತ್ತೇಜಿಸುವ ಗುರಿ ಹೊಂದಿದೆ. ಇದಕ್ಕೆ ಪೂರಕವಾಗಿ.
- DSIR ವಿಪತ್ತು ನಿರ್ವಹಣಾ ಯೋಜನೆ ಯನ್ನು ಪರಿಚಯಿಸಲಾಗಿದ್ದು, ವಿಪತ್ತುಗಳ ಸಮಯದಲ್ಲಿ ವೈಜ್ಞಾನಿಕ ಮತ್ತು ತಂತ್ರಜ್ಞಾನ ಆಧಾರಿತ ಪರಿಹಾರಗಳನ್ನು ಪರಿಣಾಮಕಾರಿಯಾಗಿ ಬಳಸುವ ರೂಪುರೇಷೆಯನ್ನು ನಿರ್ಧರಿಸುತ್ತದೆ.
* ತಂತ್ರಜ್ಞಾನವು ಕೇವಲ ನಗರಗಳಿಗೆ ಸೀಮಿತವಾಗಬಾರದು ಎಂಬ ಉದ್ದೇಶದಿಂದ ಛತ್ತೀಸ್‌ಗಢದಲ್ಲಿ 'ಕೌಶಲ್ಯ ಉಪಗ್ರಹ ಕೇಂದ್ರ'ವನ್ನು (Skill Satellite Centre) ಸ್ಥಾಪಿಸಲಾಗುತ್ತಿದೆ. ಇದು ವಿಶೇಷವಾಗಿ ಗ್ರಾಮೀಣ ಮಹಿಳೆಯರಿಗೆ ತಾಂತ್ರಿಕ ಕೌಶಲ್ಯ ನೀಡಿ ಅವರನ್ನು ಉದ್ದಿಮೆದಾರರನ್ನಾಗಿ (Entrepreneurs) ರೂಪಿಸುವ ಗುರಿ ಹೊಂದಿದೆ.

Take Quiz

Loading..!

ಪ್ರಚಲಿತ ಘಟನೆಗಳು