ಭಾರತದ ಬ್ಯಾಂಕಿಂಗ್ ಕ್ಷೇತ್ರಕ್ಕೆ ಹೆಮ್ಮೆ: ಬ್ಯಾಂಕ್ ಆಫ್ ಬರೋಡಾಗೆ ದಿ ಬ್ಯಾಂಕರ್ ಪ್ರಶಸ್ತಿ

ಪ್ರಚಲಿತ ಘಟನೆಗಳು

ಭಾರತದ ಬ್ಯಾಂಕಿಂಗ್ ಕ್ಷೇತ್ರಕ್ಕೆ ಹೆಮ್ಮೆ: ಬ್ಯಾಂಕ್ ಆಫ್ ಬರೋಡಾಗೆ ದಿ ಬ್ಯಾಂಕರ್ ಪ್ರಶಸ್ತಿ13 ಡಿಸೆಂಬರ್ 2025

* ಫೈನಾನ್ಶಿಯಲ್ ಟೈಮ್ಸ್ ಗುಂಪಿನ ಗೌರವಾನ್ವಿತ ಪ್ರಕಟಣೆಯಾದ ದಿ ಬ್ಯಾಂಕರ್ (The Banker) ನಿಯತಕಾಲಿಕೆ ಆಯೋಜಿಸಿದ Bank of the Year Awards 2025 – Asia-Pacific ಸಮಾರಂಭದಲ್ಲಿ **ಬ್ಯಾಂಕ್ ಆಫ್ ಬರೋಡಾ (BoB)**ಗೆ ‘ಭಾರತದ ಅತ್ಯುತ್ತಮ ಬ್ಯಾಂಕ್’ ಎಂಬ ಪ್ರತಿಷ್ಠಿತ ಗೌರವ ಲಭಿಸಿದೆ. ಈ ಪ್ರಶಸ್ತಿ ಬ್ಯಾಂಕಿನ ವೇಗವಾದ ರೂಪಾಂತರ, ತಂತ್ರಜ್ಞಾನಾಧಾರಿತ ನವೀನ ಬ್ಯಾಂಕಿಂಗ್ ಸೇವೆಗಳು ಹಾಗೂ ಭಾರತದ ಹಣಕಾಸು ಪರಿಸರ ವ್ಯವಸ್ಥೆಯನ್ನು ಬಲಪಡಿಸುವಲ್ಲಿ ಅದರ ಹೆಚ್ಚುತ್ತಿರುವ ಪಾತ್ರವನ್ನು ಸ್ಪಷ್ಟವಾಗಿ ತೋರಿಸುತ್ತದೆ.
* 'ಭಾರತದ ಅತ್ಯುತ್ತಮ ಬ್ಯಾಂಕ್' ಪ್ರಶಸ್ತಿಗೆ ಬ್ಯಾಂಕ್ ಆಫ್ ಬರೋಡಾ ಆಯ್ಕೆಯಾಗಲು ಕಾರಣಗಳು:--
1. ಫಿಜಿಟಲ್ ಬ್ಯಾಂಕಿಂಗ್ ಮಾದರಿಯ ವಿಸ್ತರಣೆ :- ಬ್ಯಾಂಕ್ ಆಫ್ ಬರೋಡಾ ಜಾರಿಗೆ ತಂದಿರುವ ಫಿಜಿಟಲ್ (Physical + Digital) ಬ್ಯಾಂಕಿಂಗ್ ಮಾದರಿಯ ಮೂಲಕ ಗ್ರಾಹಕರು ತಕ್ಷಣದ ಸ್ಟೇಟ್‌ಮೆಂಟ್‌ಗಳು, ಆದಾಯ ತೆರಿಗೆ ಪಾವತಿ ಪ್ರಮಾಣಪತ್ರಗಳು, ನಾಮನಿರ್ದೇಶಿತ ಮಾಹಿತಿ ನವೀಕರಣ ಸೇರಿದಂತೆ ಹಲವು ಸೇವೆಗಳನ್ನು ವೇಗವಾಗಿ ಪಡೆಯಬಹುದಾಗಿದ್ದು, ಅಗತ್ಯವಿದ್ದರೆ ವೀಡಿಯೊ ಕಾಲ್ ಅಥವಾ ಶಾಖೆಯಲ್ಲಿ ನೇರವಾಗಿ ಸಿಬ್ಬಂದಿಯನ್ನು ಭೇಟಿ ಮಾಡುವ ಸೌಲಭ್ಯವೂ ಲಭ್ಯವಿದ್ದು, ಇದರಿಂದ ಆಧುನಿಕ ತಂತ್ರಜ್ಞಾನ ಮತ್ತು ಸಾಂಪ್ರದಾಯಿಕ ಬ್ಯಾಂಕಿಂಗ್ ಸೇವೆಗಳ ನಡುವೆ ಸಮತೋಲನ ಸಾಧಿಸಲಾಗಿದೆ.
2. ಗ್ರಾಹಕ ಸೇವೆ ಮತ್ತು ಲಭ್ಯತೆಗೆ ಹೆಚ್ಚಿನ ಒತ್ತು:- ಬ್ಯಾಂಕ್ ದೇಶಾದ್ಯಂತ 184 ಹೊಸ ಶಾಖೆಗಳನ್ನು ತೆರೆಯುವ ಮೂಲಕ ತನ್ನ ಭೌತಿಕ ಹಾಜರಾತಿಯನ್ನು ವಿಸ್ತರಿಸಿದ್ದು, ಇದರ ಫಲವಾಗಿ ಗ್ರಾಮೀಣ ಮತ್ತು ಅರೆನಗರ ಪ್ರದೇಶಗಳಲ್ಲಿ ಸಾಲ ಸೌಲಭ್ಯಗಳ ಲಭ್ಯತೆ ಹೆಚ್ಚಳ, ಸ್ಥಳೀಯ ವ್ಯಾಪಾರಗಳಿಗೆ ಉತ್ತೇಜನ ಹಾಗೂ ಹಣಕಾಸು ಸೇರ್ಪಡೆ ಬಲಪಡಿಸಿದ್ದು, ಈ ಪ್ರಯತ್ನಗಳನ್ನು ದಿ ಬ್ಯಾಂಕರ್ ವಿಶೇಷವಾಗಿ ಪ್ರಶಂಸಿಸಿದೆ.
3. ಸಣ್ಣ ಉದ್ಯಮಗಳಿಗೆ ಬೆಂಬಲ – Smart OD ಯೋಜನೆ :- ಎಂಎಸ್‌ಎಂಇ ಮತ್ತು ಸಣ್ಣ ವ್ಯಾಪಾರಿಗಳಿಗೆ ಬೆಂಬಲವಾಗಿ ಬ್ಯಾಂಕ್ ಪರಿಚಯಿಸಿದ Smart OD ಸೌಲಭ್ಯ ಹಾಗೂ B2B ಮಾರಾಟ ಡೇಟಾ, GST ರಿಟರ್ನ್‌ಗಳು ಮತ್ತು ಕರೆಂಟ್ ಖಾತೆ ಚಟುವಟಿಕೆಗಳ ಆಧಾರದಲ್ಲಿ 24 ಗಂಟೆಗಿಂತ ಕಡಿಮೆ ಅವಧಿಯಲ್ಲಿ ಸಾಲ ಅನುಮೋದಿಸುವ ಡಿಜಿಟಲ್ ವ್ಯವಸ್ಥೆ, ಕಾರ್ಯನಿಧಿಯನ್ನು ಸುಲಭಗೊಳಿಸಿ ಸಾಂಪ್ರದಾಯಿಕವಾಗಿ ಸಾಲ ಪಡೆಯಲು ಕಷ್ಟಪಡುತ್ತಿದ್ದ ಉದ್ಯಮಿಗಳಿಗೆ ಮಹತ್ತರ ನೆರವಾಗುತ್ತಿದೆ.
4. ಚಿಲ್ಲರೆ ಗ್ರಾಹಕರಿಗೆ ನವೀನ ಉತ್ಪನ್ನಗಳು :- ಬ್ಯಾಂಕ್ ಆಫ್ ಬರೋಡಾ ಪರಿಚಯಿಸಿದ ಲಿಕ್ವಿಡ್ ಫಿಕ್ಸ್ಡ್ ಡೆಪಾಸಿಟ್ (Liquid FD) ಯೋಜನೆ ಫಿಕ್ಸ್ಡ್ ಡೆಪಾಸಿಟ್‌ನ ಹೆಚ್ಚಿನ ಬಡ್ಡಿದರ ಹಾಗೂ ಉಳಿತಾಯ ಖಾತೆಯಂತೆಯೇ ಸುಲಭ ಹಣ ತೆಗೆಯುವ ಸೌಲಭ್ಯವನ್ನು ಒಟ್ಟಿಗೆ ನೀಡುತ್ತಿದ್ದು, ಭಾಗಶಃ ಹಣ ತೆಗೆಯುವಾಗ ಉಳಿದ ಮೊತ್ತದ ಮೇಲೆ ಬಡ್ಡಿ ನಷ್ಟವಾಗದ ಕಾರಣ ಈ ಯೋಜನೆ ಗ್ರಾಹಕರಲ್ಲಿ ಹೆಚ್ಚು ಜನಪ್ರಿಯವಾಗಿದೆ.
5. ರಾಷ್ಟ್ರ ನಿರ್ಮಾಣ ಮತ್ತು ಸಮಾವೇಶಿತ ಬೆಳವಣಿಗೆಯ ಬದ್ಧತೆ :- ಬ್ಯಾಂಕ್‌ನ ವ್ಯವಸ್ಥಾಪಕ ನಿರ್ದೇಶಕ ಹಾಗೂ ಸಿಇಒ ದೇವದತ್ತ ಚಂದ್ ಅವರು, ಬ್ಯಾಂಕ್‌ನ ಉದ್ದೇಶವು ಸಮಾವೇಶಿತ ಮತ್ತು ಸುಸ್ಥಿರ ಬೆಳವಣಿಗೆಯನ್ನು ಉತ್ತೇಜಿಸುವುದೆಂದು ತಿಳಿಸಿದ್ದಾರೆ. ಡಿಜಿಟಲ್ ಬ್ಯಾಂಕಿಂಗ್ ವಿಸ್ತರಣೆ, ಸಾಲ ಲಭ್ಯತೆ ಮತ್ತು ಜಾಗತಿಕ ಹಣಕಾಸು ವೇದಿಕೆಯಲ್ಲಿ ಭಾರತದ ಸ್ಥಾನ ಬಲಪಡಿಸುವುದು ಬ್ಯಾಂಕಿನ ಮುಖ್ಯ ಗುರಿಯಾಗಿದೆ.
*ಈ ಪ್ರಶಸ್ತಿ ಜಾಗತಿಕ ಮಟ್ಟದಲ್ಲಿ ಭಾರತದ ಬ್ಯಾಂಕಿಂಗ್ ಕ್ಷೇತ್ರದ ಗೌರವವನ್ನು ಹೆಚ್ಚಿಸುವುದರ ಜೊತೆಗೆ ಗ್ರಾಹಕರು ಮತ್ತು ಹೂಡಿಕೆದಾರರಲ್ಲಿ ವಿಶ್ವಾಸವನ್ನು ವೃದ್ಧಿಸಿ, ಇತರೆ ಬ್ಯಾಂಕುಗಳಿಗೆ ನವೀನತೆ ಹಾಗೂ ಗ್ರಾಹಕ ಸೇವೆ ಸುಧಾರಣೆಯತ್ತ ಮುಂದಾಗಲು ಪ್ರೇರಣೆಯಾಗುತ್ತದೆ.

Take Quiz

Loading..!

ಪ್ರಚಲಿತ ಘಟನೆಗಳು